کراچی (پ ر) امیر جماعت اسلامی کراچی حافظ نعیم الرحمن آج22 جون 16 رمضان المبارک بروز بدھ بوقت 6:15 بجے شام، بمقام نزد ملٹی چوک میجر ضیاء الدین اسکول، ناظم آباد نمبر 2 میں جماعت اسلامی زون ناظم آباد کے تحت منعقدہ ”دعوت افطار” سے خطاب کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی 21 جون 2016 (پ ر) امیر جماعت اسلامی ضلع وسطی منعم ظفر خان کی دعوت پر فراہمی و نکاسی آب ڈسٹرکٹ سینٹرل کے سپرنٹنڈنٹ انجینئر محمد علی شیخ وفد کے ہمراہ دفتر جماعت اسلامی تشریف لائے۔ اس موقع پر ان کے ہمراہ ڈسٹرکٹ سینٹرل کے چاروں ٹائون کے سرکاری افسران بھی موجود تھے۔ وفد سے ملاقات میں امیر جماعت اسلامی نیو کراچی محمد احمد قاری، امیر جماعت اسلامی زون گلبرگ کامرن سراج، کوآرڈینیٹر پبلک ایڈ کمیٹی ضلع وسطی سجاد حیدر دارا، قائم مقام امیر جماعت اسلامی لیاقت آباد صغیر الدین انصاری، محمود حامد، عبدالاحد فریدی اور دیگر بھی موجود تھے۔ امیر جماعت اسلامی ضلع وسطی منعم ظفر خان نے وفد کو ضلع میں پانی و سیوریج سے متعلق مسائل سے اگاہ کیا۔ انہوں نے کہا کہ کراچی پیاسہ رکھنے اور اس کے پانی پر قبضہ کرنے کی سازش کی جا رہی ہے۔ ضلع وسطی میں پانی اور سیوریج کے مسائل نے عوام کی زندگی اجیرن بنا کر رکھ دی ہے۔ عوام کے مسائل حل نہیں کئے جا رہے۔ پانی کی چوری ختم کرکے منصفانہ تقسیم کو یقینی بنا کر مسئلے کی شدت کو کم کیا جاسکتا ہے، لائنوں سے رسائو، پانی کا ضیاع اور سڑکوں کی توڑ پھوڑ سے عوام مشکلات کا شکار ہیں، مسائل کے حل کے لئے عوام دربدر کی ٹھوکریں کھا رہے ہیں۔ پانی اور سیوریج کا مسئلہ ہنگامی بنیادوں پر حل کیا جائے۔ منعم ظفر خان نے وفد کا دفتر جماعت اسلامی آمد پر شکریہ ادا کیا۔ اس موقع پر فراہمی و نکاسی آب ڈسٹرکٹ سینٹر کے سپرنٹنڈنٹ انجینئر محمد علی شیخ نے امیر ضلع وسطی کو مسائل کے حل کی یقین دہانی کرائی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی 21 جون 2016 (پ ر) دورئہ ترجمہ قرآن بمعہ تراویح قرآن مرکز ضلع وسطی کے زیر اہتمام شادیانہ میرج لان میں جوش و خروش سے جاری ہے جس میں مرد و خواتین کی ایک بڑی تعداد رات گئے تک شریک ہو رہی ہے۔ گزشتہ روز سورہ نور کی روشنی میں ممتاز مدرس حسین احمد مدنی نے خطاب کرتے ہوئے کہا کہ قرآن کہتا ہے کہ جو لوگ مسلمان معاشروں میں چاہتے ہیں کہ فحش و بے حیائی پھیلے وہ درد ناک عذاب کے مرتکب ہو رہے ہیں۔ آج ہمارا پورا میڈیا اس دوڑ میں ایک دوسرے سے آگے نکلنے کی کوشش میں لگا ہوا ہے، رمضان جو برکتوں، رحمتوں اور بخششوں کا مہینہ ہے اس کو سحر سے آفتاب تک مخلوط ماحول، تہذیب سے عاری، شور و غل، ہنسی مذاق کھیل تماشے کی نظر کردیا ہے حالانکہ یہ سب الحمدللہ خود بھی مسلمان ہیں، صرف دنیا اور مال و دولت کی خاطر اپنے رب کو ناراض کرنے میں لگے ہوئے ہیں، انہیں اپنی اس روش کو چھوڑ کر توبہ استغفار کرنا چاہئے۔ انہوں نے مزید کہا کہ سورئہ نور میں اللہ نے فحش اور بے حیائی کے خاتمے کے لئے ایسا کرنے والوں کو سخت ترین سزا دینے کا حکم دیا ہے۔ خدا بیزار لوگ اور مغرب کے دلدادہ جس کو ظالمانہ اور وحشیانہ سزائیں کہتے ہیں لیکن اصل حقیقت یہ ہے کہ یہ سخت سزائیں زانی کو100کوڑے اور سنگسار کرنا اور لوگوں پر جھوٹا الزام لگانے والوں کو 80کوڑے کی سزا ایک پُرامن معاشرے کے قیام کے لئے رحمت ہے زحمت نہیں۔ صرف تراویح میں قرآن سننا کافی نہیں بلکہ اس کے مطابق اپنے آپ اور پورے معاشرے کو ڈھالنا ضروری ہے#
سید انوار احمد سیکریٹر ی اطلاعات جماعت اسلامی، وسطی 0345-2385320
ملک سوسائٹی کے مکینوں کی سٹریٹ کرائم کی وارداتوں پر تشویش
جھنگ کی خبریں 22/6/2016
