لاہور (جیوڈیسک) کرکٹ کے بعد ہاکی مقابلوں کی میزبانی بھی دیار غیر میں کرنے کی تجویز سامنے آگئی۔
سابق اولمپئن اور قومی ٹیم کے کوچ خواجہ جنید کا کہنا تھا کرکٹ بورڈ کے نقش قدم پر چلتے ہوئے پی ایچ ایف ہاکی کے بین الاقوامی مقابلوں کے لیے ملک سے باہر کوئی وینیو تلاش کرے۔ پاکستان کیلیے ملائیشیا، چین، ابوظہبی اور دبئی جیسے ممالک بہترین انتخاب ہوسکتے ہیں۔ چینی ٹیم کی آمد کے موقع پر قومی ٹیم کا کوچ میں ہی تھا، ہم یہ سیریز 4-0 سے اپنے نام کرنے میں کامیاب بھی رہے۔
تاہم مجھے سب سے زیادہ خوشی اس بات کی ہوئی کہ لاہور، فیصل آباد و کراچی میں شیڈول میچزکے دوران اسٹیڈیمز تماشائیوں سے کچھا کھچ بھرے ہوئے تھے۔خواجہ جنید نے کہاکہ گزشتہ 4 سال سے ملکی گرائونڈزغیر ملکی ٹیموں کی میزبانی کیلیے ترس رہے ہیں۔
مستقبل قریب میں کوئی یہاں کھیلنے کو تیار نہیں تو ہمیں ہاتھ پر ہاتھ دھرے رکھنے کے بجائے متبادل وینیو تلاش کر لینا چاہیے، میری رائے میں دبئی کسی بھی ٹیم کی میزبانی کے لیے بہترین جگہ ہے، وہاں ہاکی کا بہترین انفرااسٹرکچر موجود ہے جبکہ پاکستان کو اسپانسرز کی تلاش میں بھی کافی آسانی ہو گی۔
انہوں نے کہا کہ جب تک یورپی ٹیمیں پاکستان آنے سے ہچکچا رہی ہیں پی ایچ ایف کو کوشش کرنی چاہیے کہ وہ ایشین ٹیموں کو دورے پر قائل کرے، اس سے نہ صرف ملک میں ہاکی کے سونے گرائونڈز آباد ہوں گے بلکہ نوجوانوں کی قومی کھیل کی طرف دلچسپی بھی بڑھے گی۔
معروف شاعر احمد فراز کو دنیا سے بچھڑے 7 برس بیت گئے
فلم اسٹار بابرہ شریف کا 30 لاکھ کا ڈائمنڈ سیٹ چوری ہو گیا
