حمزہ شہباز شریف کی کامیاب حکمت عملی نے ضمنی الیکشن میں مسلم لیگی اُمیداروں کی فتح یقینی بنائی، شہزاد انور
Posted on August 27, 2013 By Tahir Webmaster لاہور
لاہور : پاکستان مسلم لیگ (ن)لیبرونگ لاہورکاایک اہم اجلاس صدر لاہور چودھری شہزاد انور کی زیر صدارت ڈیرہ رائو ناصر علی خاں گلشن شفیق پرانا کاہنہ منعقد ہوا جس میں ضلع بھر سے مسلم لیگ ن لیبرونگ کے عہداران اور کارکنان نے شرکت کی۔ اجلاس سے خطاب کرتے ہوئے چودھری شہزاد انور،چیف آرگنائزر لاہور رائو ناصر علی خاں میئو، میڈیا ایڈوائزر لاہور امتیاز علی شاکر، نیامت علی نمبر دار آف مہندی پوراور مرزا افضل بیگ نے کہا کہ ضمنی الیکشن میں مسلم لیگ ن کی کامیابی کا سہرا حمزہ شہباز شریف اور کارکنوں کے سر ہے۔
شہزاد انور نے کہا کہ قائد محترم حمزہ شہباز شریف نے قائدانہ صلاحیتوں کو استعمال کرتے ہوئے بہترین انتخابی حکمت عملی بنائی جس پر عمل پیرا ہو کر اور کارکنوں نے دلی لگن کے ساتھ ٹیم ورک کیا جس کی بدولت ہم وہ نشستیں بھی حاصل کرنے میں کامیاب رہے جو جنرل الیکشن میں ہاتھ سے نکل گئی تھیں۔ رائو ناصر علی خاں میئو نے کہا کہ اللہ تعالیٰ کے فضل سے عوام نے مسلم لیگ ن کی قیادت پر ایک بار پھر بھرپور اعتماد کا اظہار کر دیا ہے اور اب ہماری باری ہے کہ ہم عوامی مسائل کا حل اُن کی دہلیز پر کریں۔ انہوں نے میاں بروادارن کی قیادت پر بھر پور اعتماد کا اظہار کرتے ہوئے کہا کہ میرے قائدین نہ صرف عوام کے مسائل سے آگاہ ہیں بلکہ اُن کے حل کے لئے دن رات محنت بھی کررہے ہیں۔
آخر میں رائو ناصر علی خاںنے سینکڑوں کا کارکنوں کے اعزاز میں ظہرانہ دیا اور ضمنی الیکشن میں بہترین انداز سے انتخابی مہم چلانے والے کارکنوں میں اسناد تقسیم کیں۔ دوران اجلاس ہال پاکستان زندہ باد اور پاکستان مسلم لیگ ن زندہ باد کے نعروں سے گونجتا رہا۔
پنجاب : بی اے،بی ایس سی کے نتائج، سرکاری کالج پوزیشن سے محروم
پاک ایران گیس منصوبہ عملدرآمد، کیس کی سماعت کیلئے تین ستمبر کی تاریخ مقرر
