کراچی (اصل میڈیا ڈیسک) معروف اداکارہ حمائمہ ملک نے ایمان علی کے بیان پر رد عمل میں کہا ہےکہ انہیں امید ہے ایمان خواجہ سراؤں سے معافی مانگیں گی۔
انسٹاگرام پر حمائمہ ملک کی جانب سے اسٹوری شیئر کی گئی جس میں انہوں نے لکھا کہ ہم ایسے ماحول میں زندگی گزار رہے ہیں جہاں دوسرے کو نیچا دکھانا بہت عام تصور کیا جاتا ہے۔
اداکارہ کا کہنا تھا کہ خواجہ سرا کسی سے کمتر نہیں، وہ اللہ کی بنائی گئی مخلوق ہیں جو ہماری ہی طرح انسان ہیں، بجائے اس کے کہ ہم اللہ کی دوسری مخلوق کی طرح ان سے محبت کریں، ہم ان میں تفریق کرتے ہیں اور مذاق اڑاتے ہیں۔
حمائمہ نے کہا کہ ایک سلیبریٹی ہونے کی حیثیت سے ہمیں اپنے الفاظ بہت سوچ سمجھ کر کہنے چاہئیں، کسی کے جذبات مجروح کرنے کے بجائے ہمیں اپنی نسل کیلئے کچھ اچھا اور سیکھنے کے قابل کرنا چاہیے۔
اداکارہ نے ایمان علی کے بیان کو ایک سنگین غلطی قرار دیتے ہوئے امید ظاہر کی کہ ایمان خواجہ سرا کمیونٹی سے معافی مانگ لیں گی۔
واضح رہے کہ کچھ روز قبل ایمان علی ایک پروگرام میں جلوہ گر ہوئیں جہاں انہوں نے خود کو خراجہ سرا سے تشبیہ دی اور کہا کہ انہیں اپنا آپ اور شکل پسند نہیں۔
اداکارہ کے اس بیان پر سوشل میڈیا صارفین اور معروف شخصیات کی جانب سے سخت ردعمل کا اظہار کیا گیا۔
کراچی: پولیس اور رینجرز کی مشترکہ کارروائی میں انتہائی مطلوب ڈکیت گرفتار
سندھ: ائیرپورٹس سمیت اہم شاہراہوں پر احتجاج پر عائد پابندی میں توسیع
