یمن (اصل میڈیا ڈیسک) یمن کی آئینی وقانونی امور اور انسانی حقوق کے وزیر احمد عرمان نے کہا ہے کہ حوثی ملیشیا نے تمام بین الاقوامی اور مقامی قوانین اور معاہدوں کی صریح خلاف ورزی کرتے ہوئے یمنی بچوں کے خلاف انتہائی گھناؤنی خلاف ورزیوں کا ارتکاب جاری رکھا ہوا ہے۔
احمد عرمان نے بچوں کے عالمی دن کے موقع پر ایک پریس بیان میں کہا کہ حوثی ملیشیا سنہ 2014ء سے بچوں کے حقوق کی مسلسل خلاف ورزیوں کے مرتکب ہو رہے ہیں۔ حوثی ملیشیا نے اب تک اٹھارہ سال سے کم عمر کے دسیوں ہزار بچوں کو فرنٹ لائن پر استعمال کیا ہے۔
انہوں نے کہا کہ حوثی ملیشیا بچوں کو فوجی مقامات پر انسانی ڈھال کے طور پر اور مخبر کے طور پر استعمال کرتے ہیں۔ اس کے علاوہ گنجان آباد لاقوں پر اندھا دھند بمباری کی جاتی ہے جس کے نتیجے میں بڑی تعداد میں خواتین اور بچے متاثر ہوئے ہیں۔
انہوں نے کہا کہ حوثیوں کی طرف سے کھیتوں، سڑکوں اور رہائشی علاقوں میں بچھائی گئی بارودی سرنگوں سے بڑی تعداد میں بچے ہلاک یا زخمی ہوئے۔زخمی ہونےوالوں میں بڑی تعداد میں بچے جسمانی طورپر معذور ہو گئے۔
امریکا سال کے آخر تک عراق سے تمام لڑاکا دستوں کو واپس بلالے گا: وزیر دفاع
برطانیہ میں خالصتان کے قیام کیلئے ریفرنڈم کے تیسرے مرحلے کی ووٹنگ جاری
