اسلام آباد (جیوڈیسک) وزیر مملکت برائے پانی وبجلی عابد شیر علی کا کہنا ہے کہ ملک سے لوڈ شیڈنگ کے خاتمے کے لیے بڑے پیمانے پر اقدامات کررہے ہیں اب کوئی گرمی میں گھٹ کر مر جائے تواس کی ذمے دارحکومت نہیں۔
اسلام آباد میں پریس کانفرنس کرتے ہوئے عابد شیر علی نے کہا کہ ٹرانسفارمر جلنے سے 8 سے 10 گھنٹے بجلی کا تعطل ہوتا ہے، ماضی میں کبھی پاور سیکٹر پر توجہ نہیں دی گئی جس کے باعث مسائل بہت زیادہ ہیں تاہم اس پر قابو پانے کے لیے بڑے پیمانے پر اقدامات کیے جارہے ہیں امید ہے 2017 تک ملک سے بجلی کے بحران کا خاتمہ ہوجائے گا۔
عابد شیر علی نے اعتراف کیا کہ ماہ رمضان آتے ہی لوڈ شیڈنگ میں اضافہ ہوا ہے جس پر عوام سے معذرت خواہ ہیں تاہم لوڈ شیڈنگ کے خاتمے کے لیے دن رات کام کررہے ہیں اور ہماری کوشش ہے کم از کم سحر وافطار میں لوڈ شیڈنگ نہ کی جائے اور اس سلسلے میں ہم خود شکایات سننے کے لیے موجود ہوتے ہیں۔
ان کا کہنا تھا کہ کہ ملک میں بجلی کی پیدوار 16 ہزار میگا واٹ سے زیادہ ہے، شہروں میں 6 اور دیہات میں 8 گھنٹے لوڈ شیڈنگ کی جارہی ہے۔
اسلام میں انتہا پسندی اور دہشت گردی کی کوئی گنجائش نہیں: طاہر القادری
لاہور، اسلام آباد سمیت پنجاب کے مختلف علاقوں میں بارش، کراچی میں رم جھم کا امکان
