گجرات (جی پی آئی) سیٹھ لطیف صراف کی اہلیہ محترمہ اور ممتاز نوجوان کاروباری و سماجی شخصیت سیٹھ یاسر لطیف صراف کی والدہ محترمہ جو کہ گزشتہ دنوں رضائے الٰہی سے انتقال کر گئی تھیں۔ مرحومہ کی روح کے ایصال ثواب کیلئے ختم دسواں کی محفل 24 اپریل بروز اتوار کو صبح 10 مسجد پیر حبیب اللہ شاہ مسلم آباد میں پڑھا جائے گا ۔جبکہ اجتماعی دعا ٹھیک 11 بجے ہو گی۔ تمام دوست احباب سے شرکت کی استدعا کی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سماجی کارکن مہر فاروق خالد نے کہا ہے کہ آرمی چیف جنرل راحیل شریف کو خراجِ تحسین پیش کرتے ہیں جنہوں نے دہشتگردی کیخلاف جنگ میں کامیابی کے بعد کرپشن کے خلاف جنگ کا آغاز کیا ہے۔ آرمی چیف کے فیصلے نے اداروں میں کھلبلی مچا دی ہے ہم جنرل راحیل شریف کو خراجِ تحسین پیش کرتے ہیں جنہوں نے سب سے پہلے احتساب کا عمل اپنے ہی گھر سے شروع کیا اور دوسرے تمام اداروں کو واضح طور پر یہ بیان دے دیا کہ یہ احتساب کا عمل رکے گا نہیں بلکہ جاری رہے گا۔ ہم مطالبہ کرتے ہیں کہ سیاسی جماعتیں بھی آرمی چیف جنرل راحیل شریف کے نقش قدم پر چلتے ہوئے سب سے پہلے اپنی اپنی جماعتوں کے احتساب کا عمل شروع کریں۔ پاک فوج کی خدمات ناقابل فراموش ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 13 واں امتیاز میموریل کرکٹ لیگ ٹورنامنٹ کا فائنل بارش کی وجہ سے ملتوی کر دیا گیا۔ گزشتہ روز امتیاز کرکٹ کلب اور کرائون کرکٹ کلب کے درمیان ہونا تھا بارش اور پچ گیلی ہونے کی وجہ سے فائنل میچ ملتوی کر دیا گیا۔ اب یہ فائنل آج 23 اپریل 2016ء بروز ہفتہ ظہور الٰہی اسٹیڈیم گجرات میں منعقد ہو گا ٹورنامنٹ کی صدارت محمود احمد بٹ صدر ڈی سی اے گجرات کریں گے۔ جبکہ مہمان خصوصی لیاقت علی چٹھہ ڈی سی او ‘ سابق ایم این اے چوہدری مبشر حسین’ سابق ایم پی اے حاجی ناصر محمود’ اور ایم پی اے حاجی عمران ظفر ہونگے۔ تمام مہمانوں کا استقبال حاجی فرید علی سندھو کریں گے۔ تقریب تقسیم انعامات 4 بجے سہ پہر ہو گی۔ ونر ٹیم کو 30 ہزار روپے نقد اور ٹرافی جبکہ رنر اپ ٹیم کو 20 ہزار نقد اور ٹرافی دی جائے گی۔ بہترین کارکردگی کا مظاہرہ کرنے والے کھلاڑیوں میں ٹریک سوٹ و دیگر انعامات بھی دئیے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 56 واں سالانہ عرس مبارک مداح شہنشاہ لولاک ۖ ، عاشق رسول حضرت علامہ مولانا قاری احمد حسین خالقی نور اللہ مرقدہ 30 اپریل بروز ہفتہ بعد از نماز عشاء خواجگان مسجد علی پورہ روڈ گجرات میں منعقد ہو گا۔ جس میں عظیم روحانی شخصیت پیر آف بغداد شریف السید عمر سلیم الحسنی الاعظمی ، خطیب اہلسنت حضرت علامہ صاحبزادہ غلام بشیر نقشبندی زیب سجادہ بائولی شریف اور واضع خوش بیاں مولانا بشیر احمد عثمانی آف کراچی خطاب فرمائیں گے۔ حضرت علامہ محمد دین راجوروی سجادہ نشین درگاہ قاری صاحب’ و مرکزی نائب صدر جماعت اہلسنت آزاد کشمیر نے فرزندان اسلام سے شرکت کی اپیل کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) امیر المومنین حضرت علی علیہ السلام کی یوم ولادت کے سلسلہ میں حسینیہ ٹرسٹ رجسٹرڈ گجرات کے زیر اہتمام عظیم الشان ”جشن مولود کعبہ” حسینیہ امام بارگاہ میں منعقد ہوا۔ جس میں ممتاز ذاکر اہلبیت عدنان لیاقت پدہڑاڑ آف سرگودھا اور ذاکر اہلبیت علی عمران جعفری شیخو پورہ نے بیان کیا اور حضرت علی علیہ السلام کے فضائل پر روشنی ڈالی۔ نقابت کے فرائض جنرل سیکرٹری حسینیہ ٹرسٹ پروفیسر سرفراز حسین جعفری نے سرانجام دئیے جبکہ انتظامات جواد حسین جعفری’ وقار الحسن ہیرا’ کی زیر نگرانی ہوئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جشن گجرات کے سلسلہ میں منعقدہ عظیم الشان کبڈی میچ میں چوہدری محمد اشرف گوندل اور مرزا ریاض جلالپور جٹاں نے کھلاڑیوں کی حوصلہ افزائی کی اور ہر وارے پر کھلاڑیوں میں نقد انعامات تقسیم کئے۔ ڈی سی او گجرات لیاقت علی چٹھہ نے دونوں راہنمائوں کی کاوشوں کو سراہا اور اُمید ظاہر کی کہ کھیلوں کے سلسلہ میں وہ مزید محنت سے کا م کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جمعیت علماء اہل حدیث پاکستان کے سربراہ قاضی عبدالقدیر خاموش نے کہا ہے کہ فوج میں احتساب کا اپنا اندرونی نظام ہے۔ کرپشن ثابت ہونے کے بعد فوجی افسران کی برطرفی دوسر ے ادار وں کے لئے اچھی مثال ہے۔ اب وزیر اعظم بھی اپنی کابینہ سے کرپٹ عناصر کو نکال باہر کریں۔اور خود کو احتساب کے لئے پیش کریں۔ استعفے کے بغیر کوئی کمشن قبول نہیں ہوگا۔ مجلس عاملہ کے اجلاس کی صدارت کرتے ہوئے قاضی عبدالقدیر خاموش نے کہا کہ خیبر پختونخواہ کے وزیر خزانہ کے خلاف اس کے بینک کرپشن کے الزامات لگا رہے ہیں، قوم پوچھتی ہے کہ وہ ابھی تک اپنے عہدے پر قائم کیوں ہیں؟انہیں برطرف کیا جائے۔ انہوں نے کہا کہ راحیل شریف کے اقدام کی قوم نے پذیرائی کی ہے۔ اب میاں نواز شریف کو الزامات سے کلیرنس تک وزیر اعظم کو عہدے سے مستعفی ہونا چاہیے،یہ مطالبہ عین اسلامی ہے کہ ایک بدھو نے حضرت عمر رضی اللہ تعالیٰ عنہہ کے احتساب کا مطالبہ کرتے ہوئے کہا کہ وہ خلیفہ کی کوئی بات سنیں اور نہ انہیں مانیں گے۔ انہوں نے کہا کہ میاں نواز شریف کو فارغ کیا جائے۔ نوازشریف کی موجودگی میں کو احتسابی کمشن اور تحقیقات قبول نہیں۔ ان کا کہنا تھا کہ جو سیاستدان اور پارٹیاں اس موقع پر نواز شریف کی حمایت کریں گے وہ پاکستان قومی اتحاد کے رفیق باجوہ بن جائیں گے۔امہیںعوام مسترد کردیں گے۔اس لئے جمہوریت کے نام پر کرپشن کو تحفظ دینے کا ڈھونگ اب بند ہونا چاہیے۔ بہت ہوچکا ، ہمیں کچھ اچھی مثالیں بھی قائم کرنی چاہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممبر بورڈ آف ریونیو وحید اختر انصاری ، ڈی سی او لیاقت علی چٹھہ نے لینڈ ریکارڈ سنٹر گجرات، گورنمنٹ ہائی سکول منگوال، مرکز خریداری منگوال، جلالپور جٹاں اور میجر شبیر شریف شہید (نشان حیدر ) ہسپتال کنجاہ کا دورہ کیا اور وہاں فراہم کی جانیوالی سہولیات، طلبہ کی تدریسی سرگرمیوںکا جائزہ لیا، اے سی گجرات نورالعین، ای ڈی او ایجوکیشن طاہر کاشف، ای ڈی او ہیلتھ ڈاکٹر طاہر بشیر، ایم ایس ڈاکٹر عابد غوری، ڈسٹرکٹ فوڈ کنٹرولر شاہنواز چیمہ، ریونیو افسران بھی انکے ہمراہ تھے۔لینڈ ریکارڈ سنٹر گجرات کے دورہ کے موقع پر انہوںنے فرد اجرائ، انتقالات اور دیگر امور کے لئے آنیوالے سائلین سے فراہم کی جانیوالی سہولیات بارے دریافت کیا، انہوںنے انچارج سنٹر نعیم اشرف سے بھی مختلف خدمات کے حوالے سے دریافت کیا ۔ انہوںنے کہا وزیر اعلی پنجاب میاں شہباز شریف کے وژن پٹوار کلچر کا خاتمہ اور ریونیو ڈیپارٹمنٹ سے کرپشن کے خاتمہ ہے کے لئے سنٹر کا عملہ بورڈ کی طرف سے جاری ہدایات پر عمل درآمد یقینی بنائے۔ انہوںنے ہدایت کی کہ سائلین کو کسی بھی غیر ضروری پروسیجر میںالجھانے سے گریز کیا جائے۔ مراکز خریداری گندم کے دورہ کے موقع پر ممبر بورڈ آف ریونیو وحید اختر انصار ی نے ہدایت کی کہ حکومت پنجاب کی ہدایات کے مطابق کسانوںکو باردانہ کا میرٹ پر اجراء یقینی بنایا جائے نیز چھوٹے کسانوںکو بہتر سہولیات کی فراہمی کے لئے حکومتی ہدایات پر عمل درآمد یقینی بنایا جائے۔ انہوںنے کہا کہ کسانوںکو انکے فصل کے معاوضہ کی فراہمی یقینی بنانے کے لئے حکومت گندم کی خریداری کررہی ہے اور اسی مقصد کو پیش نظر رکھتے ہوئے پالیساںوضع کی گئی ہیں۔ گورنمنٹ ہائی سکول منگوال کے دورہ کے موقع پر ممبر بورڈ آف ریونیو وحید اختر انصاری اور ڈی سی او لیاقت علی چٹھہ نے سکیورٹی کے لئے انتظامات ، سی سی ٹی وی کیمروں کا معائنہ کیا۔ تدریسی سرگرمیوںکا جائزہ لینے کے موقع پر انہوںنے کلاس نہم کے طلبہ سے مختلف سوالات پوچھے اور انکی تعلیمی قابلیت کا جائزہ لیا۔ انہوںنے ہیڈ ماسٹر اور اساتذہ کو ہدایت کی کہ طلبہ کو بہتر تعلیم کے ساتھ ان کی تربیت پر بھی خصوصی توجہ دی جائے۔ ممبر بورڈ آف ریونیو نے میجر شبیر شریف شہید (نشان حیدر ) ہسپتال کنجاہ کے میڈیکل وارڈ، چلڈرن وارڈ، آئی سی یو، سی سی یو اور دیگر شعبہ جات کا دورہ کیا اور تعمیراتی معیار اور فراہم کی جانیوالی سہولیات کو سراہا۔ اس سے قبل لینڈ ریکارڈ سنٹر کے انچارج نعیم اشرف، ڈی ایف سی شاہنواز چیمہ، ای ڈی او ایجوکیشن طاہر کاشف،ہیڈ ماسٹر ناصر محمود ، اور ایم ایس ڈاکٹر عابد غوری نے ممبر بورڈ آف ریونیو اور ڈی سی او کو بریفنگ دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے ہدایت کہا ہے کہ ڈسٹرکٹ سکولز رجسٹریشن کمیٹی کی اجازت کے بغیر کوئی بھی پرائیویٹ سکول از خود اپنی فیسوں میں اضافہ نہیں کر سکتا ، ایسا کرنیوالوںکے خلاف قانون نے مطابق ایکشن لیا جائے گا۔ ان خیالات کا اظہار انہوں نے کمیٹی کے اجلاس سے خطاب کرتے ہوئے کیا ۔ ای ڈی او فنانس چوہدری اصغر، ای ڈی او ایجوکیشن طاہر کاشف، ڈی ڈی او ایچ آر ایم ماجد بن احمد، ڈسٹرکٹ ایجوکیشن آفیسر رفعت النسا اور دیگر افسران ، پرائیویٹ سکولز کے نمائندہ محمد تسلیم، والدین کے نمائندہ ذیشان بٹ نے شرکت کی۔ اجلاس میں 17سکولوں کی رجسٹریشن کے کیسز پیش کئے گئے تاہم کمیٹی نے ان پر مزید غور و حوض کے لئے کاروائی آئندہ اجلاس تک ملتوی کر دی۔ اجلاس سے خطاب کرتے ہوئے ڈی سی او لیاقت علی چٹھہ نے واضع کیا کہ کسی بھی پرائیویٹ سکول کو اپنی مرضی سے فیسوں میں اضافہ کا اختیار نہیں اس حوالے سے باقاعدہ اجازت لینا لازمی ہے ۔ انہوںنے واضع کیا کہ والدین کے حقوق کا تحفظ ہر صورت یقینی بنایا جائے گا اور بلاوجہ کسی کو فیسوں میں اضافہ کی آڑ میں ان کے لئے معاشی مسائل پیدا کرنے کی اجازت نہیں دی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسٹرکٹ ریگولرائزیشن کمیٹی نے حکومتی پالیسی کے تحت ضلع گجرات کے مختلف سکولوں میں تعینات مزید 43ایجوکیٹرز کو ریگولر کرنے کی منظوری دے دی ہے اس طرح ضلع میں ابتک 2008-09اور 2011-12میں بھرتی ہونیوالے 901ایجوکیٹرز کو مستقل کرنے کر دیا ہے ای ڈی او ایجوکیشن باقی کیسز فوری مکمل کرکے آئندہ اجلاس میں پیش کریں ۔ یہ ہدایات ڈ ی سی او لیاقت علی چٹھہ نے کمیٹی کے اجلا س سے خطاب کرتے ہوئے جاری کیں۔ اس موقع پر ای ڈی او فنانس چوہدری اصغر، ای ڈی او ایجوکیشن طاہر کاشف، ڈی ڈی او ایچ آر ایم ماجد بن احمد، ڈسٹرکٹ ایجوکیشن آفیسر رفعت النسا اور دیگر افسران نے شرکت کی۔ ڈی سی او لیاقت علی چٹھہ نے بتایا کہ حکومت پنجاب کی ریگولرائزیشن پالیسی 2015کے تحت کنٹریکٹ پر بھرتی ہونیوالے 1079ایجوکیٹرز کی ریگولرائزیشن کے لئے ڈسٹرکٹ ریگولرائزیشن کمیٹی کے باقاعدگی سے ہر ہفتے اجلاس منعقد کئے جارہے ہیں اور ابتک 217ایس ای ایس ای سمیت 901کو ریگولر کیا جا چکا ہے۔ انہوںنے ہدایت کی کہ ایجوکیشن ڈیپارٹمنٹ ابتک ریگولر نہ ہونیوالے ایجوکیٹرز کے مکمل کیس آئندہ اجلاس میں پیش کرے تاکہ اساتذہ کی ملازمت کو مستقل کرنے کے حوالے سے حکومتی ہدایات پر عمل درآمد یقینی بنایا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ضلعی انتظامیہ کے زیر اہتمام 4 روزہ جشن گجرات اہتمام پذیر ہو گیا ہے ۔ آخری روز پنجاب پولیس اور واپڈا کی ٹیموں کے درمیان کبڈی کا کانٹے دار مقابلہ ہوا جسے پولیس کی ٹیم نے جیت لیا ۔مہمانان خصوصی ڈی سی او لیاقت علی چٹھہ ‘ ایم پی ایز میاں طارق محمود ‘ میجر (ر) معین نواز ‘ چوہدری اشرف دیونہ ‘ مسلم لیگ ن کے رہنما نوابزادہ طاہر الملک ‘ اور صدر چیمبر آف کامرس میاں اعجاز احمد نے فاتح اور رنر اپ ٹیموں میں انعامات تقسیم کئے ۔ اس موقع پر بات چیت کرتے ہوئے ڈی سی او لیاقت علی چٹھہ نے کہا ہے کہ جشن گجرات کے 4 روز کے دوران ‘ نیزی بازی اور کبڈی کے دلچسپ مقابلے منعقد ہو ئے جسے دیکھنے کیلئے ہزاروں افراد جلالپور جٹاں فورٹس سٹیڈیم پہنچے۔ انہوں نے کہا کہ روایتی کلچر اور کھیلوںکے فروغ کیلئے مستقبل میں بھی اس نوعیت کے پروگراموں کا انعقاد کیا جاتا رہے گا ۔ایم پی ایز میاں طارق محمود ‘میجر (ر) معین نواز ‘اور چوہدری اشرف دیونہ نے کہا کہ جشن بہاراں کا انعقاد ضلعی انتظامیہ کا مستحسن اقدام ہے جو وزیراعلیٰ پنجاب کے صحت مندانہ سرگرمیوں کے فروغ کیلئے وژن کے عین مطابق ہے انہوں نے کہا کہ حکومت پنجاب کھیلوں کے فروغ پر یقین رکھتی ہے ۔ اور اس مقصد کیلئے ضلع گجرات میں ‘ جلالپور جٹاں اور کوٹلہ ارب علی خان میں دو نئے سٹیڈیم بنائے جا رہے ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ضلعی انتظامیہ کے زیر اہتمام 4 روزہ جشن گجرات اختتام پذیر ہو گیا ہے ، چوتھے اور آخری روز پنجاب پولیس اور واپڈا کی ٹیموں کے درمیان کبڈی کا کانٹے دار مقابلہ ہوا جسے پولیس کی ٹیم نے جیت لیا جبکہ آتش بازی کا بھی شاندار مظاہر ہ کیا گیا۔ جشن گجرات کے چوتھے روز جلالپور جٹاں سپورٹس گرائونڈ میں پنجاب پولیس اور واپڈا کی ٹیموں کے مابین کبڈی میچ کے موقع پر ڈی سی او لیاقت علی چٹھہ’ اے ڈی سی عرفان علی کاٹھیا، ایم پی ایز میاں طارق محمود ‘ میجر (ر) معین نواز ‘ چوہدری اشرف دیونہ ‘ مسلم لیگ ن کے رہنما نوابزادہ طاہر الملک ‘ اور صدر چیمبر آف کامرس میاں محمد اعجاز مہمان خصوصی تھے جبکہ ہزاروں شائقین بھی مقابلہ دیکھنے کے لئے موجود تھے۔ دونوں کبڈی ٹیموں کے کھلاڑیوں نے اپنی مہارت کا بھرپور مظاہر ہ کیا جبکہ آخر میں تماچے دار کبڈی نے شائقین کے جوش کو دوبالا کر دیا تاہم میچ کے اختتام پر پنجاب پولیس کی ٹیم 44پوائنٹس کے ساتھ فاتح قرار پائی جبکہ واپڈا کی ٹیم نے 42پوائنٹس حاصل کئے۔ بعداز اں مہمانان خصوصی نے فاتح اور رنر اپ ٹیموں میں انعامات تقسیم کئے جبکہ آتش بازی کے شاندار مظاہرہ نے سماں باندھ دیا۔ اس موقع پر بات چیت کرتے ہوئے ڈی سی او لیاقت علی چٹھہ نے کہا ہے کہ جشن گجرات کے 4 روز کے دوران ‘ نیزی بازی اور کبڈی کے دلچسپ مقابلے منعقد ہو ئے جسے دیکھنے کیلئے ہزاروں افراد جلالپور جٹاں سپورٹس سٹیڈیم پہنچے۔ انہوں نے کہا کہ روایتی کلچر اور کھیلوںکے فروغ کیلئے مستقبل میں بھی اس نوعیت کے پروگراموں کا انعقاد کیا جاتا رہے گا ۔ایم پی ایز میاں طارق محمود ‘میجر (ر) معین نواز ‘اور چوہدری اشرف دیونہ نے کہا کہ جشن بہاراں کا انعقاد ضلعی انتظامیہ کا مستحسن اقدام ہے جو وزیراعلیٰ پنجاب کے صحت مندانہ سرگرمیوں کے فروغ کیلئے وژن کے عین مطابق ہے انہوں نے کہا کہ حکومت پنجاب کھیلوں کے فروغ پر یقین رکھتی ہے ۔ اور اس مقصد کیلئے ضلع گجرات میں ‘ جلالپور جٹاں اور کوٹلہ ارب علی خان میں دو نئے سٹیڈیم بنائے جا رہے ہیں ۔ جلالپور جٹاں سپورٹس اسٹیڈیم میں موجود شائقین نے جشن گجرات کے بہترین انعقاد پر ڈی سی او لیاقت علی چٹھہ، اے ڈی سی عرفان علی کاٹھیا ، منتخب ارکان اسمبلی کو زبر دست سراہا اور اس امید کا اظہار کیا کہ مستقبل میں بھی اس نوعیت کے پروگرامز منعقد کئے جائیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) میاں محمد اقبال مظہر اسسٹنٹ کمشنر کھاریاںنے ڈنگہ شہر میں گندم خریداری مرکز کا دورہ کیا ہے۔اس موقع پرمحمد محسن تحصیلدار، سجاد احمداور ارشد وڑائچ نائب تحصیلدار،محکمہ فوڈ ،ٹی ایم اے اور مارکیٹ کمیٹی کے آفیسران موجود تھے۔ اسسٹنٹ کمشنر نے تمام آفیسران کو گورنمنٹ کی طرف سے آمدہ ہدایات کے متعلق تفصیلی بریفنگ دی اور تمام انتظامات کا جائزہ لیا اور ہدایت کی کہ سنٹر پر کسانوں کی سہولت کے لیے بہترین انتظامات کئے جائیں۔ اس موقع پر میڈیا سے گفتگو کرتے ہوئے انہوں نے بتایا کہ پنجاب بھر میں حکومت پنجاب نے اس سال 130ارب روپے مالیت کی چالیس لاکھ ٹن گندم خریدنے کا فیصلہ کیا ہے۔ ضلع ہذا میں اٹھائیس ہزار میٹرک ٹن گندم خریدی جائیگی جس کے لئے پانچ مراکز قائم کئے گئے ہیں جس میں سے دو مراکز تحصیل کھاریاں میں قائم کئے گئے ہیں۔جہاں پر محکمہ خوراک، محکمہ مال، مارکیٹ کمیٹی کا عملہ تعینات کردیا گیا ہے۔ علاوہ ازیں کاشتکار بھائیوں کی سہولت کے لئے سنٹروں پر پینے کا پانی، بیٹھنے کے لئے کرسیاں اور سایہ دار جگہ کا انتظام کردیا گیا ہے۔مرکز ڈنگہ پرآٹھ ہزار میٹرک ٹن اور مرکز لالہ موسیٰ پرچار ہزار میٹرک ٹن بوری گندم خرید کی جائے گی جبکہ پہلے 5دن باردانہ چھوٹے کاشتکاروں جو کہ 12.5ایکڑ رقبہ کے مالک ہیں کوپہلے آئو پہلے پائو کی بنیاد پر دیا جائے گا۔ پھر چھٹے روز سے چھوٹے کاشتکاروں کے ساتھ ساتھ بڑے کاشتکاروں کو بھی باردانہ جاری کیا جائے گا۔دس بوری فی ایکڑ باردانہ جاری ہوگا اور ریٹ گندم کے نرخ/- 1300روپے فی من مقررہیں۔ جبکہ قیمت کے علاوہ 9/-روپے فی 100کلو گرام ڈلیوری چارجز ادا کئے جائیں گے۔ زرضمانت بار دانہ 143/-روپے فی بوری (جیوٹ) اور 31/-روپے فی بیگ (پولی پراپلین) ہوگی۔ گندم بمعہ بوری کا معیاری وزن 101.100کلو گرام اور پولی پراپلین تھیلے کا وزن بمعہ گندم 50.115کلو گرام ہو نا لازمی ہے ۔کسانوں کو چاہیے جو گندم بغرض فروخت سنٹر پر لائیں اس میں نمی کی حد 10%سے زائد نہ ہو۔ایک وقت میں دو سو بوری100 کلو گرام یا چار سو تھیلہ50کلو گرام سے زائد باردانہ کسی بھی کاشتکار کو جاری نہیں ہو گا۔ تاہم دوسری مرتبہ باردانہ ایک ہفتہ کے بعد جاری ہوسکتا ہے لیکن اس کے لئے لازم ہے کہ پہلی دفعہ جاری ہونے والے باردانہ میںگند م بغرض فروخت متعلقہ سنٹر پر لائی جاچکی ہو۔انہوں نے کہا کہ کسی بھی شکایت کی صورت میں اُن کے ٹیلی فون نمبر 053-9240212پر رجوع کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ٹی ایم اے کی جانب سے شاہ جہانگیر روڈ پر ایل ای ڈی لائٹ کا افتتاح کر دیا گیا تفصیلات کے مطابق شاہ جہانگیر روڈ پر 18لاکھ کی لاگت سے ایل ای ڈی لائٹس کا افتتاح ایم پی اے حاجی عمران ظفر ،ایم پی اے چوہدری اشرف دیونہ ، ایم پی اے میاں طارق محمود ،ڈی سی او گجرات لیاقت علی چٹھہ ،ایڈمنسٹریٹر عرفان علی کاٹھیا،حاجی ناصر محمود ،ٹی ایم او چوہدری خرم محمود ترہنگی نے کیا اس موقع پر ڈی سی او گجرات لیا قت علی چٹھہ نے کہاکہ جس طرح ایم این ایزاور ایم پی ایزگجرات کی خوبصورتی میں دلچسپی لیے رہئے ہیں اسی طرح گجرات کو خوبصورت بنانے میں بھی آپ کا اہم کردار ہے گجرات کی سرکیں جس اندھروں میں ڈوبی رہتی تھی اور لوگوں کو رستوںمیں ہی لوٹ لیا کرتا تھا آج الحمداللہ گجرات کی سرکیں روشنوں میں ڈوبی ہوئی ہیں ایم پی اے حاجی عمران ظفر نے کہا کہ ہم ٹی ایم اے اور ضلعی انتظامیہ کا بے حد مشکور ہے کہ جنہوں نے گجرات میں ایل ڈی لائٹس لگا کر لوگوں کو اندھروں سے نکال کر اجالوں میں رکھ دیا ہے آج پاکستان مسلم لیگ ن کی حکومت جس طرح تعمیرو ترقی کی طرف گامزن ہے آج کوئی ایسا علاقہ نہیں جہاں پر ترقیاتی کام نہ ہورہئے ہوں اللہ تعالیٰ کا شکر ہے کہ ضلع بھر میں نواز حکومت نے ترقیاتی کاموں کے جال بچھا رکھے ہیں ،ایڈمنسٹریٹر عرفان علی کاٹھیا نے کہاکہ جس طرح ٹی ایم اے گجرات نے سرکل روڈ ،جیل روڈ،ریلوے روڈ ،سرگودھا روڈ میں دو سال کے اند ر اند رساڈے تین کڑور کی لاگت سے ایل ای ڈی لائٹس لگا دی جائیںگی کوئی ایسا علاقہ نہ ہوگا جہاں پر سٹریٹس لائٹس نہ لگی ہونگی گجرات کو جس طرح خوبصورت کیا جارہا ہے اسی طرح گجرات کے روڈ وں میں خوبصورتی میں اضافہ کیا جار ہا ہیں اس موقع پر ایکسین یاور علی ،SDOمستنصر چیمہ ،راجہ طاہر شیر،راجہ حبیب،سابقہ ٹکٹ ہولڈر چیئرمین عاصم نصیر ڈار،سابقہ ٹکٹ ہولڈر چیئرمین نسیم اختر جوڑا،وائس چیئرمین باسط راٹھور ،ممتاز بزنس مین چوہدری شہباز صراف،شیخ فضل باری ،چاند بٹ ،نوید بٹ،ثاقب بٹ ،شبیر بٹ،ودیگر موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) کرپشن او ر بد عنوانی کے کرداروں اور ان کے سہولت کاروں کا احتساب پوری پاکستانی قوم کی آواز ہے قائد تحریک انصاف عمران خان نے پانامہ لیکس انکشافات سے پہلے اور بعد میں بھی کرپشن بد عنوانی کو وطن عزیز سے ختم کرنے اور کرپٹ عناصر کا محاسبہ کرنے کے حوالے سے اپنا ٹھوس موقف ہر فورم پر پیش کیا ان خیالات کا اظہار تحریک انصاف گجرات کے نوجوان راہنماء آغاشیرازملک سابق آرگنائزر ئو سی ون گجرات اور سپی ٹی آئی کے سابق امیدوار برائے چیئر مین یو سی ون ملک ظہیر عامر نے میڈیا کے نمائندوں سے گفتگو کرتے ہوئے کیا انہوں نے کہا کہ ہم اپنے قائد کی آواز پر لبیک کہتے ہویے 24اپریل کو پاکستان تحریک انصاف کے 20ویں یوم تاسیس کے موقع پر اسلام آباد F-9پارک جلسہ میں بھرپور شرکت کرینگے ، کرپٹ ، بد عنوان عناصر ، اور ملکی دولت کی لوٹ مار کرنیوالوں کا کڑا احتساب ہر پاکستانی کی آواز ہے ،انشااللہ قائد تحریک عمران خان کی قیادت میں تحریک انصاف کرپٹ بد عنوان ،اور ملکی دولت لوٹنے والوں کا کڑا احتساب کریگی آنیوالا وقت تحریک انصا ف کا ہے جمہوریت کی آڑ میں آمریت سے بد تر موجودہ شہنشاہوں کو اب گھر جانا ہوگا پانامہ لیکس نواز شریف کی سیاست کی تباہی کاا غاز ہے انجام بھیانک ہوگا کرپٹ حکمرانوں کا اتحاد ایک دوسرے کو بچانے کیلئے ہے لیکن یہ اب بچ نہ پائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سیشن جج گجرات سید خورشید انور رضوی نے دربار عالیہ موہڑی شریف کی اراضی اور گدی کے متعلقہ تنازعہ کو حل کردیا سیشن جج نے دونوں فریقین کی عدالت میں صلح کروادی اور ان کو ایک دوسرے کے گلے ملادیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) لاہور ہائی کورٹ نے قتل کیس میں ملوث مرکزی ملزم ثقلین شاہ سکنہ بھوج پورکی درخواست ضمانت خارج کردی۔ ملزم نے 2011میں اپنے ہی گائوں کے رہائشی محمد حیات کو قتل کردیا تھا ملزم تقریبا5سال سے ڈسٹرکٹ جیل گجرات میں بند ہے ملزم کا ٹرائل ایڈیشل سیشن جج گجرات ہمایوں سعید کی عدالت میں زیر سماعت ہے جس کی آئندہ پیشی 26اپریل ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ ن کے نوجوان رہنام وامید وار برائے ایم ایل اے 34جمو ں 5آزاد کشمیر چوہدری صیام اشرف ریحانیہ اور پاکستان مسلم لیگ ن کے ضلعی سینئر نائب صدر چوہدری اشرف ریحانیہ چیئرمین یوسی 1میونسپل کارپوریشن گجرات کا الیکشن مہم کے سلسلہ میں حلقہ کا طوفانی دورہ ، مختلف یونین کونسلز میں منتخب بلدیاتی نمائندوں سمیت سیاسی وسماجی شخصیات سے ملاقاتیں کیں یوسی سر خپور کے چیئرمین ارشد بھٹی نے ملاقات کے موقع پر انہیں اپنی یونین کونسل سے مکمل حمائت کا یقین دلاتے ہوئے کہا کہ انشااللہ آزاد کشمیر الیکشن میں ہم چوہدری صیام اشرف ریحانیہ کو کامیابی بنائیں گے ، چوہدری صیام اشرف ریحانیہ جیسی نوجوان اور پڑھی لکھی شخصیت کا حلقہ ایم ایل اے 34جموں 5سے الیکشن لڑنا حلقہ کے عوام کے لئے نیک شگون ہے ،اس موقع پر گفتگو کرتے ہوئے چوہدری اشرف ریحانیہ اور صیام اشرف ریحانیہ نے کہا کہ ہمارے ماضی میں ضلع بھر کے عوام بخوبی آگاہ ہیں عوامی خدمت اور عوامی فلاح وبہبود کے لئے کام کرنا ہمارے خاندان کا شیوہ رہا ہے انشااللہ عوام کا تعاون رہا تو اللہ کے فضل و کرم سے کامیاب ہو کر حلقہ کی تمام سابقہ محرومیوں کا ازالہ کرنے کے ساتھ ساتھ عوامی خدمت اور عوامی فلاح وبہبود کی نئی تاریخ رقم کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ(ق) گجرات کے راہنما چوہدری توصیف افضل آف بہلول پور نے اپنے بیان میں کہاہے کہ انشاء اللہ LA34جموں5سے ق لیگ کے امیدوار چوہدری افضل ملہی کامیاب ہوں گے چوہدری افضل ملہی بے داغ اور باکردار امیدوار ہیں ہر مکتبہ فکر میں خاصے مقبول ہیں انہوں نے مزید کہا کہ حکومتی امیدوار کو شکست دینے کیلئے ضروری ہے کہ ق لیگ والے متحد ہوکر چوہدری افضل ملہی کا الیکشن لڑیں چوہدری توصیف افضل نے کہاہے کہ چوہدری برادران نے چوہدری افضل ملہی کو نامزد کرکے بہت دانشمندانہ فیصلہ کیاہے ہماری تمام تر ہمدردیاں چوہدری افضل ملہی کے ساتھ ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ضلع گجرات کی عوام کے ساتھ ذاتی اور پیار و محبت کا تعلق ہے گجرات کے عوام ہمارے ماضی ہمارے رویے اور ہمارے کردار سے بخوبی آگاہ ہیں ان خیالا ت کا ا ظہار امیدوا ر برائے ایم ایل اے حلقہ 34جموں 5چوہدری صیام اشرف ریحانیہ کے والد چیئرمین یوسی 1گجرات چوہدری اشرف ریحانیہ ضلعی سینئر نائب صدر مسلم لیگ ن گجرات نے میڈ یا کے نمائندوں سے گفتگو کرتے ہوئیے کیا انہوں نے کہا کہ حلقہ این اے 104میں بلدیاتی الیکشن میں مختلف جماعتوں کے پلیٹ فارم سے چیئرمین کا الیکشن لڑنے والے امیدواروں کے ساتھ رابطے میں ہیں جن میں کئی شخصیات ہمارے ساتھ مسلم لیگ ن میں شمولیت کیلئے تیار او ر خواہشمند ہیں خصوصاََ مرکز ٹانڈہ ، میں لوگوں کی کااکثریت جن میں مسلم لیگ ق اور تحریک انصاف کے لوگ شامل ہیں وہ ہمارے ساتھ مسلم لیگ ن میں شمولیت اور آزاد کشمیر کے الیکشن میں ہمارے مکمل سپورٹ نہ صرف خواہشمند ہیں بلکہ انہوں نے مکمل تعاون کا یقین دلایا ہے حلقہ این اے 104کی تمام یونین کونسل کی عوام ہمارے ساتھ خصوصی پیار و محبت کرتے ہیں کیونکہ ہمارے کردار اور عوامی خدمت اور لوگوں کا اعتماد ہی ہمارا سرمایہ افتخار ہے انشااللہ اگر آزاد کشمیر الیکشن کے لئے قیادت نے مسلم لیگ ن کا ٹکٹ ہمیں دیا تو ہم دیگر جماعتوں کے لوگوں کی مسلم لیگ ن میں شمولیت کروائیں گے جو آئندہ جنرل انتخابات2018ء میں مسلم لیگ ن کی کامیابی میں اہم کردار ادا کریں گے انشااللہ ہمیں ٹکٹ دے کر نہ تو قیادت اور نہ ہی سپورٹ کرنیوالے ووٹروں اور سپورٹران کو کسی قسم کی شرمندگی ہو گی تاریخ گواہ ہے کہ ماضی میں ذمہ داریاں ملنے کے باوجود میرے اثاثے آج بھی تیس سال قبل والے ہیں میرا آج بھی وہ ہی کاروبار ہے جو 30سال قبل تھا میرے بیٹے صیام اشرف ریحانیہ نے MBAکی ڈگری کے ساتھ ڈبل MAبھی کیا ہوا ہے حلقہ کے عوام کی خدمت اور فلاح وبہبود کیلئے وہ اپنی بھرپور صلاحیتوں کو بروے کار لائیں گے حلقہ ایل اے 34جموں 5میں عوامی خدمت کی نئی تاریخ رقم کی جائیگی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) علمی سطح پر اختراع و تخلیق کا عمل پاکستانی انڈسٹری کی ترویج و فروغ کے لیے خوش آئند امر ہے ۔طلبہ میں سائنس و ٹیکنالوجی کے علوم کا فروغ عظیم قومی خدمت ہے ۔ پاکستان کی معاشی بنیادوں کو مستحکم کرنے کے لیے سائنسی علوم کے ذریعے نوجوان طلبا و طالبات کی ذہنی تربیت ایک لازمی امر ہے ۔ اس بات میں کچھ شک نہیں کہ سائنسی علوم معیار زندگی کو بہتر بنانے میں کامیاب ثابت ہوئے ہیں۔ جامعہ گجرات اپنے مختلف کیمپسوں میں علمی سرگرمیوں کو فروغ دیتے ہوئے طلبہ کے ساتھ ایک بہترین رابطہ استوار کیے ہوئے ہے ۔ شعبۂ کیمیکل انجینئرنگ کے زیر اہتمام چار روزہ ورکشاپ نے طلباء و طالبات کو مختلف جہتوں میں تازہ علم سے مستفید ہونے کا موقع فراہم کیا ہے ۔ ان خیالات کا اظہار مہمان خصوصی وائس چانسلر پروفیسر ڈاکٹر ضیاء القیوم نے جامعہ گجرات کے شعبہ کیمیکل انجینئرنگ کی سٹوڈنٹس سوسائٹی کے زیر اہتمام منعقدہ چار روزہ تربیتی ورکشاپ کی اختتامی تقریب کے شرکاء سے خطاب کرتے ہوئے کیا ۔ اس تربیتی ورکشاپ میں UET لاہور ، پشاور ، پنجاب یونیورسٹی، NFC انسٹیٹیوٹ فیصل آباد اور شریف انجینئرنگ کالج لاہور کے علاوہ جامعہ گجرات کے تقریبا150 طلباء و طالبات نے شرکت کی ۔ اس ورکشاپ کا بنیادی مقصد طلبہ کو کیمیکل انجینئرنگ میں استعمال ہونے والے سافٹ ویئر بارے نئے تصورات و خیالات اور مہارتوں سے روشناس کروانا تھا۔ چار روزہ ورکشاپ میں پروفیسر ڈاکٹر سعید گل، ڈاکٹر سید محسن علی کاظمی، پروفیسر ڈاکٹر محمود سلیم اور ڈاکٹر نوید رمضان نے طلبہ کو CHEMCAD, EXCEL, ASPENTECH, MATLAB اور COCO کے حوالہ سے عملی تربیت کا فریضہ سر انجام دیا ۔ ڈاکٹر ضیاء القیوم نے اس موقع پر شرکاء کو آگاہ کیا کہ Huawei جامعہ گجرات میں ایک نیٹ ورکنگ اکیڈمی اور ایک لیبارٹری کے قیام پر رضامند ہو گیا اور ہمیں امید ہے کہ اس اقدام سے جامعہ گجرات کے مختلف شعبہ جات کے طلباء و طالبات مستفید ہو نگے۔ ڈین فیکلٹی برائے انجینئرنگ و ٹیکنالوجی ڈاکٹر محمد سلیمان طاہر نے کہا کہ شعبۂ کیمیکل انجینئرنگ اپنی اعلیٰ تعلیمی و تحقیقی سرگرمیوں کے ذریعے ڈاکٹر ضیاء القیوم کے تعلیم بارے وژن کو حقیقت میں بدلنے کے لیے شبانہ روز محنت کر رہا ہے ۔ ہمارا مقصد مقامی انڈسٹری کے ساتھ بہترین روابط استوار کرتے ہوئے اپنی سرگرمیوں کے ذریعے سماج و معاشرہ کے لیے آسانیاں فراہم کرنا ہے ۔ ہم اپنے طلبہ میں تحقیقی سرگرمیوں کو فروغ دے کر ان کی مہارتوں میں اضافہ کرتے ہوئے ملکی انڈسٹری کے لیے بہترین انسانی سرمایہ مہیا کرنے کی جانب راغب ہیں۔ ورکشاپ میں شرکت کرنے والے طلباء و طالبات نے اپنے تاثرات میں کہا کہ یہ تربیتی ورکشاپ حقیقتاًان کے علم میں اضافہ کا باعث ہوئی ہے۔ اس کے ذریعے ان کے علمی و ذہنی افق میں وسعت پیدا ہوئی ہے اور وہ علم بارے تازہ تصورات و خیالات سے روشناس ہوئے ہیں۔ UET پشاور سے تشریف لانے والے ماہر ڈاکٹر سعید گل نے جامعہ گجرات کی علمی خدمات کو سراہا۔ اختتامی تقریب کے مہمانان اعزازی میں ڈین فیکلٹی برائے سائنسز پروفیسر ڈاکٹر محمد فہیم ملک، ڈاکٹر محمد دانش، ڈائریکٹر شیخ عبدالرشید، ڈاکٹر غلام علی بھٹی اور مختلف شعبہ جات کے اساتذہ شامل تھے۔ ڈاکٹر ضیاء القیوم نے ورکشاپ میں شرکت کرنے والے طلباء و طالبات اور انتظامی ٹیم کے اراکین کو اسناد پیش کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جامعہ گجرات میں ورلڈ ارتھ ڈے انتہائی اہتمام سے منایا گیا ۔ مختلف شعبہ جات کے طلبہ اور اساتذہ نے اس موقع پر ایک واک کا انعقاد کیا جس کی قیادت وائس چانسلر جامعہ گجرات پروفیسر ڈاکٹر ضیاء القیوم نے کی ۔ اقوام متحدہ کی قرارداد کے مطابق ہر سال ورلڈ ارتھ ڈے منایا جاتا ہے جس کا مقصد دنیا بھر میں زمین کو ماحولیاتی آلودگی اور دوسری آفات سے بچانے کے لیے عوامی شعور کی ترویج اور اس سلسلہ میں عوامی تربیت کا اہتمام کرنا ہوتا ہے ۔ امسال ورلڈ ارتھ ڈے کا بنیادی نعرہ ”زمین کے لیے درخت” تھا۔ ڈاکٹر ضیاء القیوم نے اس موقع پر طلبہ و اساتذہ سے خطاب کرتے ہوئے کہا کہ ماحولیاتی آلودگی سے بچائو اجتماعی کاوشوں کے ذریعے ہی ممکن ہے ۔ درخت ہمارے ماحول کو سر سبز و شاداب رکھنے اور انسانی صحت کی بحالی میں اہم کردار ادا کرتے ہیں۔ انہوں نے طلبہ و اساتذہ سے اپیل کی کہ وہ جامعہ گجرات کے سبھی کیمپسوں پر زیادہ سے زیادہ پودے لگاتے ہوئے اور ان کی دیکھ بھال کرتے ہوئے گرین کیمپس کے خواب کو شرمندہ تعبیر کرنے میں مددگار ثابت ہوں۔ اس موقع پر اساتذہ و طلبہ نے ڈاکٹر ضیاء القیوم اور چیئر پرسن شعبہ جیو سائنسز پروفیسر ڈاکٹر محمد مشاہد انور کے ہمراہ حافظ حیات کیمپس کے مختلف حصوں میں پودے لگاتے ہوئے اس بات کا اعادہ کیا کہ وہ ان پودوں کی اعلیٰ دیکھ بھال کرتے ہوئے انہیں درختوں کی صورت میں پروان چڑھائیں گے۔ ڈاکٹر مشاہد انور نے کہا کہ درخت زمین کے درجہ حرارت اور اسکی ساخت کو مناسب حد تک برقرار رکھنے میں مدد دیتے ہیں۔ آج زمین کا درجہ حرارت انتہائی بلندیوں کو چھوتے ہوئے مختلف علاقوں میں عجیب و غریب موسمیاتی تغیر و تبدل کا باعث بن رہا ہے ۔ ہماری انفرادی و اجتماعی کوششیں سر سبز و شاداب سر زمین کی بحالی میں مددگار ثابت ہونگی۔ ریلی میں موجود شرکاء نے اس سلسلہ میں جامعہ گجرات کی سوسائٹی GULF جیو گرافیکل یونائیٹڈ لیڈنگ فورم کی کوششوں کو سراہا۔ سوسائٹی کی صدر ماریہ بشیر نے شرکاء میں پمفلٹ تقسیم کیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) آئی ایل ایم کالج ،این سی بی اے گجرات کیمپس اورویکلی گجرات ایکسپریس کے زیراہتمام دوسراآرٹ اینڈ کرافٹ میلہ جمعرات کے روزشروع ہوگیا۔یہ میلہ سات روزجاری رہے گا۔آرٹ میلہ میں فائن آرٹس ،ہینڈی کرافٹس،فیشن ملبوسات،قدیم نوادرات اورکھانوں کے درجنوںسٹال شامل ہیں ۔پہلے روزلوگوں نے کھانے پینے کے سٹالزمیں زیادہ دلچسپی لی اوراپنی پسندکے انواح و اقسام کے چٹ پٹے فوڈاور ڈرنکس سے لطف اندوزہوتے رہے ۔ ممتازماہرتعلیم ،رائٹر،حسان ماڈل سکولزکی پرنسپل اورسماجی شخصیت مسز روبینہ خالدنے دوسرے آرٹ میلہ کاافتتاح۔اس موقع پرآئی ایل ایم کالج کے پرنسپل سیدسلمان حیدر،ایونٹ کے آرگنائزرمحمدیوسف بھٹہ ،سینئرٹیچرزعثمان ذوالفقار، عبدالقادر،اکاؤنٹ مینجروقاص بٹ،استقبالیہ اورانتظامی کمیٹیوںاورسٹال ہولڈرزنے مہمان خصوصی کا گرمجوشی سے استقبال کیا۔مہمان خصوصی نے ربن کاٹ کرایونٹ کاافتتاح کیا۔پرنسپل سیدسلمان حیدر نے مسزروبینہ خالدکوآئی ایل ایم کالج کی کامیابیوں اورسمرکیمپ کے بارے میں تفصیل سے بریفنگ دی۔ایونٹ آرگنائزرمحمدیوسف بھٹہ نے مہمان خصوصی کاتمام سٹال ہولڈرز سے تعارف کروایا۔اس کے بعدانہیں باری باری ایک ایک سٹال کاوزٹ کروایااوروہاں موجودسٹال ہولڈرزنے انہیںنمائش میں رکھی گئی اپنی مصنوعات کے بارے میںتفصیل سے بتایا ۔مہمان خصوصی کوبتایاگیاکہ آرٹ میلہ میں شریک تمام شرکاء نوجوان ہیںاوروہ مختلف یونیورسٹیوں سے تعلق رکھتے ہیں ۔ایونٹ کابنیادی مقصد نوجوانوں کو اپنے تخلیقی کام کی پروموشن اورمارکیٹنگ میںحوصلہ افزائی کرنا ہے۔قبل ازیں ڈائریکٹرکیمپس سیدانجم محمود گیلانی، این سی بی اے کے پرنسپل سیدآفتاب عاصم ،کنٹرولرامتحانات شہزادافتخاربٹ ،پراجیکٹ ڈائریکٹر عرفان اے ایوب نے ایونٹ کے انتظامات کاجائزہ لیااورضروری معاملات پر ہدایات دیں۔ایونٹ کے ایریاکوخصوصی طورپرمس طیبہ اکرم ،مس ربیعہ مرزا ، ہنزلہ اوران کی ٹیم نے خوب دل لگاکرسجایاتھا۔یادرہے کہ پہلاآرٹ میلہ جنوری میںمنعقد ہوا تھا اوراب آئندہ چندماہ بعد تیسرے آرٹ میلہ کی بھی توقع کی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مسلم لیگ (ن)کے رہنماکیپٹن (ر)ڈاکٹر محمدرفیق فضل نے کہا ہے کہ میاںنوازشریف قوم کے دلوںکی دھڑکن ہیں۔سیا سی مخالفین سے حکومتی کارکردگی برداشت نہیںہورہی ہے۔میاںنوازشریف نے ہمیشہ ملک کی ترقی اورعوامی خدمت کوترجیح دی ہے۔پاناما لیکس جھوٹ کاپلندہ اورمخالفین کی سازش ہے۔پاکستان مسلم لیگ (ن)احتساب سے قطعاً خوفزدہ نہیں۔میاںمحمدنوازشریف نے خودکواحتساب کے لئے پیش کرکے شاندارروایت قائم کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)کتاب وقلم انسانی کافطرتی زیورہے۔ان سے انسان کی قدرومنزلت میںاضافہ ہوتا ہے اورمعاشرے میںقدرکی نگا ہ سے دیکھا جاسکتا ہے۔علم کے حصول کاکتاب ہی ذریعہ ہے۔مطالعہ سے شخصیت میںنکھارپیداہوتا ہے۔ان خیالات کا اظہارپرنسپل گورنمنٹ پوسٹ گریجویٹ کالج وزیرآبادپروفیسرڈاکٹرمحمدآصف ہزاروی نے کتاب اورکا پی رائٹ کے دن کے موقع پرکالج طلباء سے خطاب کرتے ہوئے کیا۔اس موقع پرپروفیسرزخالد محمودہنجرائ،قاضی انوارحسین،مبشراحمدکھوکھر،نذیراحمداعوان،سیدرضا سلطان،حامد ارحمان،سیدعلی حسین بخاری،عمران نقوی،ابراراکرم ودیگربھی موجودتھے۔انہوںنے کہا کہ قوموںکی ترقی میںعلم کاکرداربنیادی اہمیت کاحامل ہے۔علم کے حصول کے لئے کتاب بنیادہے۔طلباء اپنی زندگیوںمیںمطالعہ معمول بناکرملک وقوم کی ترقی میںبھرپورکرداراداکرسکتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)واپڈاکمپلینٹ آفس کی شہرسے میلوںدوری کی وجہ سے وزیرآبادشہراورگردونواح کے افرادخوارہوگئے۔فون پرشکایت درج کروانے کے بوجودشکایت دورنہیںہوتی۔سماجی رہنماحاجی محمدیاسین سندھونے کمپلینٹ دفترواپڈاکی شہرسے باہر منتقلی پراپنے احتجاجی بیان میںکہا کہ گرمیوںمیںبجلی کی تاروںسے متعلق عوام کوشکایت رہتی ہے واپڈاکمپلینٹ آفس کے فون پرشکایت درج کروانے کی تمام ترکوششیں رائیگاںجاتی ہیںسپیشل سواری کے ذریعے لمبا فاصلہ طے کرکے دفترپہنچنے پرموجودعملہ لائن مین عملے کی فیلڈمیںکام کرنے کابہا نہ کردیتے شہریوںکوناکامی کاسامناکرناپڑتاہے۔شہرمیںشکایت دفترہونے پربچہ ،بوڑھا،خواتین آسانی سے شکایت درج کرواسکتے ہیں۔شہریوںاورسیا سی وسماجی حلقوںنے شکایت دفترکوواپس شہرمیںمنتقل کرنے کامطالبہ کیا ہے تاکہ عوام کی آسانیوںکے حکومتی منشورپرعمل ہوسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)علی پور چٹھہ مشہور مقدمہ قتل کا فیصلہ بڑے بھائی کو عمر قید چھوٹا بری،ایڈیشنل سیشن جج وزیرآباد افتخار حسین چیمہ نے تھانہ علی پورکے موضع اجتکے کے مشہور مقدمہ قتل کا فیصلہ سناتے ہوئے مجرم عمار کو عمر قید اورعدم ادائیگی پر3 لاکھ روپے اور اسکے چھوٹے بھائی زبیر کو کم عمری کا فائدہ دیتے ہوئے بری کر دیا۔دونوں حقیقی بھائیوں نے 2014 میں جائیداد کے تنازعہ پرمحمد اقبال کو چھریاں مار کر قتل کر دیا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)محسن پاکستان ممتازسائنسدان ڈاکٹر عبد القدیر خان نے کہا ہے کہ ہندوستان کی بدمعاشی بندکرنے کے لئے میںنے عوام کے تعاون سے پاکستان کوایٹمی قوت بنایاجس سے بھارت کی تھانے داری ختم ہوگئی ۔سیا ست میںجماعت اسلا می کاساتھ دیا کیونکہ یہ مذہبی جماعت تھی لیکن جماعت اسلا می نے اسلا م کی بجا ئے اسلا م آبادکوترجیح دی۔سابق وزیراعظم ذوالفقار علی بھٹو کے ایک خط پرپاکستان کے دفاع کوناقابل تسخیربنانے کے لئے بیرون ملک سے پاکستان آگیا۔وہ عمر میرج ہال میںڈاکٹر عبد القدیرخان ہسپتا ل کی فنڈریزنگ کے سلسلہ میںمنعقدہ اجتماع سے خطاب کررہے تھے۔ ڈاکٹرعبد القدیرخان نے کہا کہ ہندوستا ن نے متعددبارپاکستان میںدراندازی کی کوشش کی مگرالحمداللہ ایٹمی قوت بننے کے بعداسکے تمام ارمانوںکاخون ہوگیا۔گزشتہ دہائی سے ملک رشوت،بدانتظامی ،ملاوٹ اورکرپشن کی زدمیںہیں اس ے لئے قوم کوکسی مسیحاکاانتظارہے ۔پاکستان وسائل سے مالاما ل ہے ہرسال سیلاب سے لاکھوںکیوسک پانی ضائع ہوجا تا ہے اگرملک میںپن بجلی ڈیم بنائے جائیںتوملکی زراعت کوبے پناہ فائدہ ہوسکتا ہے موجودہ صورتحال میںزمیندارکاشتکاری چھوڑکرپیسہ بنانے کے لئے سیا ست کے میدان میںقسمت آزما ئی کررہے ہیں۔تقریب کے اختتام پروزیرآبادکے مقامی صنعتکاروںنے27لاکھ روپے ہسپتا ل کی تعمیر کے لئے فنڈدیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)حضرت علی المرتضیٰ کا یوم ولادت انتہائی عقیدت واحترام سے منایا گیا۔ انجمن ذکر حبیب گلی ارائیاں کے زیراہتمام حضرت علی کی یوم ولادت کاکیک کاٹا گیا۔ اس موقع پرمرزامحمدسلیم بیگ،قاری محمداحسان عباس،ڈاکٹر رضا سلطان،محمدیوسف مومن،عمراشرف ودیگرنے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)شادی شدہ تین چاربچوںکی ماں کوچھریوںکے وارکرکے بیدردی سے گردن کاٹنے والاملزم ساتھیوںسمیت گرفتارکرلیا گیا۔مورخہ19اپریل کوویروکی کی رہا ئشی خاتون شمع زوجہ محمدقیصراپنے گھرپرموجودتھی کہ سکنہ معافی والاموڑکے رہا ئشی محمدسفیان اوراسکے ساتھیوںمحمدعنصر،علی شہزاداورمحمدشعیب نے گھرمیںزبردستی داخل ہوکرتیزدھارآلہ سے اس کاگلہ کاٹ دیاجس کے نتیجہ میںوہ موقع پر جاں بحق ہوگئی۔ایس ایس پی ڈاکٹرمحمدرضوان نے ڈی ایس پی رانا شبیراورایس ایچ اوتھانہ صدرذوالفقار علی ججہ پرمشتمل انویسٹی گیشن ٹیم تشکیل دی جس نے دوروز میںہی جدیدطریقہ اورپیشہ وارانہ مہارت کامظاہرہ کرتے ہوئے ملزمان کوگرفتارکرلیا۔ڈی ایس پی رانا محمدشبیرنے پریس کانفرنس میںصحافیوںکوبتا یا کہ علا قہ میںجرائم پیشہ عنا صر کی سرکوبی کے لئے ہروقت ہوشیار اورتیارہیںہم۔منشیات فروشی ہرگزبرداشت نہیںکرینگے ۔گزشتہ ماہ 26منشیات فروشوںسے بھاری مقدارمیںمنشیات برآمد کرکے انکے خلاف 9سی کے تحت مقدمات درج کرکے ملزمان کوجیل روانہ کردیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)سیکرٹری جنرل جماعت اسلا می پنجاب بلا ل قدرت بٹ نے کہا ہے کہ ہم نے کرپشن فری پاکستان کی جوتحریک چند ماہ پہلے شروع کی تھی اب اسکی گونج پارلیمنٹ اورملک بھرکے چوکوںاورچوراہوںمیںسنا ئی دے رہی ہے۔پاناما لیکس کے بعدحکمرانوںاورسالہاسال سے اقتدارکے ایوانوںمیںبراجمان اشرافیہ کااصل چہرہ قوم کے سامنے آگیا ہے۔کرپشن کاعلا ج کئے بغیرملک کے حالات نہیںسدھرسکتے ۔حکمران قوم کوادھرادھرکی باتوںمیںالجھانے کی بجا ئے اپنے دامن پرلگے دھبے صاف کریں۔وہ جماعت اسلا می یوتھ ونگ وزیرآبادزون کے صدرزمان چیمہ کی قیادت عدنان انورکھرل،سکندرضیاء چیمہ،اویس جاوید ملک ،محمدعقیل پرمشتمل وفدسے ملاقات کررہے تھے۔انہوںنے کہا کہ آئی ایم ایف اورورلڈ بینک کے قرضوںکی حقیقت بھی بہت جلدقوم کے سامنے آنے والی ہے۔پاکستان اللہ کاانعام ہے اسکے ساتھ بے وفائی کرنے والوںکوخمیازہ بھگتنا پڑے گا۔انہوںنے کہا کہ جماعت اسلا می24اپریل کوپنجاب اسمبلی کے باہرکرپشن کے خلاف احتجاجی دھرنا دے گی۔انہوںنے کہا کہ کرپشن فری پاکستان مہم صرف جماعت اسلا می کی نہیں20کروڑعوام کی ہے اب پاکستان اورکرپشن اکٹھے نہیںچل سکتے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)جمیعت علماء پاکستان (نیازی)کے مرکزی سنیئرنائب صدرصاحبزادہ محمدعارف ہزاروی نے کہا ہے کہ حضور نبی کریم ۖ نے ہرشعبہ زندگی میںانسانیت کی رہنما ئی فرمائی۔اسلام حقوق انسانی کامحافظ ہے۔قرب خداوندی کاسب سے بڑاذریعہ خدمت ہے ۔وہ ایک تقریب سے خطاب کررہے تھے۔انہوںنے کہا کہ حکمران ذاتیات کی سیا ست چھوڑکرملکی استحکام اورعوامی مسائل کی طرف توجہ دیں۔جنرل راحیل شریف کاکرپشن کے خاتمہ کااعلان عوامی جذبات کی ترجمانی ہے۔پوری قوم اس ایشو پریکسو ہے۔انہوںنے کہا کہ کرپشن میںملوث لوگ ملکی ترقی کی را ہ میںرکاوٹ ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)تحریک انصاف کے رہنماچوہدری گلفام طاہر چیمہ ایڈووکیٹ نے کہا ہے کہ حکمرانوںکوان کے معاشی سکینڈل ہی لے ڈوبیںگے۔پنجاب میںذراعت ،تعلیم ،صحت سمیت ہرشعبہ زوال پذیرہے اورہر ادارہ تباہی کی طرف گامزن ہے۔مہنگائی بڑھتی جارہی ہے۔گندم کی خریداری میںحکومت نے کسانوںکوبے یارومددگارچھوڑدیا ہے۔درمیانہ شخص بھرپورفائدہ اٹھارہا ہے۔وہ صحافیوںسے گفتگوکررہے تھے۔انہوںنے کرپشن کے متعلق آرمی چیف کے بیان پرانہیںخراج تحسین پیش کیا اورکہا کہ غیرجانبدارانہ احتساب جمہوریت کاحصہ ہے۔اسمیںپارٹی پالیٹکس سے بالاتر ہوکرعمل درآمدکرنا چا ہئے۔انہوںنے کہا کہ حکمران من پسندکمیشن بناکربچنا چاہتے ہیں۔ماضی کی سیا ست نہیںچلے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے فوج میں احتساب کے عمل کو سراہتے ہوئے وزیر اعظم نواز شریف سے بھی ایسی مثال قائم کرنے کا مطالبہ کیا ہے۔جمعیت سیکرٹریٹ میں ڈاکٹر امجد حسین چشتی، پیر اختر رسول قادری، پیر اسرار شاہ ، غلام حسین ہاشمی اور دیگر رہنماوں سے گفتگو میں پیر معصوم نقوی نے کہا کہ کسی بھی ادارے کو احتساب سے چھوٹ نہیں ہونی چاہیے،غیر جانبدارانہ اور صاف شفاف احتساب قوم کا مطالبہ اور ملک کی ضرورت ہے۔ اس کے بغیر قومی ترقی ممکن نہیں۔ انہوں نے کہا کہ ماضی کی فوجی حکومتوں میں احتساب کو سیاسی مقاصد کے استعمال کیا گیا، احتساب کے دباو کے تحت سیاسی وفاداریاں تبدیل کروائی گئیں اور کٹھ پتلی جماعتیں تشکیل دی گئیں۔ مگر جنر ل راحیل شریف کا کرپٹ افسران کو فارغ کرنے کا عمل خوش آئند ہے، قوم اسے سراہتی ہے کہ انہوں نے سیاست میںبھی مداخلت نہیں کی اور کرپشن کے خلاف بیان دینے کے بعد اپنے گھر سے صفائی کا عمل شروع کردیا ہے۔پیر معصوم نقوی نے کہا کہ فوجی افسران کی برطرفی احتساب کی بہترین مثال ہے۔ اس پر عمل کرتے ہوئے پاناما لیکس کے الزام کے تحت وزیر اعظم کو پہلے خود مستعفی ہوناچاہیے۔کرپشن کو برداشت نہ کرنے کا عزم کرکے پورے معاشرے کو پرسکون اور صاف بنایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) وفاق المدار س الشیعہ پاکستان اور ملی یکجہتی کونسل کے مرکزی نائب صدر قاضی علامہ نیاز حسین نقوی نے کہا ہے کہ امیر المومنین حضرت علی علیہ السلام کی ولادت کے لئے خانہ کعبہ کی دیوار کا شق ہونا تاریخ انسانی کا پہلا اور آخری واقعہ ہے۔ آرمی چیف کا کرپشن پر فوجی افسران کو برطرف کرنا قابل تعریف ہے ، حکومت میں شامل لوگ بھی پیروی کرتے ہوئے خود کو احتساب کے لئے پیش کریں۔علی مسجد جامعتہ المنتظر میں خطبہ جمعہ میں انہوں نے کہا کہ جانشین رسول ، امیرالمومنین حضرت علی علیہ السلام کی پیدائش پر اللہ تعالیٰ نے اپنے قوانین تبدیلی کئے۔ دیوار کعبہ علی علیہ السلام کی والدہ ماجدہ کی دعا سے شق ہوئی، جوکہ تاریخ کا پہلا اور آخری واقعہ ہے۔ان کا کہنا تھا کہ پیغمبر گرامی قدرحضرت محمد مصطفی صلی اللہ علیہ وآلہٰ وسلم کے بعد امیرالمومنین علی علیہ السلام تمام انبیاعلیہم السلام اور رسولوں سے فضیلت رکھتے ہیں، ان صفات اور عظمتوں کا بیان انسان کے بس کی بات نہیں۔علامہ نیاز نقوی نے کہا کہ آرمی چیف جنرل راحیل شریف نے کرپشن پر فوجی افسران کو برطرف کرکے گھر سے احتساب کا عمل شروع کرنا قابل تعریف ہے۔ حکومت کو ان کی پیروی کرتے ہوئے خود کو احتساب کے لئے پیش کرنا چاہیے ۔ انہوں نے کہا کہ پانامہ لیکس ملک پر بدنما داغ ہے، تحقیقات کے بعد ذمہ داروں کے خلاف کارروائی ہونی چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سیالکوٹ(جی پی آئی)سیدنا خواجہ اویس قرنی رضی اللہ عنہ نے عشقِ رسول ۖ کی لازوال مثال قائم فرمائی ۔ تاجدار یمن رضی اللہ عنہ کے وطن کی ہوا سے رحمت عالم ۖ مسرور ہوتے رہے ۔مستجاب الدعوات ہونے کے سبب پوشیدہ حال رہے ۔محبتوں کے فروغ اور عبادات کے شوق کے لئے سیرت خواجہ اویس قرنی رضی اللہ عنہ کو مشعل راہ بنانا چاہئے ۔ پاکستان میں نفرتوں کا خاتمہ کرنے کے لئے اپنے اسلاف کے پیغام محبت و امن کے فروغ کی ضرورت ہے ۔ سیدنا خواجہ اویس قرنی رضی اللہ عنہ بلند پایہ عاشقِ رسول ،اعلیٰ و ارفع زاہد و متقی اور صاحب حضوری شخص تھے ۔ محبت صحابہ و آل محمد رضی اللہ عنہم بھی تعلیمات خواجہ اویس قرنی رضی اللہ عنہ کا ایک باب ہے ۔ اولیاء اللہ کی بیعت سے انسان شیطان کے مکر و فریب سے بچ جاتا ہے ۔ درگاہوں پر حاضر ہونے والے شدت پسند اور دہشت گرد نہیں ہوتے ۔ ہمیں نسبت اویسیہ سے دنیا میں پہچان نصیب ہوئی ۔ خواجہ اویس قرنی رضی اللہ عنہ کی نسبت بندۂ مومن کو انمول بنا دیتی ہے ۔ان خیالات کا اظہار قائد تحریک اویسیہ پاکستان علامہ پیر محمد تبسم بشیر اویسی سجادہ نشین مرکز اویسیاں نارووال نے مرکز ی جامع مسجد حنفیہ نقشبندیہ رضویہ چوبارہ میں دینی اجتماع سے خطاب کرتے ہوئے کیا ۔انہوں نے کہا سیدنا خواجہ اویس قرنی رضی اللہ عنہ مقبول بارگاہ رسول ۖ ہیں۔آپ کی تعلیمات کے فروغ کیلئے آستانہ عالیہ اویسیہ علی پور چٹھہ شریف پر 23اپریل 2016ء بروز ہفتہ عرس سیدنا خواجہ اویس قرنی رضی اللہ عنہ منعقد ہو رہا ہے جس کی صدارت پیر غلام رسول اویسی سجادہ نشین آستانہ عالیہ اویسیہ علی پور چٹھہ شریف فرمائی گے جبکہ ملک بھر سے جید علماء کرام و مشائخ عظام خطابات کریں ۔عرس مبارک نوجوان نسل کی اصلاح و تربیت کے حوالے سے سنگ میل کی ثابت ہو گا۔
ڈیرہ اسماعیل خان کی خبریں 23/4/2016
گجرات کی خبروں کی تصویری جھلکیاں
