ہنگو (جیوڈیسک) ہنگو میں سیکیورٹی فورسز کی چیک پوسٹ پر شدت پسندوں نے حملہ کر دیا، تاہم سیکیورٹی فورسز کی جوابی کارروائی میں 6 شدت پسند ہلاک ہو گئے۔ سیکیورٹی ذرائع کے مطابق سپین ٹل میں سیکیورٹی فورسز کی چیک پوسٹ پر بھاری اسلحے سے لیس شدت پسندوں نے حملہ کردیا۔
جس کے بعد سیکیورٹی اور شدت پسندوں کے درمیان فائرنگ کا تبادلہ ہوا، فائرنگ کے تبادلے میں 6 شدت پسند مارے گئے۔ سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
