لاہور (اصل میڈیا ڈیسک) پاکستانی فلم انڈسٹری کے مشہور اداکار شان شاہد نے ناقدین کو اپنے اوپر کی جانے والی تنقید کا زبردست انداز میں جواب دیتے ہوئے کہا کہ میں نے محنت کی ہے آپ بھی کریں تو اپنی خواہشات پا سکتے ہیں۔
تفصیلات کے مطابق اداکار شان شاہد نے سماجی رابطے کی ویب سائٹ ٹوئٹر پر اپنی ایک تصویر شیئر کی جس میں وہ ایک بڑے سے لان میں موجود ہیں اور اور ان کے پیچھے ایک بیش قیمت کار نظر آرہی ہے۔
تصویر پر کچھ صارفین نے پسند کا اظہار کیا تو کسی نے اس کو تنقید کا نشانہ بنایا، ایک صارف نے طنزیہ انداز میں لکھا کہ آپ نے فلموں میں گجروں کو پیچھے چھوڑ دیا ہے اور انداز زندگی سے لگتا ہے کہ آپ یورپی ہیں۔
جس کے جواب میں شان نے کہا کہ سپر مین فلموں میں اڑتا ہے لیکن حقیقی زندگی میں نہیں، اسی طرح ایک اداکار ایسے کردار کرتا ہے جو ان سے کرنے کو کہا جاتا ہے جبکہ اصل زندگی میں ہم اپنے ہی کردار کے ہدایت کار ہوتے ہیں۔
ایک صارف نے لکھا کہ کاش میرے پاس بھی ایسا بڑا گھر ہوتا جس میں ایک بہت بڑا لان اور گاڑی ہے تو میں بھی اسے سوشل میڈیا پر ڈال دیتا۔
شان نے جواب دیا کہ اپنے خوابوں کو حاصل کرنے کے لئے سخت محنت کریں۔ سال 1990 میں میرے پاس ایک سوزوکی ایف ایکس تھی۔
جس کے جواب میں شان نے کہا کہ سپر مین فلموں میں اڑتا ہے لیکن حقیقی زندگی میں نہیں، اسی طرح ایک اداکار ایسے کردار کرتا ہے جو ان سے کرنے کو کہا جاتا ہے جبکہ اصل زندگی میں ہم اپنے ہی کردار کے ہدایت کار ہوتے ہیں۔
مصباح کا ’’ڈبل رول‘‘یوسف نے پھر سوال اٹھا دیا
تنظیم مشائخ عظام پاکستان کا مولانا طارق جمیل کے بہنوئی کے انتقال پر اظہار افسوس
