بھوک افلاس اور بے روزگاری کے باعث ملک میں آئے روز بڑھتی خود کشیاں جمہوری حکومت کے منہ پر تمانچہ ہے،تحریک تحفظ پاکستان
Posted on July 17, 2013 By Geo Urdu سٹی نیوز
بھوک افلاس اور بے روزگاری کے باعث ملک میں آئے روز بڑھتی خود کشیاں جمہوری حکومت کے منہ پر تمانچہ ہے حکومت میں آنے سے قبل کیے گئے وعدوں میں سے ابھی تک کوئی بھی وعدہ پورا نہیں ہوا بلکہ آئے دن کی بڑھتی ہوئی مہنگائی نے عوام کو خود کشیوںپر مجبور کردیا ہے تحریک تحفظ پاکستان کے مرکزی رہنماء روحیل اکبرنے اپنے ایک بیان میں کہا ہے کہ الیکشن سے قبل بڑے بڑے دعوے کرنے والی حکمران جماعت نے عوام کو خود کشیوں پر مجبور کردیا ہے۔
پہلے سے بھی زیادہ بڑھتی ہوئی غربت ،بے روزگاری اور لوڈ شیڈنگ نے پورے ملک کا نظام درہم برہم کرکے رکھ دیا ہے اب عوام کو مزید سبز باغ دکھانے کی بجائے حکومت ان وعدوں کو پورا کرے جو الیکشن سے قبل کیے گئے تھے انہوں نے مزید کہا کہ تحریک تحفظ پاکستان محسن پاکستان ڈاکٹر عبدالقدیر خان کی قیادت میں بلدیاتی الیکشن میں بھر پور حصہ لے گی اور کارکن اپنی تیاریاں ابھی سے شروع کردیں
