نیویارک (جیوڈیسک) ہالی ووڈ کی سنسنی سے بھرپور تھرلنگ فلم اے موسٹ وانٹڈ مین کا ٹریلر منظرِعام پر آگیا ہے۔ حقیقی واقعات پر مبنی اس فلم کواونٹون گاربجن نے ڈائریکٹ کیا ہے۔
جسکی کہانی 2008 میں شائع ہونیوالے جان لِی کیری کے ناول سے ماخوذ ہے۔ اینڈریا کالڈر اور سائمن کارن ویل کی مشترکہ پروڈکشن میں بننے والی یہ فلم ایک ایسے غریب اور ناخواندہ چیچن شخص کے گِرد گھومتی ہے۔
جو جیل میں سزا کاٹنے کے بعد غیر قانونی طور پر جرمنی پہنچ ہو جاتا ہے۔ جرمنی پہنچ کر بھی اس شخص کی قسمت ساتھ نہیں دیتی جہاں یہ دہشت گردی کے خلاف جاری جنگ میں ایجنٹوں کے تصادم اور منی لانڈرنگ جیسے سنگین مسائل سے دوچار ہو جاتا ہے۔
جسے بعد ازاں شاملِ تفتیش کر کے گوانتاناموبے جیل منتقل کر دیا جاتا ہے۔ سنسی خیز مناظر اور حقیقی واقعات پر مبنی اس فلم میں ہالی ووڈ کے نامور اداکار فلپ ہوف مین سمیت ریچل مکاڈیم، رابن رائٹ اور ولیم ڈوفئیے اہم کرداروں میں جلوئہ گر ہو رہے ہیں جو 25 جولائی کو سنیما گھروں میں نمائش کیلئے پیش کر دی جائیگی۔
فلموں میں ناکام ہوئی تو بینکنگ سیکٹر میں چلی جائوں گی : پرینیتی
رقاصہ مہر حسن امریکی این جی او سے ملکر خواتین کیلیے کام کرینگی
