فیصل آباد (جیوڈیسک) سابق صوبائی وزیر قانون رانا ثناءاﷲ خاں نے کہا ہے کہ حلقہ پی پی 70 کو ترقیاتی لحاظ سے مثالی بنانے پر خصوصی توجہ مرکوز ہے، اس سلسلے میں حلقہ کے کارکنوں کی باہمی مشاورت سے متعدد منصوبے مکمل کئے جا رہے ہیں۔
ان خیالات کا اظہار انہوں نے سرسید ٹاؤن سے آئے ہوئے وفد سے ملاقات کے دوران کیا۔ وفد میں شرافت خٹک، حامد علی، اعظم یاسین، ملک اکبر، ملک عمران، عبدالحمید بھولا و دیگر موجود تھے۔ رانا ثناءاﷲ نے کہا کہ مسلم لیگ ن زبانی کلامی وعدوں کے بجائے عملی کاموں پر یقین رکھتی ہے۔
حلقہ میں اربوں روپے کے ترقیاتی فنڈز سے منصوبوں کی تکمیل عوام دوستی کا واضح ثبوت ہے۔ انہوں نے کہا کہ وہ کارکنوں کی کمیٹی کے ہمراہ حلقہ کے بڑے منصوبوں کی خود نگرانی کر رہے ہیں اور شفافیت پر کوئی سمجھوتہ نہیں کیا جائے گا۔ اس موقع پر وفد نے اپنے مکمل تعاون کی یقین دہانی کرائی۔
تحریک انصاف سیاسی جنگ پر آمادہ ہے تو حکومت بھی تیار ہے، پرویز رشید
الیکشن کمشن کا ارسلان افتخار کو عمران کے بارے میں مطلوبہ دستاویزات فراہم کرنے کا فیصلہ
