ہنگو (جیوڈیسک) دوری میں سڑک کنارے نصب بم دھماکے سے 8 افراد جاں بحق جب کہ 4 زخمی ہو گئے۔
ہنگو کے قریب زرگیری روڈ پر دورڑی کے مقام پر دہشت گردوں نے سڑک کنارے بارودی مواد نصب کر رکھا تھا۔ جس سے معمولی نوعیت کا دھماکا ہوا۔
دھماکے کے بعد مقامی افراد جائے وقوعہ پر پہنچے تو دوسرا دھماکا بھی ہوگیا جس کے نتیجے میں 8 افراد جاں بحق جبکہ 4 زخمی ہوگئے۔ جاں بحق ہونے والوں میں 4 بچے بھی شامل ہیں جن کی عمریں 8 سے 10 برس کے درمیان ہیں۔
زندگی کی بازی ہارنے والے 4 میں سے 3 بچے ایک ہی خاندان سے تعلق رکھتے ہیں۔
پولیس کا کہنا ہے کہ یکے بعد دیگرے دو دھماکوں کے بعد علاقے میں بم ڈسپوزل اسکواڈ کی جانب سے سرچ آپریشن کیا جارہا ہے، اس کے علاوہ سیکیورٹی کو بھی مزید سخت کر دیا گیا ہے۔
وزیراعظم کا دورہ جی ایچ کیو، ضرب عضب کی کامیابیوں پر مسلح افواج کو خراج تحسین
بنوں: نقل مکانی کرنے والوں کی تعداد دس لاکھ تک جا پہنچی
