حافظ آباد (جیوڈیسک) حافظ آباد چٹھہ داد نہر کے منی پل کے نیچے سے تین خود کش جیکٹس برآمد، بم سکواڈ اور پولیس کی بھاری نفری موقع پر پہنچ گئی، جیکٹس کو ناکارہ بنا کر قبضے میں لے لیا گیا۔
حافظ آباد کے علاقے چٹھہ داد میں دہشتگردی کی واردات ناکام بنا دی گئی ، چٹھہ داد کے قریب نہر کے مِنی پل کے نیچے سے دبی ہوئی تین خودکش جیکٹس برآمد کر لی گئیں ۔ بم سکواڈ اور دیگر قانون نافذ کرنے والے اداروں نے موقع پر پہنچ کر تینوں جیکٹس کو ناکارہ بنا دیا ہے۔
جیکٹس برآمد ہونے والی جگہ چند میٹر کے فاصلے سے حافظ آباد اور گوجرانوالہ کے زمینی رابطے میں اہم کردار ادا کرتی ہے۔ واقعے کی اطلاع ملتے ہی ڈی پی او پولیس کی بھاری نفرے کے ساتھ موقع پر پہنچ گئے۔ ناکارہ بنانے والی خودکش جیکٹس کو قبضہ میں لے کر صدر پولیس کو نامعلوم افراد کے خلاف مقدمہ درج کرنے کی ہدایت کر دی گئی ہے۔
خیبرایجنسی، جھڑپ کے دوران زخمی دہشتگرد کمانڈر ہلاک، لنڈی کوتل سے 6 گرفتار
تھر : رواں ماہ 35 بچے غذائی قلت کے باعث انتقال کر گئے
