گجرات (جی پی آئی) ڈی ایس پی ٹریفک سہیل فاضل کی زیر نگرانی پولیس لائن گجرات میں ہیلمٹ کی افادیت اور اس کے فوائد کے حوالہ سے ایک سیمینار اور واک کا انعقاد کیا گیا ، واک کا آغاز پولیس لائن سے شروع ہو کر جیل چوک میں اختتام پذیر ہوئی ۔ ڈی ایس پی ٹریفک سہیل فاضل نے سیمینار کے شرکاء سے خطاب کرتے ہوئے کہا کہ موٹر سائیکل سوار ہیلمٹ کا استعمال ضروری بنائیں اگر خدانخواستہ ان کے ساتھ کوئی حادثہ درپیش ہوتا ہے تو سر کی چوٹ سے محفوظ رہ سکتے ہیں انہوں نے کہا کہ حادثات میںزیادہ تر اموات سر میں چوٹ لگنے کی وجہ سے ہوتی ہیں لہٰذا موٹر سائیکل سوار ہیلمٹ کا استعمال یقینی بنائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈی پی او گجرات رائے ضمیر الحق نے چارج سنبھال لیا،تفصیلات کے مطابق ڈی پی او گجرات رائے ضمیر الحق نے چارج سنبھال لیا ۔ڈی پی او گجرات کو پولیس لائن گجرات میںجوانوںکے چاک وچوبند دستے نے سلامی دی ۔انہوں نے پولیس شہداء کی یاد گار پر پھولوں کی چادر چڑھائی اور فاتحہ خوانی کی ۔ڈی پی او گجرات نے افسران و جوانوں سے خطاب کرتے ہوئے کہا ضلع سے جرائم کا خاتمہ میری اولین ترجیح ہے ۔فرائض سے غفلت و لاپرواہی برتنے والوں کے لئے محکمہ میں کوئی جگہ نہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) کاروان مالک اشتر رجسٹرڈ کے زیر اہتمام گجرات پریس کلب میں پہلی حج تربیتی ورکشاپ کا انعقاد کیا گیا۔ جس کی صدارت چیف ایگزیکٹو الحاج سید اظہر حسین نقوی نے کی۔ جبکہ مہمان خصوصی سابق صدر گجرات چیمبر آف کامرس اینڈ انڈسٹری عدنان اقبال مکی تھے۔ مہمانان گرامی میں اظہر بٹ عطاری عثمان عطاری’ سید آصف رضا نقوی’ سید محمود علی نقوی’ صاحبزادہ پیر سید ابرار یوسف شاہ’ آستانہ عالیہ دلانوالہ شریف تھے۔ اس موقع پر خطاب کرتے ہوئے الحاج سید اظہر نقوی نے کہا کہ حج مالی مشقت کے ساتھ ساتھ بدنی مشقت کا نام ہے۔ اس کے دوران ہمیں ثابت قدم رہنا چاہئے اور صبر و تحمل کیساتھ اللہ اور اس کے رسول ۖ کی خوشنودی کیلئے عبادات ادا کرنی چاہئیں۔ اور ہمیں حج کے متعلق تمام معلومات اور حج کے مفہوم سے آگاہ ہونا چاہئے’ تاکہ ہم اللہ تعالیٰ کے فیوض و برکات سے مستفید ہو سکیں۔ انہوں نے کہا کہ ہم امید ظاہر کرتے ہیں کہ رواں سال کے دوران عازمین حج کا سفر پر امن گزرے گا۔ انہوں نے تمام مہمانوں کا شکریہ ادا کیا اور عازمین حج کو حج سے متعلقہ کتابچے بھی دئیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز سماجی شخصیت چوہدری رفاقت علی پرنس نے اپنی رہائشگاہ پر پر تکلف افطار ڈنر کا اہتمام کیا۔ جو کہ رانا ثاقب مشرف کے اعزاز میں تھا۔ اس موقع پر ممتاز شخصیات کی کثیر تعداد نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) انجمن تاجران جیل چوک کے انتخابات کا آغاز ہو گیا چیف الیکشن کمشنر عرفان رضا آف FC ٹاور کے پاس کاغذات نامزدگی جمع کروانے کا سلسلہ شروع ہو گیا۔الیکشن سرپرست اعلیٰ کے عہدے کیلئے ہو رہا ہے ۔ ممتاز کاروباری شخصیت مظہر عزیز بٹ نے کاغذات نامزدگی جمع کروائے۔ ان کے ہمراہ یاسر سروش’ چوہدری بشیر احمد’ ندیم احسان بٹ’ مرزا امتیاز بٹ’ فرخ بٹ’ اور سینکڑوں تاجر تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) امام بارگاہ حسینیہ گجرات میں حضرت خدیجة الکبریٰ کے یوم وصال کے سلسلہ میں سالانہ مجلس عزا کا انعقاد کیا گیا جس میں ممتاز ذاکرین علامہ فیض علی کرپالوی آف سیالکوٹ ‘ شبیر متہری و دیگر نے فضائل حضرت خدیجة الکبریٰ بیان کئے۔ اس موقع پر ماتم داری کا بھی اہتمام کیا گیا۔سید الطاف عباس کاظمی’ پروفیسر سرفراز حسین جعفری’ جواد حسین جعفری’ ماسٹر احسان آف کنگ’ ماسٹر منیر’ سید ذکی الحسن ‘ ملک ساجد حسین’ چوہدری عظمت ‘ چوہدری خاور شہزاد’ چوہدری احسان’ جبکہ میزبان چوہدری تصور آف کھیرانوالی تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) حسینیہ ٹرسٹ رجسٹرڈ گجرات کا حسب سابق روزانہ افطاری کا پروگرام جاری ہے۔ حسینیہ ٹرسٹ سرکلر روڈ گجرات میں ہونے والی اس نورانی پروگرام میں ہر روز 250 سے 300 روزہ داروں کی افطاری کا بندوبست کیا جاتا ہے۔19 ‘ 20 اور 21 رمضان المبارک کو بسلسلہ شہادت امیر المومنین حضرت علی مجالس کا انعقاد کیا جائے گا۔ ان مجالس میں علامہ اشتیاق حسین کاظمی’ علامہ سبطین حیدر سبزواری’ ذاکر اہلبیت منتظر حسین مہدی’ لاہور خطاب فرمائیں گے۔ 21 رمضان المبارک کو شبیہ تابوت حضرت علی برآمد ہو گا اور ماتم داری ہو گی۔ 19′ 21′ 23 اور 27 ویں شب کو شب بیداری اور اعمال شب ہائے مبارکہ سید مبارک علی موسوی کی اقتداء میں ادا کئے جائیں گے۔ جس میں مومنین و مومنات کی کثیر تعداد شرکت کرتی ہے۔ اعتکاف برائے خواتین و مرد حضرات کی ہر سال کی طرح میزبانی کی جائیگی۔ تاہم اعتکاف کرنیوالوں کیلئے رجسٹریشن اور شناختی کارڈ لازمی ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ڈسٹرکٹ اینڈ سیشن جج خالد نوید ڈار نے ڈسٹرکٹ جیل کا دورہ کیا اور معمولی نوعیت کے جرائم میںملوث 20ملزمان کو ذاتی مچلکوں پر رہا کرنے کا حکم دے دیا۔ فاضل سیشن جج نے جیل کے کچن ، دیگر بارکوںاور جیل ہسپتال کا بھی معائنہ کیا قیدیوںکی شکایات معلوم کیں اور مریضوںکو فراہم کی جانیوالی سہولیات کا جائزہ لیا۔ انہوںنے جیل میں قیدیوں کی خوراک اور دیگر سہولیات پر اطمینان کا اظہار کیا ۔ سپرنٹنڈنٹ جیل امیتازاحمد بھلی و دیگر افسران بھی انکے ہمراہ تھے۔
رمضان عمر چاکی سومرو کے انتقال پر اظہار تعزیت
کھاریاں کی خبریں 30/6/2015
