دل لگی تم سے

Heart

پہلے تھی صرف دوستی تم سے
ہوگئی اب تو دل لگی تم سے

اس سے پہلے تھا گھپ اندھیرا بس
ہوگئی اب یاں روشنی تم سے

عشق پہلا ہے تم سے میرا یہ
عشق ہے اب یہ آخری تم سے

کیسا جادو کیا ہے تم نے یہ
ہوگئی کیسی عاجزی تم سے

ختم ہوگی نہ جانے کب جا کے
میرے ہونٹوں کی تشنگی تم سے

جانے کتنوں کو چھوڑ کر ہم نے
پھر کہیں کی تھی عاشقی تم سے

کیسے کہہ دوں کے بے وفا تم ہو
کیسے کرلوں میں دشمنی تم سے

(م الف ارشیؔ )

Nasir Mehmood - Chief Editor at GeoURDU.com