گجرات (جی پی آئی) دہشتگردوں کا کوئی مذہب نہیں ۔ دہشتگرد اسلام اور انسانیت کے دشمن ہیں۔ ان خیالات کا اظہار پیر حمید جان سیفی سجادہ نشین آستانہ عالیہ فقیر آباد نے جامع مسجد نظامی بلال ٹائون میں صاحبزادہ پیر حکیم جواد الرحمن نظامی سیفی کی زیر صدارت منعقد ہونے والی عظیم الشان محفل ذکر و نعت کے موقع پر خطاب کرتے ہوئے کیا۔ انہوں نے کہا کہ ہم بحیثیت مسلمان ہم چودہ سو سال دہشت گردی کا مقابلہ کر ہرے ہیں۔ کفاد ہنود و یہود ‘ نصارا مل کر اسلام کیخلاف ہمیشہ دہشتگردی کرتے ہیں اور پاکستان کے خیال سے انہیں یہود و نصارا جو شکست ہوئی اب اس کا بدلہ لینے کیلئے مختلف شکلوں میں دہشتگردی کی وارداتیں کی جاتی ہیں۔ اولیاء کرام کے مسکن پاکستان کو کوئی طاقت نہیں مٹا سکتی۔ دہشت گردوں کو شکست فاش سے دو چار ہونا پڑے گا۔ اولیاء کرام کے ذکر کی محافل سجانے سے دینی اور دنیاوی مشکلات میں کمی ہوتی ہے۔ حکیم جواد الرحمن نظامی سیفی نے یہ شان دار محفل سجا کر اللہ اور اس کے رسول کو خوش کیا ہے۔ اور سلسلہ عالیہ سیفیہ کے پیغام امن کو عام کرنے کی کوشش کی ہے۔ صاحبزادہ حکیم جواد الرحمن نظامی سیفی نے اظہارِ خیال کرتے ہوئے کہا کہ میں خود کو کتنا خوش نصیب سمجھتا ہوں کہ آج میں مرشد کریم کی آنکھوں کی ٹھنڈک صاحبزادہ پیر محمد حمید جان سیفی اس نا چیز کے آستانے پر تشریف لائے ہیں۔ آستانہ میرے لجپال مرشد مبارک دنیا بھر میں فیض مصطفی ۖ تقسیم کر رہا ہے۔ ہم اپنے مرشد کریم کی ہدایت کے مطابق ضلع گجرات میں امن و امان کے قیام اور محبت اخوت کی فضاء قائم کرنے کیلئے کوشاں ہیں۔ میرے والدین کی خصوصی دعائیں میرے ساتھ ہوتی ہیں اور ہر مشکل گھڑی میں راہنمائی کرتی ہیں۔ ہم سلسلہ عالیہ سیفیہ کی طرف سے سانحہ کوئٹہ کی شدید مذمت کرتے ہیں اور شہداء کی قربانیوں کو سراہتے ہیں اس پولیس فورس سے غازیان ناموس رسالت پیدا ہوتے ہیں اور ہم پولیس فورس کے شہداء کے غم میں برابر کے شریک ہیں۔ اور ڈی پی او گجرات سہیل ظفر چٹھہ اور انکی ٹیم کو ضلع گجرات میں امن وامان پر خراجِ تحسین پیش کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) اسلامی یکجہتی کونسل کے چیرمین قاضی عبدالقدیر خاموش نے کہا ہے کہ ایران اور سعودی عرب کو پاکستان کے اندرونی معاملات میں مداخلت سے باز رہنا چاہیے۔ دونوں اسلامی ممالک پہلے سے دہشت گردی کے شکار ملک کی سلامتی سے کھیلنا بند کریں۔ مجلس عاملہ کے اجلاس سے خطاب میں انہوں نے کہا کہ امت میں تقسیم کے ذمہ دار سعودی عرب اور ایران ہیں، ان کی طرف سے مذہبی حلقوں میں سرمایہ کاری فرقہ واریت کے فروغ کاسبب بن رہی ہے ۔ان کا کہنا تھا کہ ان ممالک سے آنے والی مالی امداد کو وزارت مذہبی امورکے ذریعے ہی استعمال کرنے اور آڈٹ کا پابند کیا جانا ضروری ہے۔ قاضی عبدالقدیر خاموش نے کہا کہ جنگی بنیادوں پر فرقہ واریت اور مذہبی تشدد کے رجحانات کاخاتمہ کرنا ضروری ہے۔جس کے لئے نیشنل ایکشن پلان کے تحت دہشت گردی میں ملوث افراد کے نام فورتھ شیڈول میں شامل کرنے، ان کے شناختی کارڈ معطل ا وربینک اکاونٹس منجمد کرنا اچھا اقدام ہے۔انہوں نے کہا کہ جنرل ضیا الحق کے مارشل لاء کے دوران قانون سازی نے فرقہ وارانہ تقسیم کو مزید گہرا کرنے میں اہم کردار ادا کیا، ان میں فی الفور ترامیم کی جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) دی ایجوکیٹرز بارہ دری کیمپس کا اعزاز 13 ویں سالانہ کلسٹر لیول تقریری مقابلہ میں چار پہلی اور ایک دوسری پوزیشن حاصل کر لی۔ تفصیلات کے مطابق دی ایجوکیٹرز ہیڈ کوارٹر کے زیر اہتمام 13 ویں سالانہ تقریری مقابلہ جات کا انعقاد دی ایجوکیٹرز بارہ دری کیمپس میں کیا گیا۔ جس کا انتظام دی ایجوکیٹرز ہیڈ کوارٹرز کی طرف سے کیا گیا۔ جس کے مہمان خصوصی صدر گجرات چیمبر آف کامرس اینڈ انڈسٹری شیخ ابرار سعید اور ایگزیکٹو ممبر گجرات چیمبر طارق جاوید چوہدری تھے۔ اس موقع پر ججز کے فرائض دی ایجوکیٹرز ہیڈ کوارٹرز کی محترمہ عارفہ نثار احمد اور احمد عمر صہیب نے سرانجام دئیے۔ اس موقع پر دی ایجوکیٹرز فاطمہ جناح کیمپس لالہ موسیٰ’ دی ایجوکیٹرز سعدی کیمپس کنجاہ’ دی ایجوکیٹرز گجرات کیمپس اور دی ایجوکیٹرز بارہ دری کیمپس کے طلبہ و طالبات نے حصہ لیا۔ ججز کے فیصلہ کے مطابق کلسٹر لیول پر ہونیوالے اس مقابلہ میں دی ایجوکیٹرز فاطمہ جناح کیمپس کی نورسہ احسن اول’ دی ایجوکیٹرز بارہ دری کیمپس کی میرب صفدر نے دوسری’ پرائمری کیٹگری اردو میں بارہ دری کیمپس کی ثناء ہمایوں نے اول ‘ دی ایجوکیٹرز فاطمہ جناح کیمپس کی آمنہ محمود نے دوسری پوزیشن حاصل کی’ جبکہ سیکنڈری لیول انگلش میں دی ایجوکیٹرز بارہ دری کیمپس کے احتشام علی نے اول جبکہ دی ایجوکیٹرز فاطمہ جناح کیمپس کی میرب خالد نے دوسری پوزیشن ‘ انگلش کیٹگری حزب اختلاف میں دی ایجوکیٹرز بارہ دری کیمپس کی ایمان عائشہ نے اول جبکہ دی ایجوکیٹرز فاطمہ جناح کیمپس کی بسمہ نے دوسری پوزیشن حاصل کی۔ اردو کیٹگری سیکنڈری لیول میں اول پوزیشن دی ایجوکیٹرز بارہ دری کیمپس کے شمیل اظہر جبکہ فاطمہ جناح کیمپس کی آمنہ احمد نے دوسری پوزیشن حاصل کی۔ جبکہ سیکنڈری لیول پر حزب مخالف نے فاطمہ جناح کیمپس لالہ موسیٰ کے شہر یار یاسر نے اول جبکہ دی ایجوکیٹرز بارہ دری کیمپس کی سائرہ زینب نے دوسری پوزیشن حاصل کی۔ اس موقع پر شرکاء کو سرٹیفکیٹ اور انعامات دئیے گئے۔ تقریری مقابلوں کا عنوان ”الجھنیں بڑھ گئیں جب سے سمجھدار ہوئے” انگلش میں “Intelegence is not enough” ‘ سیکنڈری لیول میں ”کیا محنت قسمت کا فیصلہ کرتی ہے” انگلش میں “Social Media Boon or Bane” تھے۔ طلبہ و طالبات نے موضوع کے حق میں تقاریر کیں اور حاضرین سے داد حاصل کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) نوجوان نسل ہمارا اثاثہ ہیں اور ہمیں اپنے مستقبل کو محفوظ کرنے کیلئے انہیں تعلیم کی بہتر سہولیات فراہم کرنا ہیں۔ دی ایجوکیٹرز ہیڈ کواٹر کی طرف سے ہونہار بچوں کا تقریری مقابلہ خوش آئند ہے جس میں بچوں نے کھل کر اپنی صلاحیتوں کا اظہار کیا۔ صدر گجرات چیمبر آف کامرس اینڈ انڈسٹری شیخ ابرار سعید نے گزشتہ روز دی ایجوکیٹرز بارہ دری کیمپس گجرات میں دی ایجوکیٹرز ہیڈ کوارٹرز کے زیر اہتمام منعقدہ تقریری مقابلہ جات کے دوران کیا۔ انہوں نے کہا کہ بچوں نے جس طرح اپنی صلاحیتوں کا اظہار کیا ہے۔ اسے دیکھ کر مجھے بے حد خوشی ہوئی کہ بچوں کو آگے بڑھنے کے مواقع فراہم کئے جا رہے ہیں جس قوم کے بچوں کی بہتر تعلیم و تربیت کا بندوبست ہو وہ قوم دنیا میں ترقی کرتی ہے۔ انہوں نے کہا کہ شہزاد شفیق اور انکی ٹیم پہلے ہی بچوں کی حوصلہ افزائی کیلئے اقدامات کرتی ہیں جس کیلئے ہم انہیں خراجِ تحسین پیش کرتے ہیں۔ انہوں نے کہا کہ کسی بھی قوم کی ترقی کا انحصار اس قوم کے بچوں پر ہوتا ہے۔ اور شہزاد شفیق شرقپوری مبارکباد کے مستحق ہیں۔ کہ وہ بچوں کی بہتر راہنمائی کا فریضہ سرانجام دے رہے ہیں۔ ایگزیکٹو ممبر گجرات چیمبر طارق جاوید چوہدری نے کہا کہ ہم دی ایجوکیٹرز ہیڈ کوارٹرز اور دی ایجوکیٹرز بارہ دری کیمپس کے اشتراک سے ہونیوالے شاندار تقریری مقابلہ پر منتظمین کو خراجِ تحسین پیش کرتے ہیں کہ انہوں نے بہترین انداز میں بچوں کی راہنمائی کا فریضہ سرانجام دیا ہے۔ ہم نصابی سرگرمیوں سے بچوں کی صلاحیتوں میں نکھار پیدا ہوتا ہے۔ دی ایجوکیٹرز ہیڈ کواٹرز احمد عمر صہیب نے کہا کہ مجھے خوشی ہے کہ یہ آج کا یہ پروگرام کلسٹر لیول پر منعقد ہوا ہے مگر یہ مقابلہ جات یونیورسٹی لیول کے انتظامات کے مطابق ہیں۔ جس کیلئے میں شہزاد شفیق اور انکی ٹیم کو مبارکباد پیش کرتا ہوں۔ بچوں کو چاہئے کہ اساتذہ کو کاپی کریں۔ عائشہ نثار احمد نے کہا کہ انگلش زبان بطور ٹول استعمال کی جاتی ہے جبکہ اردو ایک لشکری زبان ہے۔ جو کہ وسیع تاریخ رکھتی ہے۔ پاکستان میں 74 سے زائد زبانیں بولیں و سمجھی جاتی ہیں۔ طلبہ کا ان زبانوں کو سمجھنا وقت کی اہم ضرور ت ہے۔ شہزاد شفیق نے کہا کہ ہم نصابی سرگرمیوں کے فروغ سے بچوں میں آگے بڑھنے کا حوصلہ پیدا ہوتا ہے اور وہ مستقبل کے رہنما بنتے ہیں۔ دی ایجوکیٹرز ہیڈ کواٹرز کی طرف سے اس پروگرام کا انعقاد خوش آئند ہے۔ ہم ان کی کال پر لبیک کہتے ہوئے بھر پور انتظامات کئے ہیں۔ اور آئندہ بھی بچوں کی حوصلہ افزائی کیلئے کام کرتے رہیں گے۔ سوشل میڈیا پر گرفت وقت کی اہم ضرورت ہے لیکن کسی بھی چیز کی زیادتی خطرناک ہوتی ہے۔ بچوں کو سوشل میڈیا کے ساتھ ساتھ اپنی تعلیم کی طرف بھی توجہ دینی چاہئے۔ آج اس مقابلہ جات میں مختلف تعلیمی اداروں کے بچوں نے حصہ لیا جس سے انکی صلاحیتیں نکھر کر سامنے آئی ہیں۔ میں تمام ٹیم کو خراجِ تحسین پیش کرتا ہوں اور ٹیچرز کو خصوصی سلام پیش کرتا ہوں جنہوں نے بچوں کی تیاری میں اہم کردارادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حاجی مشتاق احمد صراف (کڑیانوالہ والے) کی اہلیہ محترمہ سیٹھ لطیف صراف (کڑیانوالہ والے) کی بھاوج اور سیٹھ مظہر عباس صراف (اطہر گولڈ پوائنٹ )، سیٹھ اظہر صراف(لیبیا)، سیٹھ مدثر عباس صراف’ ممتاز تاجر و راہنما مسلم لیگ (ق)’ایگزیکٹو ممبر گجرات چیمبر آف کامرس نائب صدر مرکزی انجمن تاجران ‘جنرل سیکرٹری صرافہ اینڈ جیولرز ایسوسی ایشن گجرات سیٹھ ظہیر عباس صراف کی والدہ محترمہ اور سیٹھ یاسر لطیف صراف ۔ سیٹھ ناصر لطیف صراف۔ سیٹھ راحیل لطیف صراف ۔ سیٹھ کاشف لطیف صراف کی تائی جان کو سینکڑوں سوگواروں کی موجودگی میں سپردِ خاک کر دیا گیا۔ مرحومہ کی نماز جنازہ قبرستان خواجگان میں ادا کی گئی ۔ ممتاز روحانی شخصیت صاحبزادہ سید عتیق اکمل آستانہ عالیہ پیر حبیب اللہ شاہ نے پڑھائی۔ نماز جنازہ میں ضلع بھر سے اہم شخصیات نے کثیر تعداد میں شرکت کی جن میں پرویز اختر پگانوالہ ‘ جاوید بٹ’ عتیق الرشید بٹ’ شیخ افضال احمد’ سیٹھ ارشد صراف’ سیٹھ ایوب صراف’ وحید الدین ٹانڈہ’ شیخ ابرار سعد صدر گجرات چیمبر’ حاجی ناصر محمود’ طارق جاوید وڑائچ ‘ سلیم سرور جوڑا’ مہر ثاقب اسحاق’ اشفاق احمد رضی ایڈووکیٹ’ بائو منیر پشاوری’ سیٹھ قمر خورشید’ نعیم امتیاز گوندل’ علی عنصر گھمن’ محمد اسحاق’ ثوبان ظہیر ‘ شیخ عرفان پرویز’ مرزا الیاس جرال’ عدنان اقبال مکی’ مرزا مشتاق’ حاجی عرفان یوسف’ طارق جاوید چوہدری’ سکندر اشفاق’ راجہ ذوالفقار’ نسیم اصغر جوڑا’ وسیم افضل جوڑا’ ضرغام وسیم جوڑا’ شیخ سلیم’ سیٹھ قمر خورشید صراف’ محمد خالدبٹ’ محمد عابد لطیف’ حاجی حبیب اللہ’ ملک بابر نسیم’ افتخار احمد شاکر’ غلام مصطفی صراف’ حاجی ذوالفقار صراف’ شہزاد شفیق شرقپوری’ طارق سلامت’ الطاف کاظمی’ سید آصف رضا نقوی’ بابر محمود بھٹی’ خان دلاور خان’ سیٹھ ارشد صراف’ اویس علی صراف’ بابر بھیائ’ خادم علی خادم’ ملک جاوید اعوان’ مہر نسیم اختر’ نسیم اختر’ باسط راٹھور’ عمر شہزاد گجر’ خواجہ ظہیر ‘ شیخ عامر علی’ عبداللہ اقبال بٹ’ رانا ثاقب مشرف’ چوہدری مظہر وڑائچ نت’ یاسر بٹ’ حمید اللہ بھٹی’ آصف گھن’ ڈاکٹر رئوف منہاس’ ڈاکٹر ارشد چوہدری’ سیٹھ امتیاز حیدر’ راجہ ریاض’ خرم بٹ’ عاطف بٹ’ امتیاز احمد راٹھور’ عتیق الرشید بٹ’ شہباز بھٹی’ بوبی پہلوان’ عامر نعمان’ فرقان اے ایوب’ ڈاکٹر عمران’ مزین حمید بٹ’ روحیل عظمت بٹ’ انور بھٹی’ فیصل حبیب کپور’ عثمان افضل’ عمران اسلم وڑائچ’ چوہدری یاسر محمود’ سیٹھ شاہد محمود’ خان شبیر خان’ سیٹھ عبدالرشید صراف’ میاں جمال صفدر’ ڈاکٹر ثوبان شاہد ‘ قاری عامر رضوان قادری’ ملک انصر’ ملک فراز احمد’ ملک شہباز اعوان’ شہباز سیٹھی’ بوبی پہلوان’ خان سجیل خان’ سیٹھ ایوب صراف’ نوازش علی نوازش’ خواجہ ظہیر صابر’ شیخ محمد سلیم رستم پمپ ‘شیخ محمد افضال ‘ عاطف علی’ عمران صراف’ سیف اللہ ڈار ‘ عمیر ڈار’ سیٹھ شہزاد اختر’ عمر شعیب’ تبسم سردار’ چوہدری احسان اللہ’ حسنین غوث’ قیصر ڈھلو’ سیٹھ ارشد’ حسن اقبال بٹ’ حاجی محمد اکمل ‘ سیٹھ وحید’ حافظ شیراز’ اویس علی صراف’ نعمان شیخ’ چوہدری احسان اللہ’ سیٹھ عثمان عنایت’ حاجی محمد زمان صراف’ چوہدری عمران اسلم وڑائچ’ سیٹھ عبدالرشید ‘ فیاض بٹ’ حاجی لیاقت علی زرگر’ چوہدری ہارون’ سیٹھ علی اصغر’ سیٹھ علی اکبر و عدیل الیاس جرال’ حاجی امیر خان’ راجہ عمر آفتاب’ محمد خالد بٹ’ مہر عابد لطیف’ راجہ ریاض’ خرم بٹ’ شیخ مدثر’ ڈاکٹر رزاق احمد غفاری’ ذوالفقار باجوہ’ شیخ محمد ادریس’ چوہدری طارق وڑائچ’ وحید ٹانڈہ’ سیٹھ ارشد صراف’ شیخ عامر علی ‘ عبداللہ اقبال بٹ ودیگر سینکڑوں افراد شریک تھے۔ مرحومہ کے ایصال ثواب کیلئے ختم قل کی محفل بروز جمعتہ المبارک صبح 10 بجے جامع مسجد مولوی حبیب اللہ مسلم اباد میں شروع ہو گا۔ جبکہ اجتماعی دعا ٹھیک 11 بجے ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پنجاب نعت کونسل کا تعزیتی اجلاس رضا سنٹر علی پور روڈ میں شیخ عرفان پرویز کی زیر صدارت منعقد ہوا جس میں پنجاب نعت کونسل کے متحرک چیئرمین سیٹھ ظہیر عباس صراف کی والدہ محترمہ کی وفات پر گہرے رنج و غم کا اظہار کیا گیا۔ اجلاس میں عامر چوہدری’ مہر عثمان شاری’ ڈاکٹر رزاق احمد غفاری’ اورنگ زیب بٹ’ مرزا الیاس’ تنویر بھٹی’ گل خان و دیگر نے شرکت کی۔ اجلاس میں مرحومہ کی روح کے ایصال ثواب کیلئے فاتحہ خوانی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) صدر سٹیزن فرنٹ سٹی گجرات شیخ عرفان پرویز کی قیادت میں ایک وفد نے ممتاز صحافی رانا عبدالسلام عارف کی عیادت کی جو کہ ٹریفک حادثہ میں شدید زخمی ہو گئے تھے وفد میں ڈاکٹر رزاق احمد غفاری’ شیخ محمد ادریس’ شیخ مدثر’ و دیگر شامل تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حضرت پیر سید ولایت علی شاہ المعروف شہنشاہ ولایت کا 46 واں سالانہ عرس مبارک اور انجمن خدام الصوفیاء کا 106 سالہ سالانہ اجلاس 28 اکتوبر کو دربار شہنشاہ ولایت میں منعقد ہو گا۔ جس کی صدارت سجادہ نشین آستانہ عالیہ علی پور سیداں شریف ‘ صاحبزادہ پیر سید منور حسین شاہ جماعتی کریںگے۔ تلاوت کلام پاک کا شرف قاری صداقت علی شاہ حاصل کریں گے۔ خصوصی خطاب مفتی محمد اقبال چشتی کریں گے۔ حافظ نور سلطان’ ریحان رئوف روفی و دیگر ہدیہ نعت پیش کریں گے۔ پیر سید رضی العباس شاہ کی زیر نگرانی انتظامات کئے جا رہے ہیں عمرہ کے ٹکٹ اور جہیز فنڈز بذریعہ قرعہ اندازی دئیے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) عزیز بھٹی شہید ہسپتال میں مریضوں کو بہتر سہولیات کی فراہمی کیلئے اقدامات کا جائزہ لینے کیلئے اہم اجلاس زیر صدارت ڈی سی او لیاقت علی چٹھہ منعقد ہوا جس میں ایم پی اے حاجی عمران ظفر، پرنسپل نواز شریف میڈیکل کالج ڈاکٹر ظفر اقبال، ای ڈی او فنانس چوہدری اصغر، ایم ایس ڈاکٹر شیر علی نیازی، ڈی ایچ او ڈاکٹر محمد علی مفتی، ڈی او بلڈنگز محمد شریف،ڈی ایس پی ٹریفک عبدالغنی، ٹی ایم او خرم محمود، صدر پی ایم اے ڈاکٹر مقصود زاہد، ڈاکٹر عابد ملک ، سماجی شخصیت حاجی اورنگزیب بٹ، امتیاز کوثر، انجمن بہبودی مریضاں کے چوہدری سلیم، خادم علی خادم و دیگر نے شرکت کی۔ اس موقع پر خطاب کرتے ہوئے ڈی سی او لیاقت علی چٹھہ نے کہا کہ ٹیم ورک اور اجتماعی کاوشوں کے نتیجہ میں گذشتہ چند ماہ کے دوران عزیز بھٹی شہید ہسپتال میں مریضوں کیلئے سہولیات میں واضع بہتری آئی ہے اور یہ ہسپتال روزانہ 1800سے 2400مریضوں کو علاج معالجہ کی سہولیات فراہم کر رہا ہے،وزیر اعلی پنجاب میاں شہباز شریف آئندہ دنوںمیں گجرات کے دورہ کے دوران عزیز بھٹی شہید ہسپتال کا بھی دورہ کریں گے اور مریضوںکو فراہم کی جانیوالی سہولیات کا جائزہ لیں گے۔انہوںنے ہدایت کی کہ ہسپتال میں مریضوں کو تمام ادویات کی مفت فراہمی ہر صورت یقینی بنائی جائے، ہسپتال کے تمام اے سی چالو اور طبی آلات فنکشنل ہونے چاہیں اس مقصد کیلئے درکار فنڈز کیلئے فوری طور پر حکومت پنجاب سے رجوع کیا جائے گا۔ انہوںنے ہدایت کی کہ جونیئر ڈاکٹرز کے ساتھ سینئر ڈاکٹرز اور کنسلٹنٹ بھی باقاعدگی سے وارڈز کا رائونڈ کریں گے ۔ ڈی سی او نے بھرپور تعاون پر انجمن بہبودی مریضاں اور صدر پی ایم اے ڈاکٹر مقصود زاہد کی خدمات کو سراہا۔ انہوںنے ہدایت کی کہ ایمرجنسی وارڈ کے واش رومز میں درکار مرمت اور ایمرجنسی وارڈ میں وائٹ واش فوری طور پر کی جائے ۔ اجلاس میں فیصلہ کیا گیا کہ پارکنگ فوری طور پر ہسپتال کے سامنے ضلعی حکومت کی ملکیت خالی اراضی پر منتقل کر دی جائے گی، ڈاکٹر ز کی گاڑیوں کی انٹری کیلئے سٹکرز جاری کئے جائیں گے اور انکی پارکنگ کیلئے بھی جگہ مختص کی جائے گی جبکہ ٹریفک کا نظام بہتر بنانے کیلئے ڈی ایس پی ٹریفک مزید اہلکاروں کو تعینات کریں گے۔ ایم پی اے حاجی عمران ظفر نے اجلاس سے خطاب کرتے ہوئے کہا کہ عزیز بھٹی شہید ہسپتال میں سہولیات میں بہتری حکومت اور انتظامیہ کی اجتماعی کاوشوں کا ثمر ہے ، خصوصی طور پر ایمرجنسی وارڈ میں بہترین علاج کی سہولت فراہم کی جائے۔ انہوںنے کہا کہ ہسپتال کیلئے درکار فنڈز کے حصول، نئی ایمرجنسی وارڈ کیلئے پوسٹوںکی منظوری سمیت دیگر امور کیلئے وہ بھی اپنی ذمہ داری نبھائیں گے۔ انہوںنے کہا کہ خواتین ڈاکٹرز اور دیگر لیڈیز سٹاف کے بچوں کیلئے بہت جلد ڈے کیئر سنٹر بنایا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان تحریک انصاف کے سینئر راہنماء اور کوارڈینٹر حلقہ این اے 105چوہدری سلیم سرور جوڑا نے کہاکہ پاکستان تحریک انصاف پاکستان کو صحیح معنوں میں ایک آزاد اور سلامی مملکت بنانے کی خواہش مند ہے لیکن ن لیگ کے شریف برادران پاکستان کی ہر چیز کو گروہی رکھ کر اسے غیر وں کے حوالے کرنے پر تُلے ہوئے ہیں انہوں نے کہاکہ 2نومبر کا لاک ڈائون دراصل پاکستان کو غیر ملک تسلط سے بچانے کی آخری کوشش ہے انہوں نے کہاکہ ہم سر پر کفن باندھ کر اسلام آباد جارہے ہیں اور انشاء اللہ اپنے عظیم مقصد میں کامیاب ہوکرہی وآپس لوٹیں گے چوہدری سلیم سرور جوڑا نے کہاکہ عمران خاں ملک کی وہ واحد سیاسی شخصیت ہیں جس پر منافقت یا کرپشن کی وجہ سی کوئی انگلی نہیں اٹھا سکتا ان کے عز م اور اداروں میں جو پختگی ہے وہ ان کے صاف دامن اور اللہ کی مدد کی وجہ سے ہے انہوں نے کہاکہ پاکستان تحریک انصاف کے تمام کارکن یادر رکھیں اگر ہمارے پرامن احتجاج کو طاقت سے روکنے کی کی گئی تو ہم اس کا بھر پور مقابلہ کریں گے سرکاری افسران بادشاہوں کی کاسہ لیسی کے لیے ہمارے کارکنوں کو حراساں کرنے سے باز رہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان تحریک انصاف کے نوجوان راہنماء عثمان منظور دھدرا نے ایک بیان میں کہا ہے کہ عمران خاں پاکستانی22کروڑ عوام کی واحد امید ہیں وہ ہمیں کرپشن اور غیر ملکی مداخلت کے چنگل سے آزاد کرائیں گے عمران خان کے پایہ کا لیڈر پورے برصغیر میں نہیں ہے وہ2نومبرکو پاکستان میں سال یا سال سے قائم بادشاہت کو اٹھا کربحر ہند میںپھینک دیں گے انہوں نے کہا کہ دو نومبر کو دس لاکھ لوگوں کا سیلاب کرپشن کے ٹھیکیدار وں اور ظلم کے بتوں کو بہا کر لے جائے اور 1947کے بعد اب عوام کو نام نہاد کرپٹ سیاستدانوں سے بھی آزادی مل جائے گی عثمان منظور دھدرا نے کہا کہ دو نومبر کو اسلام آباد میں ہونے والے دھرنا میں اپنی شرکت کو یقینی بنائیںاور ضروری ساما ن ساتھ لیکر اسلام آباد روانہ ہوں گے کیونکہ اس دھرنے کی معیاد کا قبل از وقت تعین کرنا ناممکن ہے یہ دھرنا نواز شریف کے بت اکھاڑنے تک جاری رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ ن یو نین کو نسل چار کے سابق امیدوار برائے چییر مین مرزا رئوف ،سابق صدر ٹی ایم اے یونین گجرات فراست حسین ڈار نے گزشتہ روز ممتاز لیبر لیڈر پیرزادہ امتیاز علی سید کے گھر جا کر ان کی اہلیہ کی وفات پر فاتحہ خوانی اور مرحومہ کے بلند درجات کے لیے خصوصی دعا بھی انہون نے مسلم لیگ ق کے سابق ناظم چوہدری مظہر وڑائچ نت کی رہائش گاہ پر بھی ان کی والدہ ماجدہ کی وفات پر اظہار افسوس کیا اور مرحومین کے لیے اللہ تعالی سے خصوصی دعا،اس موقع پر مرزا رئوف اور فراست ڈار نے کہا کہ ہم دکھ کی اس گھڑی میں پیرزادہ امتیاز سید اور چوہدری مظہر نت کے غم میں برابر شریک ہیں ہماری دعا ہے کہ اللہ تعالیٰ مرحومین کو کروٹ کروٹ جنت نصیب کرے آمینان کے ہمراہ ڈاکٹر نعیم اور حسن ذکاء بھی تھے: ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے ایک ہی دن میں15سرکاری سکولوں اور ہسپتالوںکا اچانک دورہ کیا، انہوںنے ناقص کارکردگی پر ایک ہائر سیکنڈری سکول کے پرنسپل کو معطل جبکہ دوسرے کے فوری تبادلہ کے احکامات جاری کر دیے ہیں، جبکہ اعلی کارکردگی پر انگلش ٹیچر کو ایک ماہ کی اضافی تنخواہ دینے کا اعلان کیا۔ سرکاری سکولوں اور ہسپتالوں کی کارکردگی کا جائزہ لینے کیلئے ہفتہ وار دورے کے دوران ڈی سی او لیاقت علی چٹھہ نے ای ڈی او ایجوکیشن طاہر کاشف، ڈی ایچ او ڈاکٹر محمد علی مفتی کے ہمراہ گورنمنٹ گرلز و بوائز سکولز شادیوال، ترکھا، جسوکی، دھاروالہ، گولیکی، کھوجیانوالی اور کنجاہ ، میجر شبیر شریف شہید ہسپتال کنجاہ، آر ایچ سی شادیوال اور بی ایچ یو گولیکی کا اچانک دورہ کیا۔ گورنمنٹ بوائز ہائر سیکنڈری سکول دھاروالہ کے دورہ کے موقع پر ڈی سی او نے کمپوٹر لیب اور سائنس لیب چیک کیں جہاں صفائی کا معیار نہایت ناقص تھا، لیب میں موجود آلات کو طلبہ کی تعلیم کیلئے بھی استعمال نہیں کیا گیا اسی طرح کمپوٹر لیب کی حالت بھی نہایت دگرگوں تھی جبکہ لائبرئری سے گذشتہ کئی ماہ کے دوران محض چند طلبہ کو کتب جاری کی گئی تھیں جس کا سخت نوٹس لیتے ہوئے انہوںنے ہیڈ ماسٹر محمد اقبال کو فوری طور پر معطل کرنے کے احکامات جاری کردیے۔ گورنمنٹ گرلز ہائر سیکنڈری سکول گولیکی میں سائنس لیب میں کوئی بھی سامان موجود نہ تھا، کمپوٹر لیب بھی نہایت بدترین حالت میں تھی جبکہ کوالٹی ایجوکیشن بھی نہایت ناقص تھا جس پر ڈ ی سی او نے ہیڈ مسٹریس ریحانہ کوثر کو فوری ٹرانسفر کرکے سکول میں مستعد ہیڈ ٹیچر کے تقرر کی ہدایات جاری کردیں۔گورنمنٹ ہائی سکول لہنگے کے دورے کے موقع پر ڈی سی او نے طلبہ کی تعلیمی استعداد اور خود اعتمادی کا جائزہ لیا اور طلبہ سے مختلف سوالات پوچھے جنکے پراعتماد انداز میں جوابات پر انہوںنے طلبہ و طالبات کو شاباش دی اور انگلش ٹیچر کے لئے ایک اضافی تنخواہ کا اعلان کیا،انہوں نے گرلز ہائی سکول کھوجیانوالی گرلز ایلمنٹری سکول دھاروال میںکوالٹی ایجوکیشن کو سراہا جبکہ گورنمنٹ گرلز ہائی سکول شادیوال میں معیار تعلیم پر اظہار عدم اطمینان کیا ۔ دیگر تعلیمی اداروںکے دورہ کے موقع پر انہوںنے ان اداروں میں اساتذہ، طلبہ و طالبات کی حاضری چیک کی، سکیورٹی اور دیگر انتظامات کا جائز ہ لیا ۔ گورنمنٹ اسلامیہ ہائی سکول کے دورہ کے موقع پر ڈی سی او نے سکول کی خستہ عمارت کو فوری طور پر گرا کر نئی بلڈنگ کی تعمیر کیلئے منصوبہ بندی کی ہدایت کی ۔میجر شبیر شریف شہید ہسپتال کنجاہ، آر ایچ سی شادیوال او ر بی ایچ یو گولیکی کے دورہ کے موقع پر ڈی سی او نے ان ہسپتالوںکے مختلف وارڈز کا معائنہ کیا، میڈیکل سٹورز چیک کئے اور مریضوں سے مفت ادویات، ڈاکٹرز کے رویہ اور دیگر سہولیات کے بارے میں دریافت کیا۔ انہوںنے ہدایت کی کہ تمام ہسپتالوںمیں مریضوں کو مفت ادویات کی فراہم ہر صورت یقینی بنائی جائے، ڈاکٹر مریضوں کو ریفر کرنے سے گریز کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) میجر شبیر شریف شہید ہسپتال کے سرجن ڈاکٹر عامر اعجاز نے عزیز بھٹی شہید ہسپتال سے ریفر کی جانیوالی مریضہ کی خوراک کی نالی کا کامیا ب آپریشن کیا ہے جس کے بعد مریضہ تیزی سے روبہ صحت ہے، ڈی سی او لیاقت علی چٹھہ نے کامیاب سرجر ی پر ہسپتال کی انتظامیہ اور خصوصا سرجن عامر اعجاز کی کارکردگی کو زبردست سراہا ہے اور ہدایت کی ہے کہ کی دکھی انسانیت کی خدمت کا سلسلہ اسی پرخلوص طریقہ سے جاری رکھا جائے ۔ ڈی ایچ او ڈاکٹر محمد علی مفتی نے ڈی سی او لیاقت علی چٹھہ کو میجر شبیر شریف شہید ہسپتال کے دورہ کے موقع پر بتایا کہ ڈھوڈا شریف کے رہائشی محنت کش کی بیوی 35سالہ مصباح کی خوراک کی نالی تنگ ہوچکی تھی اور گذشتہ کئی سال سے وہ انسانی ضرورت کے مطابق خوراک کھانے سے قاصر تھی۔ مریضہ کے لواحقین نے عزیز بھٹی شہید ڈی ایچ کیو ہسپتال سے رجوع کیا جہاں ڈاکٹرز نے مریضہ کو لاہور ریفر کر دیا جبکہ وہاںعلا ج پر کافی زیادہ اخراجات بھی بتائے گئے تھے۔بعد ازاں مریضہ کو اسکے لواحقین میجر شبیر شریف ہسپتال کنجاہ لائے جہاں ایم ایس ڈاکٹر عابد غوری کی زیر نگرانی ڈاکٹر عامر اعجاز نے مریضہ کی خوراک کی نالی کا کامیاب آپریشن کیا جس کے بعد وہ تیزی سے صحت یاب ہورہی ہے۔ ڈی سی او لیاقت علی چٹھہ نے اعلی کارکردگی پر ہسپتال انتظامیہ اور سرجن کو شاباش دی اور خود وارڈ میںجاکر مریضہ کی عیادت بھی کی۔ مصباح کے خاوند نے بتایا کہ وہ بری طرح مایوس ہو چکا تھا تاہم میجر شبیر شریف شہید ہسپتال کنجاہ میں اسکی بیوی کا کامیاب آپریشن ہوا جس پر وہ وزیر اعلی پنجاب میاں شہباز شریف، ڈی سی او لیاقت علی چٹھہ، ایم ایس ڈاکٹر عابد غوری اور سرجن عامر اعجاز کا مشکورہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) شہر کی اولین اربن ٹرانسپورٹ سروس زیب میٹرو سروس کا باقاعدہ آغاز کر دیا گیا ہے، ڈی سی او لیاقت علی چٹھہ نے منصوبے کا افتتاح کیا، سیکرٹری آر ٹی اے کامران اکبر، حاجی اورنگزیب بٹ، سینئر صحافی طفیل میر، ذیشان زیب بٹ و دیگر بھی موجود تھے۔ اس موقع پر بات چیت کرتے ہوئے ڈی سی او لیاقت علی چٹھہ نے کہا کہ میونسپل کارپوریشن بننے کے بعد گجرات بڑے شہروںمیں شامل ہو چکا ہے اور اربن ٹرانسپورٹ سروس شہریوںکی بنیادی ضرورت بن چکی ہے۔ انہوںنے کہا کہ حکومت پنجاب کی ہدایات کے مطابق شہریوںکو سستی ٹرانسپورٹ سروس کی فراہمی کیلئے ٹرانسپورٹ ڈیپارٹمنٹ کے زیر سایہ زیب میٹرو ٹرانسپورٹ سروس کا آغاز کیا گیا ہے۔ ڈی سی او نے بتایا کہ ابتدائی طور پر ائیر پورٹ چوک سے پی ایس او پمپ نزد ٹول پلازہ تک 10ویگنیں چلائی جارہی ہیں روٹ 14سٹاپ پر مشتمل ہے جس کا کرایہ 20روپے ہوگا، ضرورت پر گاڑیوں کی تعداد میں مزید اضافہ کر دیا جائے گا۔ انہوںنے کہا کہ اربن ٹرانسپورٹ کی اس سروس کی وجہ سے مسافروں، مختلف سرکاری محکموں کے ملازمین اور فیکٹری ورکرز کی انڈسٹریل ایریا، سرکاری دفاتر، ہسپتالوںتک رسائی آسان اور سستی ہو جائے گی۔ ڈی سی او لیاقت علی چٹھہ نے امید کا اظہار کیا کہ اربن ٹرانسپورٹ سروس کے اس منصوبے کی وجہ سے سفر کرنیوالوں کا چاند گاڑی اور رکشہ پر انحصار کم ہوگا اور شہر سے ٹریفک کے مسائل کا بھی خاتمہ ہوگا۔ زیب میٹرو سروس کے سربراہ حاجی اورنگزیب بٹ نے کہا کہ اربن ٹرانسپورٹ کا یہ منصوبہ وزیر اعلی پنجاب میاں شہباز شریف کی طرف سے شہریوں کو سہولیات فراہم کرنے کے وژن کا عکاس ہے، اس پراجیکٹ کیلئے ڈی سی او لیاقت علی چٹھہ نے بھرپور راہنمائی فراہم کی ہے اور آج سے گاڑیاں روٹ پر رواں دواں ہیں۔ انہوں نے اس عزم کا اظہار کیا کہ مسافروں کی تعداد زیادہ ہونے پر مزید گاڑیاں بھی فلیٹ میں شامل کر لی جائیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) لوکل گورنمنٹ انتخابات کے دوسرے مرحلے کیلئے پولنگ سکیم مکمل کر لی گئی ہے، امیدواروں کو نشانات کی الاٹمنٹ کے بعد انتخابی مواد پرنٹنگ کیلئے بھجوادیا گیا ہے۔ ان خیالات کا اظہار ڈسٹرکٹ ریٹرننگ آفیسر لیاقت علی چٹھہ نے اہم اجلاس سے خطاب کرتے ہوئے کیا، ڈسٹرکٹ الیکشن کمشنر فرید اللہ، اے ڈی ایل جی محمود اقبال گوندل بھی اس موقع پر موجود تھے۔ اجلاس میں لوکل گورنمنٹ کے انتخابات کے لئے کئے جانیوالے انتظامات کا تفصیلی جائزہ لیا گیا۔ ڈسٹرکٹ ریٹرننگ آفیسر لیاقت علی چٹھہ نے کہا کہ انتخابات کے عمل کی انجام دہی کیلئے گزیٹٹڈ افسران کو ہی بطورپریذائیڈنگ آفیسر ، اسسٹنٹ پریذائیڈنگ آفیسر تعینات کیا جائے گا ، تمام انتخابی عملہ کی ٹریننگ 5نومبر کو ہوگی جس میں ماسٹر ٹرینرز تربیت فراہم کریں گے۔ انہوںنے اس عزم کا اظہار کیا کہ پہلے مرحلے کی طرح دوسرے مرحلے کے انتخابات کا بھی شفاف طریقے سے انعقاد یقینی بنایا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) راہنما مسلم لیگ (ن) عبدالقیوم بھٹی (میونسپل کونسلر) نے کہا ہے کہ کوئٹہ سانحہ کی جتنی مذمت کی جائے کم ہے بے گناہ انسانوں اور خصوصاً قانون نافذ کرنے والے اداروں کے اہلکاروں کو نشانہ بنانا ظلم و بربریت کی بدترین مثال ہے حکومت جلد ذمہ داروں کو کیفر کردار تک پہنچائے گی ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا۔ انہوں نے کہا کہ دہشت گرد آخری سانسیں لے رہے ہیں اور وہ اس طرح کی بربریت کا مظاہر کر کے نہتے لوگوں کی جانیں تو لے سکتے ہیں مگر پاکستانی قوم کے اداروں کو متزلزل نہیں کر سکتے حکومت اور پاک فوج آپریشن ضرب عضب میں کامیابیاں حاصل کر رہی ہے جس سے خوفزدہ چند باقی بچ جانے والے دہشت گرد اس طرح کی حرکات کر کے اپنی موت کے قریب آ رہے ہیں انہوں نے کہا کہ قوم متحد ہو کر ان کا مقابلہ کر رہی ہے انشاء اللہ جلد پاکستان ان دہشت گردوں سے پاک ہوگا اور پھر یہ ملک امن و امان کا گہوارہ بنے گا ہم شہداء کے درجات کی سربلندی، زخمیوں کی جلد صحت یابی اور پسماندگان کے لئے صبر جمیل کے لئے خدا سے دعا گو ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) پاکستان تحریک انصاف کے راہنما میاں جمیل اصغرنے اپنے ایک بیان میں کہا ہے کہ سانحہ کوئٹہ کی جتنی بھی مذمت کی جائے کم ہے ہم پاک فوج اور قانون نافذ کرنے والے اداروں کے شانہ بشانہ کھڑے ہیں دہشت گرد اس طرح کی مذموم اور بہیمانہ کارروائیاں کر کے اپنے مقاصد میں کبھی بھی کامیاب نہیں ہو سکتے اس سانحہ میں بیرون ہاتھ بھی ملوث ہو سکتے ہیں حکومت تحقیقات کر کے حقائق قوم کے سامنے لائے ۔ انہوں نے سانحہ کوئٹہ کی پرزور مذمت کی۔ انہوں نے کہا کہ عمران خان سمیت تمام سیاسی قائدین کو اس سانحہ پر سیاست کرنے کی بجائے پاکستان دشمن قوتوں کی سرکوبی کیلئے متحد ہوجا نا چاہئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) چیئرمین یوسی ڈوگہ ملک محمد اشفاق اعوان اور وائس چیئرمین حاجی راجہ فضل الرحمن نے کہا ہے کہ سانحہ کوئٹہ دہشت گردوں کی بزدلانہ کارروائی ہے ہم پرزور مذمت کرتے ہیں شہداء اور زخمیوں کے پسماندگان کے غم میں برابر کے شریک ہیں۔ دہشت گردی کے خلاف پوری قوم متحد ہے ان خیالات کا اظہار انہوں نے اپنے مشترکہ بیان میں کیا۔ انہوں نے کہا کہ دہشت گرد اسطرح کی کارروائیاں کر کے کامیاب تو نہیں ہو سکتے حکومت دہشت گردی کے عفریت سے نمٹنے کے لئے پوری طرح تیار ہے اور اللہ تعالیٰ کے فضل، عوامی دعائوں سے جلد دہشت گردی کے ناسور کو انجام تک پہنچائے گی انہوں نے سانحہ کوئٹہ کے شہداء کے ایصال ثواب کے لئے دعائے فاتحہ اور لواحقین کے لئے صبر جمیل کی دعا بھی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) وائس چیئرمین یونین کونسل بدر چوہدری اجمل حسین پیارا صدر پاکستان تحریک انصاف یوتھ ونگ حلقہ پی پی115 نے کہا ہے کہ 2نومبر کو اسلام آباد میں کرپٹ حکمرانوں کو انجام تک پہنچانے کے لئے قائد محترم محمد الیاس چوہدری ،چوہدری مختار احمد ڈھل اور حاجی چوہدری محمد اکرم پیارا کی قیادت میں تاریخی قافلہ کے ہمراہ شرکت کریں گے اور قوم کی تقدیر بدلنے کے لئے حلقہ پی پی115کے نوجوانوں کا کردار مثالی ہوگا ان خیالات کا اظہار انہوں نے اخبار نویسوں سے گفتگو کرتے ہوئے کیا۔ انہوں نے کہا کہ قوم کے ساتھ بہت ہو چکا اب برداشت نہیں کیا جائے گا کرپٹ حکمرانوں نے قومی دولت لوٹ لوٹ کر بیرون ممالک میں آف شور کمپنیاں بنائیں قوم کے بچوں کا مستقبل تاریخ کر کے اپنی اولادوں کے مستقبل سنوارے جا رہے ہیں وطن عزیز کو پچھلے 70سال سے دونوں ہاتھوں سے لوٹا جا رہا ہے عوام مایوس ہو کر امید کی واحد کرن عمران خان کے شانہ بشانہ وطن عزیز کو لوٹ مار کے کلچر سے آزاد کرنے کے لئے متحد ہو چکے ہیں 2نومبر کا میچ فیصلہ کن ثابت ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سیاسی وسماجی شخصیت ملک محمد رفیق(فرانس) نے کوئٹہ سریاب روڈ پر پولیس ٹریننگ سنٹر پر حملہ کی مذمت کرتے ہوئے کہاہے کہ کے حقائق کی روشنی میں دہشت گردوں کے مکمل خاتمے کے لئے سنجیدہ اقدامات کیے بغیر ملک میں امن کا قیام ممکن نہیں، 60 سے زائد افراد کی شہادت اور 116 زخمی ہونے والا واقعہ افسوسناک اور بزدلانہ کارروائی ہے، موجودہ صورتحال میں حکمرانوں اور سیاستدانوں کو بردباری کا مظاہرہ کرتے ہوئے ملکی استحکام کیلئے کام کرنا ہوگا ۔انہوںنے کہاکہ دہشت گردوں نے ایک مرتبہ پھر مذموم کارروائی کرکے ارض وطن کو لہو رنگ کردیا ہے، زیر تربیت پولیس اہلکاروں کی شہادت اور سینکڑوں افرادکا زخمی ہونے کا واقعہ انتہائی تکلیف دہ ہے، جس نے ایک بار پھر دہشت گردی کا مقابلہ کرتے پاکستانیوں کے زخم تازہ کردیے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سانحہ کوئٹہ کی مذمت کرتے ہیں ۔دہشتگرد اسلام اور پاکستان کے دشمن ہیں ۔اس قسم کی بربریت کی اسلام ہرگز اجازت نہیں دیتا ۔سانحہ کوئٹہ میں شہدا کے لواحقین کے غم میں شریک ہیں اور زخمیوں کی جلد صحت یابی کے لیئے دعا گوہ ہیں۔کوئٹہ کیڈٹ سکول پر حملہ پاکستان دشمن قوتوں کا پاکستان کی سلامتی اور استحکام پر حملہ ہے۔ ملک کی سیاسی و عسکری اور مذہبی قیادت کو وطن دشمن سرگرمیوں ،دہشتگردی اور انتہاپسندی کیخلاف ہر قسم کے اختلافات ختم کرکے متحد ہونا ہوگا۔ ان خیالات کا اظہارراہنماپاکستان تحریک انصاف کھاریاں چوہدری فرحان احمد نے کیا انہوں نے کہا پاکستانی قوم سانحہ کوئٹہ کے شہداء کو سلام پیش کرتی ہے اور وفاقی وزیر داخلہ اور حکمرانوں سے سوال کرتی ہے کہ آخر کب تک قوم کے بچے اس طرح دشمن کا نشانہ بنتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)پاکستان زرخیز خطہ ہے جہاںپرمحنتی جفا کش لوگ آباد ہیں۔جو مختلف شعبہ ہائے زندگی میںکارہا ئے نمایاںکرتے رہتے ہیں۔مسلم ملک ہونے کے ناطے اسلا می تعلیمات کی روشنی میںانسانیت کی خدمت کاجذبہ بہت زیادہ موجودہے۔اس سرزمین سے نمو پانی والی این جی اومسلم ہینڈزانٹرنیشنل 50سے زائد ممالک میںانسانیت کی خدمت میںمصروف عمل ہے ۔ان خیالات کا اظہارجسٹس ومفتی االشیخ آف لبنان پروفیسرڈاکٹراسامہ عبدالرزاق الرفاعی نے مسلم ہینڈزانٹر نیشنل کے زیراہتمام سالانہ تقریب تقسیم اسناد کے موقع پرکیا۔اس موقع پرچیئرمین صاحبزادہ سید لخت حسنین،کنٹری مینجر صاحبزادہ سید ضیاء النور،پرنسپل مولاناظفر علی خاں پوسٹ گریجو ایٹ کالج وزیرآبادپروفیسرڈاکٹر محمدآصف ہزاروی،پرنسپل کامرس کالج وزیرآبادمحمداشفاق ،ڈاکٹرنعیم الدین الاظہری،ایریا مینجرسید خرم رضا،پرنسپل محمدیوسف،حافظ محمدندیم ،پراجیکٹ مینجر ملک نعیم جاوید،ساجد ندیم انصاری ،الحاج ارشد محمودسلیمی،ناصر محموداللہ والے،میاں محمداقبا ل ،عمران رسول بٹ،امجد صدیقی ودیگر بھی موجودتھے۔چیئرمین مسلم ہینڈزانٹرنیشنل صا حبزادہ سید لخت حسنین نے کہا کہ مسلم ہینڈزنوجوان نسل کوہنرمندبناکربیرون ملک حلال روزی کمانے کے قابل بنارہی ہے۔ہنرمندفردارض پاک میںزرمبادلہ منتقل کرکے اسکی خوشحالی میںاہم کرداراداکرتے ہیں۔انہوںنے کہا کہ ہماری بھرپور کوشش ہے کہ پاکستان کے ہرفردکوہندمندبنادیا جائے تاکہ ملک ترقی کی منازل طے کرتا رہے اورترقی یافتہ ممالک کی صف میںلاکھڑا کیا جاسکے۔انہوںنے مسلم ہینڈزٹیکنیکل کالج سٹاف کی کارکردگی کوسراہتے ہوئے تمام سٹاف کوفی کس 10ہزارروپے انعام دیااورتوقع کااظہارکیا کہ آئندہ بھی وہ اس جانفشانی سے کام کرتے رہیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مسلم لیگی رہنماالطاف احمدہاشمی نے کہا ہے کہ وزیراعظم نوازشریف کی قیادت میںملک ترقی کی را ہ پرگامزن ہے۔عمران خاںکااسلا م آبادکوبندکرنے والا اعلان حقیقت نہیںبن سکتا۔قوم کے قیمتی126دن ضائع کرنے والے ٹولے کوملکی ترقی ہضم نہیںہورہی۔انہوںنے کہا کہ دھرنا گروپ وزیراعظم نوازشریف کے عزم کوکمزورنہیںکرسکتاتبدیلی کے کھوکھلے نعرے لگا نے والوںنے خیبرپختونخواہ کوتباہی سے دوچار کردیا ہے۔انکے پاس ملکی مسائل کے حل کاکوئی پروگرام نہیں۔مسلم لیگ (ن)کے جھنڈے تلے ترقی کاکارواںچلتا رہے گا۔الطاف احمدہاشمی کودوبارہ پاکستان مسلم لیگ (ن)ممبر صوبائی کونسل پنجاب منتخب ہونے پراکابرین مسلم لیگ نے مبارکباد دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) اخوت ہیلتھ سروسزٹائون شپ لاہور کے زیر اہتمام موٹاپے کا عالمی دن کے موقع پر فارمیوو فارما سیوٹیکل کے تعاون سے ایک سیمیناراورآگاہی واک کا انعقاد کیا گیا ۔ جس میں ڈاکٹر طاہر رسول، ڈاکٹر واصف نور، ڈاکٹر مہوش رشید ، ڈاکٹر افشین سہیل ،قیصر حمید، پروگرام کوارڈینیٹرروبی ہاشم کے علاوہ مریضوں اور لوگوں کی کثیر تعداد نے شرکت کی۔ تقریب کے مہمانِ خصوصی ڈاکٹر طاہر رسول نے حاضرین کو بتایا کہ موٹاپا دنیا کی تیزی سے بڑھتی ہوئی بیماریوں میں سے ایک ہے۔ حال ہی میں امریکن میڈیکل ایسوسی ایشن نے موٹاپے کو باقاعدہ طور پر ایک بیماری قرار دیا ہے۔ موٹاپے کی شرح میں پاکستان 188ممالک میں سے 9نمبر پر ہے۔ڈاکٹرطاہر رسول نے موٹاپے سے ہونے والی بیماریوں سے حاضرین کو آگاہ کرتے کہاکہ موٹاپا بہت سی بیماریوں کا پیش خیمہ بن سکتا ہے۔ مثلاً دل کے امراض، ہائی بلڈ پریشر، جوڑوں کے امراض، امراضِ نسواں، کینسر، جگر اور آنتوں کے امراض، سانس لینے میں دشواری اور فالج جیسے مرض شامل ہیں۔ ڈاکٹرواصف نور نے کہاکہ اگر آپ کا وزن آپ کے قد کے حساب سے زیادہ ہے یا دوسرے لفظوں میں آپ کا BMI (باڈی ماس انڈیکس ) 23سے زیادہ ہے تو آپ موٹاپے کا شکار ہیں۔ڈاکٹر افشین سہیل نے موٹاپے کی وجوہات بیان کرتے ہوئے کہا کہ غیر صحت مند طرز ِزندگی، چینی اور چکنائیوں سے بھر پور غذائیں، بھوک سے زیادہ کھانا،بے وقت کھانا، فاسٹ فوڈاور کولڈ ڈرنکس کا استعمال اور سیر یا ورزش کا نہ کرنا ہے۔ ڈاکٹر مہوش رشیدنے موٹاپے کے بچائو اور علاج پر بات کرتے ہوئے کہا کہ روزانہ سیر اور ورزش کریں۔ کھانے سے پہلے پانی کا استعمال کریں۔ غیر معیاری کھانوں سے پرہیز کریں۔ بھوک سے کم کھانا کھائیں۔ کھانے کے ساتھ سلاد کا استعمال کریں۔ تازہ پھل اور سبزیاں استعمال کریں۔ گھی اور چکنائی کا استعمال کم کریں۔ لیکن اگر آپ کا وزن کنٹرول نہیں ہو رہا تو ڈاکٹر سے رجوع کریںعلاج کے لئے مریض کی ضرورت کے مطابق ادویات کا نعم البدل موجود ہے۔ سیمینار کے بعد تمام شرکا ء نے موٹاپے سے آگاہی واک میں حصہ لیا۔ شرکاء نے پلے کارڈز اور بینرز اٹھا رکھے تھے۔ تقریب کے اختتام پر ڈاکٹر طاہر رسول نے تمام حاضرین اور فارمیوکے منیجنگ ڈائریکٹر کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) کرپشن’ لوٹمار’ اور بدعنوانی کیخلاف پوری قوم متحد ہوچکی ہے اور 2 نومبر کو فیصلہ کن معرکے کیلئے پوری پاکستانی قوم اسلام آباد میں ہوگی’ لولی لنگڑی اور بہری حکومت ملک اور قوم کیلئے بوجھ بن چکی ہے ن لیگی حکمران ٹولہ اس وقت اپنا آپ بچانے کے سوا کوئی کام نہیں کر رہا ایک سال کے عرصہ میں پاکستانی قرضوں میں 13فیصد اضافہ حکمرانوں کی معاشی ناکامیوں کا منہ بولتا ثبوت ہے ان خیالات کا اظہار پاکستان تحریک انصاف نارتھ پنجاب کے سینئر نائب صدر الحاج ممتاز اختر کاہلوں نے کیا انہوں نے کہا کہ ملک میں شفاف احتساب ن لیگی حکومت کا آخری دن ہو گا اور پوری قوم کے سامنے لیگی حکمران ٹولہ کا اصل چہرہ بے نقاب ہوجائے گا الحاج ممتاز اختر کاہلوں نے کہا کہ پانامہ لیکس کے معاملے میں سپریم کورٹ جانا تحریک انصاف کابنیادی اور آئینی حق ہے مگر کرپٹ حکمرانوں کیخلاف سڑکوں پر بھی ہماری جنگ جاری رہے گی کرپٹ حکمرانوں سے نجات خیبر سے کراچی تک عوام کا مطالبہ ہے کرپٹ حکمرانوں کی رخصتی نوشتہ دیوار بن چکی ہے الحاج ممتاز اختر کاہلوں نے کہا کہ 2 نومبر کا دھرنا حکومت کے تابوت میں آخری کیل ثابت ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) جمعیت علماء اسلام کا ایک اہم احتجاجی اجلاس تیونس اور کینیا میں جعلی حج و عمرہ کرانے کے سلسلہ میں منعقد ہوا جس میں امت مسلمہ کے تمام ممالک سے استدعا کی گئی ہے کہ وہ اس جعلی حج و عمرہ کیخلاف تیونس اور کینیا کا بائیکاٹ کریں اور امت مسلمہ کو گمراہ کرنیوالے ممالک کیخلاف ہر سطح پر احتجاج کیا جائے اسے مذاکرات کے ذریعے روکا جائے اگر مذاکرات سے کام نہیں بنتا تو طاقت سے کفار کے اس ایجنڈے کو ختم کیا جائے تحفظ حرمین شریفین ہمارے ایمان کا حصہ ہے اجلاس میں ان خیالات کا اظہار مولانا پیر عبدالوحید نقشبندی’ مولانا عبدالوحید ڈوگر’ تنویر چوہان’ عبدالحمید’ مولانا پیر محمد اشفاق’ قاری حفظ الرحمن’ مولانا شاہین احسان’ مولانا حسین علی’ قاری عبدالغفور’ مولانا انعام اللہ’ قاری فضل الرحمن اور عقیل زبیری نے کیا انہوں نے کہا کہ سانحہ کوئٹہ ملک دشمن عناصر کی ایک سازش ہے بھارت اس میں براہ راست ملوث ہے اس معاملے کو بھی اگر حکومت نے سنجیدگی سے نہ لیا تو بھارت اپنی مکارانہ اور دہشتگردانہ کاروائیاں جاری رکھتے ہوئے اسی طرح پاکستان کے حالات خراب کرنے کا کوئی موقع ہاتھ سے جانے نہیں دیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) ضلعی انتظامیہ کا کنٹرول نہ ہونے کے باعث مرغ کے گوشت کی قیمت میں رواں ماہ کے دوران 40 روپے فی کلو تک کا اضافہ ریکارڈ کیا گیا ہے رواں ماہ کے شروع میں سرگودھا اور گردونواح میں مرغ کا گوشت 160 روپے سے 180 روپے میں فی کلو میں فروخت ہورہا تھا جب اب بڑھ کر 230 روپے کلو تک جا پہنچا ہے اور اس کی قیمت میں مزید اضافہ متوقع ہے گوشت فروشوں کا کہنا ہے کہ محرم الحرام کا مقدس مہینہ ختم ہوتے ہی شادیوں کا سیزن ایک بار پھر عروج پر ہوتا ہے جس کی وجہ سے گوشت کی مانگ بڑھ جاتی ہے اور اس میں اضافے کو نظر انداز نہیں کیا جاسکتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) اسلام پورہ اوور ہیڈ برج کی تعمیر و مرمت کیلئے 76 لاکھ روپے کے فنڈز جاری کردیئے گئے ہیں ذرائع کے مطابق پل کی خستہ حالی کو دیکھتے ہوئے ضلعی انتظامیہ کو حکومت نے فوری طور پر 76 لاکھ روپے کے احکامات دیئے ہیں جس سے اسلام پورہ اوور ہیڈ برج کی حالت زار کو بہتر بنانے’ اس میں پڑے گڑھے ختم کرے’ پیلرز کو مضبوط بنانے اور نیچے سے تمام تجاوزات اور دکانوں کو ختم’ پل کی ایک سائیڈ کو کھولنے کیلئے بھی ضلعی انتظامیہ نے اقدامات شروع کردیئے ہیں تاکہ ٹریفک کی روانی کو بحال کیا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پی ایچ اے کی سفارش پر ضلعی انتظامیہ نے فاطمہ جناح روڈ’ جنرل بس اسٹینڈ تا قینچی موڑ’ جیل روڈ سمیت تمام سڑکوں پر سروسز روڈ کو ختم کرکے ون وے روڈ بنانے کیلئے اقدامات شروع کردیئے ہیں اور اس سلسلہ میں محکمہ واپڈا اور دیگر محکموں سے مشاورت کا عمل شروع کیا جارہا ہے تاکہ سروسز روڈ کو ختم کرکے تمام روڈز کو ون وے کیا جائے اور سڑک کے درمیان خوبصورت گرین بیلٹس بناکر شہر کی خوبصورتی میں اضافہ کیا جائے پی ایچ اے کے قیام سے اب تک شہر میں خوبصورتی کا عمل تیزی سے جاری ہے مختلف چوراہوں اور روڈز کی تزئین و آرائش کی جارہی ہے اس سلسلہ میں ضلعی انتظامیہ پی ایچ اے کیساتھ بھرپور تعاون کررہی ہے جس سے سرگودھا کے پارکوں کو خوبصورت بنایا جارہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) حکومت کی ہدایت پر میلہ منڈی گرائونڈ میں منی چڑیا گھر بناکر شہریوں کو بہتر تفریح سہولتیں فراہم کرنے کیلئے مقامی انتظامیہ نے سفارشات تیار کی ہیں جس کی روشنی میں میلہ منڈی گرائونڈ میں چڑیا گھر بنایا جائیگا ذرائع کے مطابق میلہ منڈی کی اراضی پر قبضہ مافیا نے نظریں گاڑھ لی ہیں اور اس پر قبضے شروع ہیں جس کے پیش نظر ضلعی انتظامیہ نے فوری طور پر منی چڑیا گھر بنانے کیلئے حکومت سے سفارش کی ہے ذرائع کا کہنا ہے کہ اور اس کی ذمہ داری بھی پی ایچ اے کو دی جارہی ہے جو چڑیا گھر کیساتھ ساتھ میلہ منڈی گرائونڈ میں خوبصورت پارک بنائیگی جس کیلئے فنڈز کا تخمینہ لگایا جارہا ہے چڑیا گھر میں نایاب پرندے اور جانور رکھے جائینگے جبکہ پارک میں تفریح کیلئے آنیوالے بچوں کیلئے جھولے وغیرہ بھی لگائے جائینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) عید گاہ کے گردونواح میں کمپنی باغ کی طرز پر قبضہ مافیا نے پنجے گاڑھ لئے عید گاہ کی خوبصورتی کا عمل تیزی سے جاری ہے جس کے پیش نظر عید گاہ کے گردونواح میں تجاوزات کے خاتمہ کیلئے ضلعی انتظامیہ نے اقدامات شروع کردیئے ہیں سیٹلائٹ ٹائون چوک میں ٹی ایم اے نے کاروائی کرتے ہوئے پختہ تجاوزات کو مسمار کرنے کا سلسلہ شروع کردیا ہے دوسری طرف ٹی ایم اے کو بھی ہدایت کی گئی ہے کہ وہ فوری طور پر تجاوزات کے خاتمہ کیلئے موثر اور بھرپور کاروائی کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) ضلعی انتظامیہ کے افسران کے رات گئے مضر صحت’ غیر معیاری کباب اور تکے وغیرہ فروخت کرنیوالوں پر چھاپے’ متعدد کو ہزاروں روپے جرمانہ بھی کیا گیا ضلعی انتظامیہ کی ہدایت پر نائب تحصیلدار راجہ لیاقت حیات اور دیگر نے مختلف بازاروں میں کاروائی کرتے ہوئے متعدد غیر معیاری گوشت کے کباب فروخت کرنیوالوں کو جرمانے کئے اور آئندہ اس طرح کی اشیاء فروخت کرنیوالوں کیخلاف بھی ڈی سی او سرگودھا کو سفارش کی گئی ہے تاکہ عوام کو صاف ستھری اور معیاری اشیاء فراہم کرنے میں مدد مل سکے راجہ لیاقت حیات نے بتایا کہ غیر معیاری اشیاء فروخت کرنیوالے کسی رعایت کے مستحق نہیں ہیں عوام کو کہیں بھی مضر صحت یا غیر معیاری اشیاء کے بارے میں شکایت ہو تو ضلعی انتظامیہ سے رابطے کرے ان کیخلاف کاروائی کی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا کا سب سے خوبصورت کچہری بازار پھٹہ بازار میں تبدیل ہوتا جارہا ہے انجمن تاجران کے عہدیداران قبضہ مافیا کے سرپرست بننے لگے کچہری بازار جو قیام پاکستان سے لیکر آج تک سرگودھا کی خوبصورتی کا باعث رہا ہے اور جنہوں نے ہمیشہ قانون کی پاسداری کرتے ہوئے کبھی بھی کچہری بازار میں پھٹے وغیرہ نہیں لگے مگر جب سے انجمن تاجران وجود میں آئی ہے کچہری بازار بھی پھٹہ بازار میں تبدیل ہوتا جارہا ہے دکانداروں نے اپنی دکانوں کے آگے فٹ پاتھ اور سڑک پر دو دو پھٹے لگوانا شروع کردیئے ہیں اگر کوئی تجاوزات کیخلاف آپریشن شروع ہونے لگتا ہے تو پھٹہ مافیا کے سرپرست تاجر تنظیمیں تجاوزات ختم کروانے والی ٹیم پر حملہ آور ہونے سے بھی گریز نہیں کرتیں جس کی وجہ سے تمام بازاروں میں قبضہ مافیا کے حوصلے بلند ہوتے جارہے ہیں قبضہ مافیا میں کارخانہ بازار’ مسلم بازار’ امین بازار’ بلاک نمبر 2′ فاطمہ جناح روڈ’ لیاقت روڈ’ حامد شاہ مسجد روڈ’ میاں خان روڈ’ اقبال بازار’ فیصل بازار’ گڈ بازار’ شربت چوک سرفہرست ہیں اس قبضہ مافیا کے سامنے ضلعی انتظامیہ نے بھی گھٹنے ٹیک دیئے ہیں جس سے قبضہ مافیا کے حوصلے بلند ہورہے ہیں ضلعی انتظامیہ کا کہنا ہے کہ سیاسی مداخلت کی وجہ سے کاروائی میں دشواری کا سامنا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) حکومت پنجاب نے پنجاب لوکل گورنمنٹ ترمیمی ایکٹ 2016ء جاری کرتے ہوئے تمام افراد پرائیویٹ ہائوسنگ سکیم’ کوآپریٹو سوسائٹیز’ شہریوں کیخلاف کوڑا کرکٹ کی غیر قانونی ڈمپنگ کرنے پر سخت کاروائی عمل میں لائی جائیگی اس ترمیمی ایکٹ 2016ء میں کہا گیا ہے کہ جو لوگ اپنے گھر’ دوکان’ کام کرنے کی جگہ کے سامنے یا اس سے ملحقہ بلدیاتی اداروں کی حدود یا دائرہ کار میں گندگی پھیلائے گا’ کچرا’ کوڑا کرکٹ حکومت کی طرف سے مخصوص کردہ جگہ کے علاوہ کہیں پھینکیں گے ان کیخلاف قانونی کاروائی عمل میں لائی جائیگی جس میں تین سال قید بشمول 1 لاکھ روپے جرمانہ تک کیا جاسکے گا اس سلسلہ میں حکومت نے بلدیاتی اداروں کو شکایات سیل کیلئے ہیلپ لائن قائم کرنے کی بھی ہدایت کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) ماہر تعلیم پرنسپل الفیصل پائلٹ کیڈٹ سکولز انور آباد 90 جنوبی فیصل سعید گجر اور چیئرمین سکول حاجی عبوالوحید گجر نے مشترکہ بیان میں کہا ہے کہ روشن پاکستان کیلئے ملک میں تعلیمی انقلاب کی ضرورت ہے آج دنیا میں طاقتور قوموں کے تعلیم کی بدولت مقام حاصل کی اور حکمرانی کررہی ہیں وطن عزیز میں بھی تعلیم کے فروغ کو دیگر تمام اضلاع پر فوقیت دی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (بیورو رپورٹ) سابق کونسلر ماسٹر عبدالرشید نے کوئٹہ پولیس ٹریننگ سکول پر دہشتگردانہ حملے کی شدید مذمت کرتے ہوئے کہا کہ دہشتگردی کیخلاف پوری قوم متحد ہے اور وطن دشمنوں کو مذموم مقاصد میں کامیاب نہیں ہونے دیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) 28 اکتوبر کو دفاع پاکستان کونسل کی تاریخی کانفرنس میں سرگودھا سے ایک بڑا قافلہ روانہ ہوگا یہ بات مولانا فاروق علوی’ حکیم مشتاق احمد’ میاں نسیم ایڈووکیٹ نے بتائی انہوں نے کہا کہ ملک کی نازک صورتحال کے پیش نظر اس دفاع پاکستان کانفرنس میں اہم پالیسی اعلان بھی کیا جائیگا جبکہ آج ختم نبوت کانفرنس میں بھی جمعیت علماء اسلام کا ایک وفد کثیر تعداد میں اس کانفرنس میں شرکت کریگا جو کہ چناب نگر میں منعقد ہورہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پنجاب بھر میں یکم نومبر سے تمام عدالتیں صبح 9 بجے سے 4 بجے تک کام کرینگی جبکہ جمعہ کے روز ایک بجے تک عدالتیں کھلی رہیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) کوئٹہ میں ہونیوالی دہشتگردی لمحہ فکریہ ہے اور اس میں براہ راہ بھارت کے ملوث ہونے کے 100 فیصد امکانات ہیں جس میں کسی شک کی گنجائش نہیں کیونکہ قصائی مودی کشمیر کی توجہ ہٹانے اور پاکستان کے سی پیک منصوبہ کو ختم کروانے کیلئے بلوچستان میں دہشتگردانہ کاروائیوں کا اعتراف خود کرچکا ہے اور یہ کشمیر سے بھی توجہ ہٹانے کی ایک سازش ہے مگر عسکری و سیاسی قیادت نے دہشتگردوں کیخلاف جو بڑے پیمانے پر آپریشن کرنے کا فیصلہ کیا ہے پوری قوم پاک فوج کے شانہ بشانہ کھڑی ہے ان خیالات کا اظہار آل پاکستان سمال ٹریڈرز بزنس فورم کے مرکزی وائس چیئرمین شاہین احسان مغل نے کیا انہوں نے کہا کہ لوگ نعشیں اٹھا اٹھا کر تنگ آگئے ہیں اب بھی اگر حکومت نے سانحہ اے پی ایس پشاور کے بعد جس طرح آپریشن ضرب عضب شروع کیا اور دہشتگردوں کی کمر توڑی اس طرح کے آپریشن کی ضرورت ہے بھارت اور افغانستان میں جو راء کے ایجنڈے بیٹھے پاکستان کیخلاف کاروائیاں کررہے ہیں ان کے سہولت کاروں کو جہنم واصل کرنے کیلئے اب دو ٹوک آپریشن کی ضرورت ہے تاکہ پاکستان کو دہشتگردوں کی لعنت سے چھٹکارا حاصل ہو شاہین احسان مغل نے کہا کہ جب پولیس اہلکار پاسنگ آئوٹ پریڈ کے بعد فارغ ہوچکے تھے انہیں واپس کس نے بلایا یہ وہ ایک ایسا سوال ہے جس کا جواب حکومت اور متعلقہ اداروں کو دینا ہوگا حکومت کو چاہیئے کہ وہ دھماکہ میں زخمی ہونیوالے پولیس اہلکاروں کے ان بیانات کا نوٹس لے جس میں انہوں نے کہا کہ جب ہم ٹریننگ میں فارغ ہوچکے تھے تو ہمیں کیونکہ بلوایا گیا شاہین احسان مغل نے کہا کہ اربوں روپے سکیورٹی کے نام خرچ کیا جارہا ہے جو صرف اور صرف حکمرانوں اور چند ایسے لوگوں پر خرچ ہورہا ہے جو نہ تو ارکان اسمبلی ہیں نہ ایم این اے’ نہ ایم پی اے ہیں مگر پھر بھی انہیں کروڑوں روپے کی لاگت سے سکیورٹی فراہم کی جارہی ہے جس کی وجہ سے نہتے اور بے گناہ شہری روز دہشتگردوں کا نشانہ بن رہے ہیں ضرورت اس امر کی ہے کہ حملہ آوروں کو نشان عبرت بنایا جائے اور نیشنل ایکشن پروگرام پر مکمل طور پر عملدرآمد کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) مسلم لیگ ن یوتھ ونگ پی پی 34 سرگودھا کے ایڈیشنل جنرل سیکرٹری امجد سراج نے اسلام آباد بند کرنے کے دعویدار عمران خان کو ملک دشمن قرار دیتے ہوئے کہا کہ پاکستان کے وفاقی دارالحکومت کو بند کرنا بھارت کا خواب ہے اور دشمن کے ارادوں کو پورا کرنیوالے پاکستان سے مخلص نہیں ہوسکتے انہوں نے کہا کہ نواز شریف حکومت ملکی ترقی اور عوامی خوشحالی کیلئے دن رات جدوجہد کررہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) مسلم لیگ ن کی حکومت عوام کے بنیادی مسائل کے حل کیلئے ہمہ وقت کوشاں ہے اور اس کیلئے میاں شہباز شریف کی قیادت میں پنجاب کابینہ اور اراکین اسمبلی بلا تفریق اپنے اپنے حلقوں میں صحت ‘ تعلیم نکاسی و فراہمی آب کے منصوبوں پر فنڈز کی فراہمی کررہے ہیں اور ضلعی حکومت کے زیر اہتمام تعمیراتی ادارے ضلع میں سینکڑوں کی تعداد میں جاری منصوبوں پر کام کررہے ہیں ان خیالات کا اظہار میئر شپ کے امیدوار مرزا الیاس بیگ نے کیا انہوں نے کہا کہ بلدیاتی اداروں کے فعال ہونے کے بعد ان مسائل پر قابو پانے کیلئے ہنگامی بنیادوں پر کام شروع ہوگا اور حکومت پنجاب سے دیرینہ مسئلہ کے حل کے ساتھ ساتھ سڑکوں اور بنیادی مراکز صحت کی بحالیوں پر بھی کام شروع ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) شہادت حضرت امام علی زین العابدین اور شہادت حضرت بی بی فضہ کے سلسلہ میں جلوس آج 27 اکتوبر بروز جمعرات صبح 9 بجے مرکزی امام بارگاہ بلاک نمبر 7 سے برآمد ہوگا جو اپنے مقررہ راستوں سے ہوتا ہوا بلاک 19 میں اختتام پذیر ہوگا اس موقع پر سکیورٹی کے فول پروف انتظامات کئے جائینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا ضلع میں 75 فیصد پینے کا زیر زمین پانی غیر محفوظ ہوچکا ہے پانی کی سطح روز بروز گرتی جارہی ہے جس کی وجہ سے لوگ خرید کر پینے کا صاف پانی پینے پر مجبور ہیں پاکستان کونسل برائے تحقیقات آبی وسائل نے سرگودھا ضلع کے مختلف مقامات سے 70 سے زائد پانی کے نمونہ جات حاصل کئے ذرائع کا کہنا ہے کہ 80 فیصد پانی غیر معیاری’ مضر صحت قرار دیا گیا ہے پانی کے نمونہ جات کو لیبارٹری نے انسانوں کیلئے انتہائی خطرناک قرار دیا ہے حکومت دیگر منصوبہ جات پر اربوں روپے خرچ کررہی ہے مگر پینے کے صاف پانی کی طرف توجہ نہیں دی جارہی جس کی وجہ سے آنیوالے دنوں میں پانی کا بحران خطرناک صورتحال اختیار کرجائیگا بڑھتی ہوئی آبادی کے پیش نظر ضلع بھر میں پینے کا پانی نہ ہونے کے برابر ہے لوگوں کی بڑی تعداد پینے کا پانی خریدنے پر مجبور ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) موسم کی شدت میں اضافہ کیساتھ ہی مچھلی’ سوپ’ مونگ پھلی’ سموسے’ پکوڑے اور دیگر چٹ پٹی اشیاء کی مانگ میں اضافہ دیکھنے میں آرہا ہے سرگودھا اور گردونواح میں سوپ اور مچھلی فروشوں نے سٹال لگانا شروع کردیئے ہیں جبکہ مونگ پھلی کی مانگ میں بھی خاطر خواہ اضافہ دیکھنے میں آرہا ہے اسی طرح دن کے اوقات میں لوگوں کی بڑی تعداد پکوڑے’ سموسے کھانے کو ترجیح دے رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے کوئٹہ میں پولیس سنٹر پر ہونے والے حملے میں اہلکاروں کی شہادت پر افسوس کا اظہار کرتے ہوئے کہا ہے کہ حکومت دہشت گردوں سے تعاون کرے گی تو ایسے واقعات کو کون روک سکے گا۔ فورتھ شیڈول میں دہشت گردی اور فرقہ واریت پھیلانے والوں کو نکالنے کے احکامات وزیر داخلہ جاری کریں گے ، طالبان کے روحانی باپ سمیع الحق سے ملیں گے تو دہشت گردی کیسے ختم ہوگی۔ جمعیت سیکرٹریٹ میں علما کے وفود سے ملاقات میں پیر معصوم نقوی نے کہا کہ کوئٹہ میں جاری دہشت گردی کے خاتمے کے لئے جہاں فوج اپنی کاوشیں کررہی ہے ،وہیں حکومت کو بھی اپنا کردار اد ا کرنا چاہیے۔ مگر وزیر داخلہ چودھری نثار علی خان دہشت گردوں کی حوصلہ افزائی کرتے ہیں، انہیں بلوا کر ملاقاتیں کرتے ہیں اور ان کے شناختی کارڈز بحال کرنے کے احکامات جاری کرتے ہیں، تودہشت گردی کو کیسے روکا جاسکتا ہے۔ ان کا کہنا تھاکہ کون نہیں جانتا کہ کالعدم سپاہ صحابہ اور لشکر جھنگوی کا نیا نام کیا ہے اور جس کو دفاع پاکستان کونسل کے نام سے تنظیم پروان چڑھا رہی ہے۔ ان کا کہنا تھا کہ اہل سنت پرامن ہیں، کسی کالعدم تنظیم کو حق نہیں پہنچتا کہ اس مقدس نام پر اپنی تنظیم کے لئے استعمال کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) قلم فاؤنڈیشن انٹرنیشنل کا ایک ہنگامی اجلاس ہوا جس کی صدارت حکیم محمد عزیزالرحمن جگرانوی نے کی جس میں سانحہ کوئٹہ کی شدید مذمت کی گئی ۔حکومت اور زمہ دار شہریوں سے مطالبہ کیا گیا کہ فوری طور پر امن کمیٹی یونین کونسل کی سطح پر بحال کیا جائے اور ہر یونین کونسل میں لائبریری کا قیام بھی لایا جائے اس سے دہشت گردی کم ہوگی ۔اجلاس میں علامہ عبدالستار عاصم ،ملک مقبول احمد ،مقصود چغتائی ،چودھری خلیل احمد ،جمیل اختر چودھری ،رانا عامر رحمن ،ڈاکٹر وزیر حسین شاہ ،عبدالغفور منہاس ،ندیم نظر،شہزاد فراموش نے شرکت کی اور حکومت سے مطالبہ کیا کہ دہشت گردی کے خاتمے کیلئے دہشت گردوں کے تمام مراکز مثلا نظریاتی مرکز ،مالیاتی مرکز،اخلاقی مرکز،روحانی مرکز،معلوماتی مرکزوغیرہ تمام مراکز ختم کئے جائے ۔اس سے دہشت گردی ختم ہوجائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) جمعیت علما پاکستان کے مرکزی صدر پیر اعجاز احمد ہاشمی نے تشویش کا اظہار کیا ہے کہ تحریک انصاف ایک بار پھر وفاقی دارالحکومت اسلام آباد میں دھرنا دے کر ریاستی نظام کو بند کرنا چاہتی ہے ، ایسے رویے مایوسی کا اظہاراور غیر سیاسی اقدامات ہیں۔ پانامہ لیکس پر مشترکہ لائحہ عمل اختیار کیا جانا چاہیے، نہ کہ عام لوگوں کی زندگیوں میں زہر گھولا جائے۔ مختلف وفود سے گفتگو میں انہوں نے کہا کہ احتجاج ہر سیاسی جماعت کا حق ہے،مگر مہذب معاشروں میں سیاسی احتجاج کا وقت اور تاریخ ایسی رکھی جاتی ہیں کہ لوگوں کو تکلیف نہ یا کم سے کم ہو۔مگر ہمارے ہاں اس کے لئے معیار کچھ اور ہیں۔جس میں عوام کا راستہ روک کر تنگ کیا جاتا ہے۔ کسی جگہ پر جلسے کے اہتمام یا دھرنے کے لئے تین چار دن پہلے ہی تیاریوں کے نام پر راستے روک لئے جاتے ہیں۔ جس سے عام آدمی بری طرح متاثر ہوتا ہے۔ بہتر ہوگا کہ حکومت اور پی ٹی آئی ہی نہیں، پانامہ لیکس پر تمام ادارے اور سیاسی جماعتیں مل کرلائحہ عمل تیار کریں اور اس مسئلے کو حل ہونا چاہیے۔ان کا کہنا تھاکہ دھرنوں سے ملکی معیشت کو ناقابل تلافی نقصان پہنچنے کا اندیشہ ہے، پی ٹی آئی ہوش کے ناخن لے۔ پیر اعجاز ہاشمی نے واضح کیا کہ فوج کا ملکی سیاست میں کوئی کردار نہیں، عسکری ادارے کی آئینی ذمہ داری سرحدوں کی حفاظت اور ملکی سلامتی و استحکام کا تحفظ ہے، آئی ایس پی آر کو شیخ رشید کے اس بیان کا نوٹس لے کر وضاحت کرنی چاہیے جس میں انہوں نے کہا ہے کہ فوج اور نواز شریف اکٹھے نہیں چل سکتے۔ انہوں نے کہاکہ جس تحریک اور سیاسی اتحاد کا مشیر شیخ رشید ہوگا، اس کے ایجنڈے کا اندازہ لگایا جاسکتا ہے کہ اس کے مقاصد کیا اور خدمت کن کی ہے؟ ان کا کہنا تھا کہ انگریزی اخبار کی خبر سے بھارتی لابی کو پروپیگنڈہ کا موقع ملا ہے، اس کا ضرور نوٹس لینا چاہیے، لیکن اس وجہ سے جمہوری نظام کو خطرے کی باتیں کرنا سیاسی رہنماوں کو زیب نہیں دیتا۔ ملکی استحکام اور جمہوریت مضبوط ہیں، اس مقصد کے لئے فوج اور پارلیمنٹ اپنی ذمہ داری نبھانے کے لئے موجود ہیں۔ غیر متعلقہ لوگوں کو بیان بازی سے گریز کرنا چاہیے۔ ایسا کرنے سے ملکی نظام درہم برہم اور ذہنی انتشار کا باعث بنتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) وفاق المدارس الشیعہ پاکستان کے صدر آیت اللہ حافظ ریاض حسین نجفی، نائب صدر علامہ قاضی نیاز حسین نقوی اور سیکرٹری جنرل علامہ محمد افضل حیدری نے کوئٹہ سریاب روڈپر ہونے والی دہشت گردی کی مذمت کرتے ہوئے کہا ہے کہ بے گناہ ہزارہ شیعہ کی ٹارگٹ کلنگ اور سکیورٹی اداروں پر بلوچستان میں مسلسل فائرنگ سے واضح ہوگیا ہے کہ دہشت گردوں نے فاٹا اور خیبر پختونخواہ کے بعد بلوچستان میں پنا ہ لے لی ہے۔ جو کہ سی پیک اور گوادر پورٹ کی وجہ سے بین الاقوامی تجارت اورپاکستان کی معاشی ترقی کا مرکز بننے جارہا ہے۔ جس کے خلاف بھارت اور افغانستان سازشیں کررہے ہیں۔ ان خیالات کا اظہار انہوں نے اپنے تعزیتی بیان میں کیا۔ آیت اللہ حافظ ریاض نجفی نے کہا کہ پاکستان کے تحفظ کے لئے سب کو مل کر کام کرنا ہوگا۔ وطن عزیز کے دشمنوں کی ناپاک سازشو ں کو ناکام بنانے کے لئے تمام اداروں کو مل کر کام کرنا چاہیے۔ انہوں نے کہا کہ دہشت گردی کو پروان چڑھانے والے اور دہشت گردوں کے حمایتیوں کو بھی بے نقاب کیا جائے اور بلوچستان میں بھی فاٹا جیسے فوجی آپریشن کی ضرورت ہے۔جس کے لئے متعلقہ اداروں کو سوچنا چاہیے۔ ان کا کہنا تھا کہ دہشت گردی بہت بڑا ناسور ہے ، اس کے خلا ف قومی اتفاق رائے بھی موجود ہے، تو پھر واقعات کا جاری رہنا افسوسناک اور قابل تشویش ہے۔ حافظ ریاض نجفی نے کہا کہ علما کرام کو نئی نسل کی تربیت اور دہشت گردی سے نفرت کے لئے رہنما ئی کرنی چاہئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) سیاسی قائدین احتساب کیلئے مؤثر نظام بنائیں۔پانامہ لیکس سمیت قومی دولت لوٹنے والوں کا احتساب ہونا چاہئے ۔ اسلام آباد بند کرنے سے ملک میں بہتری نہیں انارکی پھیلے گی۔ عمران خان اور حکومت کے درمیان مذاکرات کا راستہ کھلنا چاہئے ۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے اپنے ایک بیان میں کہی۔ انہوں نے کہا کہ عالم اسلام کی صورتحال اور عالمی حالات پاکستان کی سیاسی اور مذہبی قیادت سے معاملات کو افہام و تفہیم سے حل کرنے کا تقاضا کرتے ہیں ۔ملک میں انارکی پھیلانے کی کوششوں سے ملک دشمن طاقتوں کو تقویت ملے گی۔ انہوں نے کہا کہ پانامہ لیکس کے مسئلہ پر سپریم کورٹ کے فیصلے کا انتظار کیا جانا چاہئے۔ کسی بھی فریق کی طرف سے عدلیہ پر دبائو ڈالنے کی کوشش ملک کے سیاسی اور عدالتی نظام کیلئے افسو سنا ک امر ہوگا۔انہوں نے کہا کہ پاکستان علماء کونسل کرپشن،انتہاپسندی اور دہشتگردی کا خاتمہ چاہتی ہے لیکن اس کیلئے ملک کے اندر انارکی کی فضاء پیدا کرنا کسی بھی صورت ملک اور قوم کیلئے بہتر نہیں ہے۔ انہوں نے کہا کہ عمران خان اور خواجہ آصف کی طرف سے سانحہ کوئٹہ کے بعد جس انداز کی گفتگو کی گئی وہ قابل مذمت اور قابل افسوس ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علما کونسل پنجاب کے صدر علامہ سید سبطین حیدر سبزواری نے کوئٹہ پولیس سنٹر میں ہونے والے سانحہ پر افسوس کا اظہار کرتے ہوئے اس کی شدید مذمت کی ہے اور مطالبہ کیا ہے کہ دہشت گردوں کی پناہ گاہوں کے خاتمے کے لئے فوجی آپریشن کا دائرہ کار دیگر علاقوں کی طرف بھی کیا جائے۔ سکیورٹی ادارے مقامی سہولت کاروںکو بے نقاب کریں ۔ کارکنوں سے گفتگو میں انہوںنے کہا کہ کوئٹہ میں شیعہ ہزارہ کی ٹارگٹ کلنگ اور بم دھماکوں کے ملزمان کو بے نقاب کیا جاتا تو آج سریاب روڈ کا حادثہ پیش نہ آتا۔ ان کا کہنا تھا کہ دہشت گرد افغانستان سے آئیں یا ہندوستان سے ان کی مقامی سہولت کاری کے ذرائع کو ختم کیا جائے۔ایک عرصے سے دہشت گردی کے شکار ملک کو بار بار ٹارگٹ کیا جارہا ہے۔ علامہ سبطین سبزواری نے کہا کہ جب تک دہشت گردی اور تکفیریت پر قابونہیں پایا جاتا، ملک میں امن ممکن نہیں ہے۔دوسری طرف اپوزیشن اور حکومت کے درمیان جاری محاذ آرائی کو کم کرنے کے لئے ضروری ہے کہ سیاسی مسائل کو پارلیمنٹ کے اندر حل کیا جائے۔ ہیجانی کیفیت پیدا کرنے اور عام لوگوں کے کاروبار اور تعلیمی اداروں میں تدریسی عمل کا تعطل کسی صورت قابل برداشت نہیں ہوسکتا ۔ان کا کہنا تھا کہ اپوزیشن اور حکومت دونوں کو اپنی انا اور ہٹ دھرمی سے بالاتر ہوکرلوگوں کے لئے آسانیاں پیدا کرنی چاہیں، ورنہ انارکی اور انتشار کی سیاست سے کسی کو کچھ نہیں ملے گا۔ پاکستان جمہوری ملک ہے، یہاں جمہوری روایات کی مضبوطی اور حکمرانوں کے احتساب کا رواج بھی پڑنا چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان مسلم لیگ ق لاہور کے سیکرٹری اطلاعات ناصررمضان گجر نے کہا ہے کہ پاکستان مسلم لیگ سمیت اپوزیشن جماعتوں کا اسلام آباد دھرنا کرپشن کے خلاف ہے کرپشن کا ناسور ملک کو دیمک کی طرح چاٹ رہا ہے ،آئی ایم ایف نے بھی ملک میں بڑھتی ہوئی کرپشن پر تشویش کا اظہار کرتے ہوئے اس ملک میں غیر ملکی سرمایہ کاری میں رکاوٹ قرار دیا ہے ۔انہوں نے کہا کہ اپوزیشن کے دھرنے کا مقصد ملک کو موجودہ بادشاہت اور کرپٹ نظام سے نجات دلانا ہے اس لیے تمام اپوزیشن جماعتوں کی دھرنے میں شرکت ضروری ہے، اس وقت پوری قوم ایک خاندان کے غلط فیصلوں کی وجہ سے قرضوں کے بوجھ تلے دبی ہے اور ان میں مزید اضافہ ہو رہا ہے۔اب تو صورتحال یہ ہے کہ قرض اتارنے کیلئے بھی قرض لینا پڑتا ہے اور پاکستان میں پیدا ہونے والا ہر بچہ بھی لاکھوں کا مقروض پیدا ہورہا ہے ان خیالات کا اظہار انہوںنے مسلم لیگ ہائوس میں مسلم لیگ لاہور کے کارکنوںسے گفتگو کرتے ہوئے کیا۔ناصر رمضان گجر نے کہا کہ موجودہ حکمرانوںنے اقتدار میں آنے سے قبل غیر ملکی امداد قبول نہ کرنے اورکشکول توڑنے، قرض واپسی کا اعلان کیا تھا لیکن اقتدار میںآنے کے بعد کشکول تو نہیں ٹوٹا اس کا سائز ضرور بڑا ہوگیا۔ انہوںنے کہا کہ پانامہ لیکس زدہ ملک پر حکمرانی کے حق دار نہیں ،آف شور کمپنیوںکی لوٹی دولت ملک واپس لائی جائے کیونکہ جب حکمران خاندان ہی لوٹ مار کرکے بیرون ملک کاروبار کرے گا تو غیر ملکی سرمایہ کار پاکستان میں کیوں سرمایہ کاری کرینگے؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) پاکستان تحریک انصاف سندھ کے سینئرنائب صدر حلیم عادل شیخ نے کہاہے کہ چوری بہت بری عادت ہے مگر عزت دار چوروں کے کچھ اصول ہوتے ہیں وزیراعظم استعفیٰ دیدیں گے مگر تلاشی نہیں دینگے،ملک کے حالات کو حکومت کی جانب سے جان بوجھ کر خراب کیا جارہاہے تاکہ ہمارے احتجاج کو خراب کیا جاسکے مگر یہ ان کی بھول ہے یہ چاہے کچھ بھی کرلیں حکومت کا خاتمہ تو ہوکر ہی رہے گا،ہم یہ سوچ کر گھروں سے نکلیں ہیں کہ ہم اب مزید اپنے ملک کے اداروں کو تباہ نہیں ہونے دینگے ،ملک کا پیسہ لوٹنا اور قانون توڑنا نواز حکومت کا پسندیدہ مشغلہ ہے ،عادل ہاوس سے جاری بیان میں ان کا کہنا تھا کہ چیئرمین عمران خان عوام کے حقوق کی خاطر مسلسل ملک لوٹنے والوں سے لڑ رہے ہیںمگر اب بہت جلد یہ کھیل ختم ہونے والا ہے جس میں جیت حق اور سچ کی ہوگی اور یہ طے ہے کہ اس ملک کا اگلا وزیراعظم عمران خان ہی ہوگا ،انہوں نے کہاکہ ہم پاکستان کے وسیع ترمفاد میں کچھ بھی کرگزرنے کو تیارہیں کیونکہ ہمارے پاس ایک محب وطن قیادت ہے جس کی ضرورت اس وقت پوری قوم کو ہے ،چیئرمین عمران خان اس ملک کا واحد ایسا لیڈر ہے جو کبھی بیرونی طاقتوں کے دبائو میں آکر کام نہیںکریگا بلکہ ان کے دور میں خالصتاً عوام کی رضااور ان کی بھلائی پر مشتمل کام کیے جائینگے ،انہوں نے کہا کہ ملک میں ہونے والی تمام دہشت گردی کے واقعات میں ہندوستان کی حکومت ملوث ہے بھارتی وزیراعظم ہر فورم پر پاکستان کو بدنام کررہاہے اور ہمارا وزیراعظم مودی کا نام لیکر ان کے سوالوں کا جواب بھی نہیں دے سکتاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی) آج بھارت کے ریاست جموں وکشمیر پر غاصبانہ و جابرانہ قبضے کیخلاف کشمیر فریڈم موومنٹ کی طرف سے یوم سیاہ کے اسلام آباد میں ہونے والے احتجاجی پروگرام میں تبدیلی اسلام آباد میں مرکزی احتجاج کی بجائے آزادکشمیر بھر کے ضلعی و تحصیل ہیڈکوارٹرز میں آج احتجاجی مظاہرے منعقد کیے جائینگے کارکنوںسے احتجاجی مظاہرو ںمیں بھرپور شرکت کی اپیل تفصیلات کیمطابق کشمیر فریڈم موومنٹ کے مرکزی ترجمان کیطرف سے ایک پریس ریلیز میں کہا ہے کہ کشمیر فریڈم موومنٹ کیطرف سے آج 27اکتوبر کو اسلام آباد میں اقوام متحدہ کے مبصر دفتر کے سامنے ایک بڑے احتجاجی مظاہرے کا اعلان کیا گیا ہے جس میں تبدیلی کرکے فیصلہ کیاگیا ہے کہ فریڈم موومنٹ کے زیر اہتمام آج آزادکشمیر بھرمیں بھارت کے غاصبانہ جابرانہ قبضے اورریاست جموںوکشمیر میں بھارتی افواج کے ظلم و تشدد کیخلاف آزاکشمیر کے تمام ضلعی و تحصیل ہیڈکوارٹرز پر یوم سیاہ کے حوالے سے احتجاجی مظاہرے کرینگے اقوام متحدہ کے مبصر مشن یاداشتیں پیش کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی) کس دعورہ کا نوجوان بجلی کا کرنٹ لگنے سے نوجوان عابد حسین ہسپتال پہنچنے قبل ہی راستے میںدم توڑ گیا نوجوان کی اچانک موت پر عوام علاقہ افسردہ نمازجنازہ کے بعد سپردخاک تفصیلات کیمطابق بھمبر کے نواحی علاقہ کس دعورہ کا رہائشی نوجوان عابد حسین علی الصبح اپنے گھر کے قریب بجلی کے کھمبے سے ڈنڈے کیساتھ بجلی کی تار جوڑنے کی کوشش کررہا تھا کے اس دوران ڈنڈہ کھمبے کے اوپر سے گزرنے والی 11000وولٹ کی تاروں سے چھو گیا جس سے عابد حسین نامی نوجوان کو شدید کرنٹ کا جھٹکا لگا اوروہ زمین پر گر گیا جسے مقامی افراد نے اپنے طورپر ہسپتال پہنچانے کی کوشش کی لیکن راستے میں ہی دم توڑ گیا نوجوان کی اچانک موت پر ہر آنکھ اشک بار ہوگئی جان بحق ہونیوالے نوجوان کو نمازجنازہ کے بعد سینکڑوں سوگواران کی موجودگی میں سپردخاک کر دیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی) مرکزی خطیب جامع مسجد انوار مصطفی سیرلہ حافظ محمد عمران اور مرزا فرمان علی کے والد محترم محمد زمان کی وفات پر اظہار تعزیت کیلئے سینئر وزیر چوہدری طارق فاروق اور سابق سپیکر اسمبلی چوہدری انوار الحق نے انکے گھر جا کر اظہار تعزیت کیا اس موقع پر انہوںنے مرحوم کی مغفرت کیلئے فاتحہ خوانی اور درجات کی بلندی کیلئے دعائے مغفرت کرتے ہوئے لواحقین سے اظہار ہمدردی کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی) برسالی یوتھ ونگ کے زیر اہتمام آزادکشمیر کے 69ویں یوم تاسیس کے موقع پر ایک پر وقار تقریب کا اہتمام کیا گیا تقریب کی صدارت معروف سماجی شخصیت چوہدری عبدالرحیم سیلز منیجر اسٹیٹ لائف نے کی جبکہ تقریب کے مہمان خصوصی اوورسیز کشمیری راہنما چوہدری اظہر ارشاد کویت تقریب سے خطاب کرتے ہوئے مہمان خصوصی چوہدری اظہر ارشاد نے کہاکہ آزادکشمیر کا یہ خطہ ہمارے آباؤ اجداد نے بڑی قربانیوں کے بعد حاصل کیا اس خطہ کی آزادی کیلئے نوجوانوں ،بوڑھوں بچوں اور عورتوں نے اپنی جانوں اور مالوں کی قربانی دی آج انکی قربانیاں یہ تقاضہ کرتی ہیں کہ ہم سب ملکر اپنے مقبوضہ کشمیر کے بھائیوں کی آزادی کیلئے جدوجہد کریں اور اپنے بچوںکو تحریک آذای کشمیر سے روشناس کرائیں تقریب سے خطاب کرتے ہوئے معروف سیاسی و سماجی شخصیت چوہدری عتیق الرحمن برسالوی نے خطاب کرتے ہوئے کہاکہ 24اکتوبر کا دن آذادکشمیر کی عوام کیلئے بڑی اہمیت کا حامل ہے ہمارے آباؤ اجداد نے یہ خطہ بڑی قربانیاں دیکر آزادکرایا آج بھارت 69سال گزر جانے کے بعد ہمارے مقبوضہ کشمیر کے بھائیوں پر ظلم و تشدد کررہاہے بھارت کے جبر واستبداد کشمیریوں کے جذبہ آزادی کو ٹھنڈا نہ کر سکے آج کی اس تقریب کی وساطت سے بھارت کو یہ پیغام دینا چاہتے ہیں کہ جب تک ایک بھی کشمیری زندہ ہے کشمیرکی آزادی کی شمع جلائے رکھیں گے انہوںنے کہاکہ ہم پاکستان کی مسلح افواج کی قربانیوںکو بھی خراج عقیدت پیش کرتے ہیں اور اس بات کا بھی اعادہ کرتے ہیںکہ کشمیری قوم مسلح افواج کیساتھ سیسہ پلائی دیوار کی طرح کھڑے ہیں اور بھارت کی کسی بھی مہم جوئی کا منہ توڑ جواب دینے کیلئے تیار ہیں اس موقع پر یو م تاسیس کے حوالے سے کیک بھی کاٹا گیا اور شہدائے کشمیر اور مسلح افواج کے شہدا کیلئے دعائے خیر بھی کی گئی تقریب میں چوہدری شکیل اسلم ،محمد حفیظ ،اطلس الیاس ،چوہدری وسیم اکرم ،چوہدری ہارون طفیل ایڈووکیٹ ،یوتھ ونگ کے رہنماؤں چوہدری عابد حسین ،مجیب الرحمن ،محمد شبیر نعیم ،چوہدری علی حمزہ ،تیمور سجاد ،چوہدری محبوب الحق ،مرزا فیصل ،شہزاد بٹ سمیت درجنوں نوجوانوں اور معززین علاقہ نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)بھارت ریاست جموں وکشمیر پر غاصبانہ اور جابرانہ قبضے کیخلاف سعودی عرب میں کشمیر فریڈم موومنٹ 27اکتوبر کو احتجاجی مظاہرہ کرے گی اس موقع پر ریاست جموں وکشمیر کی مکمل آزادی تک جہدوجہد جاری رکھنے کا عزم کیا جائے گا ان خیالات کااظہار کشمیر فریڈم موومنٹ سعودی عرب یونٹ کے سیکرٹری مالیات محمد تصورجنجوعہ نے صحافیوں سے گفتگو کرتے ہوئے کیا انہوںنے کہاکہ 27اکتوبر 1947کو بھارت نے اپنی افواج ریاست جموں وکشمیر میں اتا کر ریاستی عوام کی آزادی سلب کر لی تھی اس روز سے لیکر آج تک کشمیری عوام جدوجہد آزادی میں مصروف ہیں 27اکتوبر کو ریاست پر بھارتی جابرانہ قبضے کے دن کوپوری کشمیری قوم یوم سیاہ کے طور پر مناتی ہے کشمیر فریڈم موومنٹ سعودی عرب یونٹ بھی 27اکتوبر کو بھارتی غاصبانہ قبضے کیخلاف یوم سیاہ منائے گی اور سعودی عرب میں بھی بھارت کیخلاف احتجاجی مظاہرہ کیا جائیگا۔
محکمہ وائلڈ لائف کی بدین کے ساحلی علاقے میں بڑی کاروائی، آبی پرندے برآمد
گجرات کی خبروں کی تصویری جھلکیاں
