گجرات کی خبریں 28/6/2014

Posted on June 29, 2014 By Geo1 Webmaster سٹی نیوز

انتخابی دھاندلی کے متعلق ہمارے حقائق کی تصدیق ہو رہی ہے: چودھری پرویزالٰہی
گجرات ( جی پی آئی )پاکستان مسلم لیگ کے سینئرمرکزی رہنما اور سابق نائب وزیراعظم چودھری پرویزالٰہی نے کہا ہے کہ الیکشن 2013 میں دھاندلی کے بارے میں ہمارے بیان کردہ حقائق کی تصدیق ہو رہی ہے، دیگر جماعتیں بھی ان سے اتفاق کر رہی ہیں اور صحیح ثابت ہو رہے ہیں، الیکشن ہائی جیک کرنے والوں کے نام اب عام ہو گئے ہیں، سابق چیف جسٹس چودھری افتخار احمد نے اپنی ہی اعلان کردہ جوڈیشل پالیسی کی دھجیاں اڑائیں اور ریٹرننگ افسروں کو حکم دے کر استعمال کیا جبکہ گنتی مکمل ہونے سے قبل نواز اور شہباز شریف کی تقریر دھاندلی پلان کی تکمیل کیلئے ریٹرننگ افسروں کو فائنل آرڈر تھا، جی او آر میں بیٹھا نقاب پوش ہدایت کار بھی کب تک چھپا رہے گا، ہر کسی کو اپنے کیے کی سزا بھگتنا پڑے گی، حکومت تو سابق چیف جسٹس اور نقاب پوش دونوں کے بیٹوں کو خوب نواز رہی ہے وہ اس منفرد دھاندلی کے بارے میں کوئی جواب نہیں دے گی۔ انہوں نے ان خیالات کا اظہار چودھری شجاعت حسین، طارق بشیر چیمہ، محمد بشارت راجہ، چودھری ظہیر الدین اور دیگر رہنمائوں کے ہمراہ ملاقات کے بعد ڈاکٹر طاہر القادری کی رہائش گاہ پر میڈیا سے گفتگو میں کیا۔ چودھری پرویزالٰہی نے کہا کہ عمران خان کی باتیں درست ہیں، انہوں نے 4 نہیں 99 حلقوں کے نتائج بدلے، پورے الیکشن بوگس تھے اور موجودہ حکومت غیر اخلاقی ہے جس کے باعث معاملات بگڑ رہے ہیں اور عوام اس کا ساتھ چھوڑ گئے ہیں۔ انہوں نے کہا کہ ہم نے الیکشن سے قبل اور بعد میں وسیع پیمانے پر دھاندلی سے پردہ اٹھایا تھا جس کے ذریعہ صرف پنجاب میں ہم سے قومی و صوبائی اسمبلی کی 44 نشستیں چھین لی گئیں۔ انہوں نے کہا کہ الیکشن کرانے کا کام سابق چیف جسٹس افتخار احمد چودھری اور نتائج کا اعلان نواز شریف و شہباز شریف نے چیف الیکشن کمشنر سے ٹیک اوور کر لیا تھا، اس دھاندلی پر چیف الیکشن کمشنر قبل از وقت مستعفی ہو گئے، یہی وجہ ہے کہ نواز شریف کے حلقہ سمیت جس بھی حلقہ کا تھیلا کھولتے ہیں ردی باہر آنے پر ان کی دھاندلی کھل کر سامنے آ جاتی ہے۔ انہوں نے کہا کہ دھاندلی کے ماسٹر مائنڈ کے بیٹے ارسلان افتخار کو انوسٹمنٹ بورڈ کا نائب صدر اور ہدایت کار کے بیٹے کو غیر قانونی طور پر ایڈووکیٹ جنرل لگایا گیا ہے۔ انہوں نے ارسلان افتخار کے تقرر پر کہا کہ انہیں تو انوسٹمنٹ کا مثالی تجربہ ہے وہ ایک ماہ میں اپنی انوسٹمنٹ واپس لا کر کئی گنا بھی کر لیتے ہیں۔ چودھری پرویزالٰہی نے کہا کہ سابق چیف جسٹس نے الیکشن میں 2009ء میں اپنے دستخطوں سے جاری کردہ اس جوڈیشل پالیسی کی کھلم کھلا خلاف ورزی کی کہ آئندہ عدلیہ الیکشن کے عمل میں شامل نہیں ہو گی یہی نہیں بلکہ چیف الیکشن کمشنر کی بجائے چیف جسٹس ریٹرننگ افسروں کو زبانی اور تحریری ہدایات جاری کرتے رہے، ڈسٹرکٹ سے لے کر اسسٹنٹ ریٹرننگ افسروں تک کو خصوصی خط جاری کیے، بڑے شہروں میں جا کر ریٹرننگ افسروں سے بند کمروں میں ملاقاتیں اور خطاب کیا جس پر پاکستان بار کونسل اور سپریم کورٹ بار سمیت وکلاء تنظیموں نے بھی شدید احتجاج کیا۔ انہوں نے کہا کہ چیف الیکشن کمشنر کی بجائے چیف جسٹس کے الیکشن کرانے کے بعد ابھی پندرہ سے بیس فیصد پولنگ اسٹیشنوں پر گنتی مکمل ہو سکی تھی کہ نواز اور شہباز شریف نے ساڑھے گیارہ بجے ہی اپنی جیت کا اعلان کر دیا اور صبح تک مزید بہتر نتائج بنانے کا بھی کہا جبکہ اس باریک کام کے دوران ریٹرننگ افسروں کے کمروں میں امیدواروں کا داخلہ بھی بند کر دیا گیا، ریکارڈ تعداد میں ووٹ مسترد کیے گئے اور اس کارروائی کے ذریعہ صرف ہماری جماعت پاکستان مسلم لیگ کو 15 قومی اور 29 صوبائی نشستوں سے محروم کر دیا گیا۔ انہوں نے کہا کہ فافن نے بھی اپنی رپورٹ میں ہمارے موقف کی مکمل حمایت کرتے ہوئے کہا کہ آخری دنوں پولنگ سٹیشن بغیر اطلاع تبدیل کرنے سے قومی اسمبلی کے 93حلقوں کے نتائج متاثر ہوئے جبکہ پولنگ کے وقت میں یکطرفہ اضافہ کیا گیا اور ن لیگ والوں کے جعلی ووٹ بھی شمار کر لیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ زکوٰة عوام کی فلاح و بہبود کیلئے قائم کیا گیا ‘ اور اس محکمہ کے آفیسران اور ملازمین کا فرض ہے کہ وہ اپنے صلاحیتیں عوام کی خدمت کیلئے صرف کریں

گجرات (جی پی آئی ) چیئر مین ضلعی زکوٰة کمیٹی چوہدری تنویر گوندل نے کہا ہے کہ محکمہ زکوٰة عوام کی فلاح و بہبود کیلئے قائم کیا گیا ‘ اور اس محکمہ کے آفیسران اور ملازمین کا فرض ہے کہ وہ اپنے صلاحیتیں عوام کی خدمت کیلئے صرف کریں گزشتہ روز ضلع گجرات کے زکوٰة آفیسران و کلرک صاحبان کے اجلاس سے خطاب کر رہے تھے ‘ انہوں نے کہا ہے کہ تمام آفیسران و ملازمین مستحقین اور محکمہ کے آفیسران کے مابین پل کا کردار ادا کریں اور مقامی چیئر مینوں کے ساتھ مل کر مستحقین کی خدمت کیلئے کام کریں ‘ رمضان المباک کے دوران رمضان پیکیج کی شکل میں خشک راشن مستحقین تک پہنچائیں تاکہ وہ بھی رمضان کے فیوض و برکات سے مستفید ہو سکیں ‘ تمام کلرکوں کو اپنے چیئر مینوں کے ساتھ مل کر بہتر سے بہتر طریقہ سے کام کرنا چاہیے ‘ اس موقع پر ڈسٹرکٹ زکوٰة آفیسر طاہر نوید ‘ چوہدری ظہور الٰہی و دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز عالم دین قاری عامر رضوان قادری کے دوست شاہد لطیف بٹ ‘ کے بھائی عبدالطیف بٹ کے صاحبزادے امجد لطیف بٹ رشتہ ازدواج سے منسلک ہو گئے

گجرات ( جی پی آئی ) ممتاز عالم دین قاری عامر رضوان قادری کے دوست شاہد لطیف بٹ ‘ کے بھائی عبدالطیف بٹ کے صاحبزادے امجد لطیف بٹ رشتہ ازدواج سے منسلک ہو گئے ‘ ان کی بارات اور دعوت ولیمہ میں ممتاز شخصیات کی کثیر تعداد نے شرکت کی ‘ جن میں زاہد لطیف بٹ ‘ ماجد لطیف بٹ ‘ شفان لطیف بٹ ‘ محمد آصف میر لاہور ‘ محسن جاوید بٹ رہنما تحریک انصاف ‘ ثاقب ورک صدر یوتھ تحریک انصاف ‘ مرزا عثمان اقبال سینئر نائب صدر تحریک انصاف ‘ چوہدری محمدسعید ‘ قاری عامر رضوان عطاری ‘ چوہدری محمد خورشید ‘ چوہدری حماد سعید ‘ چوہدری سجاد تارڑ ‘ چوہدری فراز انجم جٹ ‘ چوہدری شاہد جٹ ‘ عتیق الرحمن بٹ ‘ آغا سجاد خان ‘ سعید احمد ڈار ‘ شیخ شاہد علی ‘ نعیم قمر بٹ لاہور ‘ سید سخاوت علی شاہ ‘ سید شاہزیب شاہ ‘ چوہدری سہیل اجمل گل ‘ چوہدری شعیب ‘ عمران گل ‘ چوہدری راحیل سہیل گل ‘ چوہدری محمد ارسلان یوسف ‘ بابو عبدالرشید ‘ طاہر محمود بٹ ‘ قاری احمد رضا گل ‘ نبیل رضاگل و دیگر نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز روحانی شخصیت حضرت سید محمد نوشہ گنج بخش کا سالانہ عرس مبارک عقیدت و احترام کے ساتھ منایا گیا ‘

گجرات ( پی پی آئی ) ممتاز روحانی شخصیت حضرت سید محمد نوشہ گنج بخش کا سالانہ عرس مبارک عقیدت و احترام کے ساتھ منایا گیا ‘ محکمہ اوقاف کی طرف سے خصوصی انتظامات کئے گئے ‘ زائدین کے لنگر اور پانی کا اہتمام کیا گیا ‘ عرس مبارک میں پاکستان بھر سے زائرین نے شرکت کی ‘ ڈسٹرکٹ منیجر اوقات رشید علی ‘ حافظ محمد سعید ‘ صاحبزادہ غلام چشتی ‘ محمد مبین ‘ محمد اکمل ‘ حافظ سلیم قادری ‘ قاری غلام حسین ودیگر نے زائدین کی خدمت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ حکومت کی عوام دشمن پالیسیوں نے معاشرے میں مایوسی اور گھٹن پیدا کر دی ہے’شافع ھسین

گجرات (جی پی آئی )موجودہ حکومت کی عوام دشمن پالیسیوں نے معاشرے میں مایوسی اور گھٹن پیدا کر دی ہے ‘ مہنگائی اور بیروزگاری نے محنت کش کی زندگی اجیرن کر دی ہے ‘ ان خیالات کا اظہار پاکستان مسلم لیگ کے رہنماء چوہدری شافع حسین نے گزشتہ روز مسلم لیگ لیبرونگ پنجاب کے عہدیداران سے خصوصی ملاقات کے دوران کیا’ چوہدری شافع حسین نے کہا کہ غلط معاشی پالیسیوں ‘ بھاری ٹیکس اور لوڈ شیڈنگ کے باعث پاکستان کی انڈسٹری شدید بحران کا شکار ہے ‘ جس کا سب سے زیادہ نقصان لیبر اٹھا رہی ہے ‘ ضروریات زندگی کا حصول دشوار ہو گیا ہے ‘ چوہدری شافع حسین نے کہا ہے کہ مزدور طبقہ کسی بھی ملک کی معاشی ترقی کا تبدیلی کی طرف دیکھ رہا ہے ‘ چوہدری شافع حسین نے کہا ہے کہ ہمارے دور حکومت میں مزدور کو عزت اور احترام دیا گیا ‘ بنیادی تنخواہوں میںاضافے کے ساتھ ساتھ صحت ‘ تعلیم اور دیگر ضروریات زندگی کی فراہمی کو ممکن بنایا گیا ‘ بڑے شہروں میں لیبرو کالونیاں قائم کی گئیں ‘ جس میں اعلیٰ معیار کے سکول قائم کئے گئے ‘ سوشل سکیورٹی ہسپتالوں کو اپ گریڈ کرنے کے ساتھ مفت ادویات کا فراہم کی گئیں ‘ چوہدری شافع حسین نے مزید کہا ہے کہ پاکستان مسلم لیگ عوام دوست اور مزدور دوست پارٹی ہے ‘ انشاء اللہ مستقبل میں اللہ نے موقع دیا تو مزدور کی زندگی کو خوشحال کرینگے ‘ بعدازاں چوہدری شافع حسین نے لیبرونگ لاہور کے عہدیداران میں نوٹیفکیشن تقسیم کئے ‘ ملاقات کرنیوالوں میں صدر پنجاب لیرونگ سجاد حسین بلوچ ‘ جنرل سیکرٹری ارشد علی بخاری ‘ صدر لاہور لیرونگ چوہدری محمد اشرف ‘ انفارمیشن سیکرٹری مسلم لیگ لاہورناصر رمضان گجر و دیگر عہدیدارن و کارکن شامل تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امی مفاد کے منصوبوں کی تکمیل کیلئے ضلعی کے تمام ارکان پارلیمنٹ باہم کوارڈی نیشن سے کام کریں گے، جعفر اقبال

گجرات(جی پی آئی )رکن قومی اسمبلی چوہدری جعفر اقبال نے کہا ہے کہ عوامی مفاد کے منصوبوں کی تکمیل کیلئے ضلعی کے تمام ارکان پارلیمنٹ باہم کوارڈی نیشن سے کام کریں گے انہوںنے کہا کہ غیر فعال عوامی فلاحی منصوبہ جات کو جلد از جلد فعال بنایا جائیگا ، اس مقصد کیلئے حکومت سے مطلوبہ وسائل حاصل کرنے کیلئے عملی کاوشیں کی جائیں گئیں ، ان خیالات کا اظہار انہوںنے تحصیل کھاریاں میں ترقیاتی منصوبہ جات کے جائزہ اجلاس سے خطاب کرتے ہوئے کیا ، اس موقع پر ایم پی اے میجر معین نواز ، اے سی کھاریاں اقبال مظہر ، نوابزادہ طاہر الملک و دیگر بھی اس موقع پر تھے ، مختلف سرکاری محکموں کے افسران شرکاء کو ترقیاتی منصوبہ جات کے حوالہ سے بریفنگ دی ، اجلاس میں بتایا گیا کہ لالہ موسیٰ کے علاقہ میں 6واٹر فلٹریشن پلانٹس کی تنصیب کا منصوبہ مکمل کر لیا گیا ہے ، جبکہ 5ملین روپے سے ڈرین کی تعمیر بھی مکمل کر لیا گیا ہے ، اسی طرح ڈنگہ میں واٹر فلٹریشن پلانٹ و دیگر پراجیکٹ پر بڑی حد تک کام مکمل کر لیا گیا ہے ۔ اجلاس میں اے سی کھاریاں کو ہدایت کی گئی کہ لالہ موسیٰ میں فلٹریشن پلانٹس ٹی ایم اے اپنے انتظام میں لے ، جبکہ دیگر افسران کو ہدایت کی گئی کہ جاری منصوبہ جات پر کام کی رفتار تیز کریں ۔ایم این اے چوہدری جعفر اقبال نے ہدایت کی کہ 50%سے زیادہ اور کم مکمل منصوبہ جات کی علیحدہ علیحدہ فہرستیں مرتب کی جائیں ، انہوںنے واضع کیا کہ ان منصوبہ جات کی تکمیل میں کسی بھی قسم کی کوتاہی برداشت نہیں کی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجدد اعظم حضرت سید محمد نوشہ گنج بخش قادری کا سالانہ عرس مبارک رنمل شریف میں عقیدت و احترام سے منایا گیا

گجرات ( جی پی آئی ) مجدد اعظم حضرت سید محمد نوشہ گنج بخش قادری کا سالانہ عرس مبارک رنمل شریف میں عقیدت و احترام سے منایا گیا مرکزی تقریب کی صدارت عالمی مبلغ اسلام حضرت علامہ پیر سید معروف حسین شاہ عارف قادری نوشاہی بانی دی ورلڈ اسلامک مشن برطانیہ سجادہ نشین دربار نوشاہی نوشہ پور شریف جہلم نے کی قراء حضرات نے تلاوت قرآن پاک فرمائی عالمی مشہور یافتہ ثناء خوان مصطفی حافظ محمد عبدالقادر نوشاہی برطانیہ ‘ قاری محمد شفیع نوشاہی نے ہدیہ عقید ت پیش کیا ‘ علماء کرام مولانا صداقت فریدی ‘ مولانا منور حسین نظامی ‘ مولانا غلام عباس سیالوی ‘ مولانا پروفیسر منیر احمد نوشاہی ‘ مولانا منور حسین نوشاہی ‘ مولانا مفتی وسیم رضا نوشاہی نے خطابات کئے اور حضرت سید محمد نوشہ گنج بخش کی تعلیمات پر روشنی ڈالی ‘ مہمان خصوصی صاحبزادہ سید حسن شاہ ازہر ہ نوشاہی تھے ‘ تمام اموار کی نگرانی ناظم اعلیٰ بزمی نوشاہیہ پاکستان چوہدری نثار احمد نوشاہی نے سرانجام دیئے ‘ تقریب میں ملک کے طول وعرض اور دیگر ممالک سے ہزاروں کی تعداد میں عوام نے شرکت کی ۔ شرکاء تقریب میں الحاج خلیفہ عدالت خان نوشاہی ہالینڈ ‘ خلیفہ گلزار احمد نوشاہی ہالینڈ ‘ مولانا حافظ بلال احمد نوشاہی انگلینڈ ‘ مولانا محمد اشرف طاہر انگلینڈ ‘ الحاج محمد اشفاق نوشاہی انگلینڈ ‘ قاری مختار احمد نوشاہی ‘ مولانا محمد خلیفہ یونس اویسی نوشاہی انگلینڈ ‘ مولانا مفتی اصغر علی سیالوی ‘ مولانا مفتی محمد دین سیالوی اور ابوالبیان علامہ محمد حنیف ساقی نوشاہی نے نقابت کے فرائض سرانجام دیئے ۔ سامعین کیلئے لنگر کا وسیع انتظام کیا گیا ‘اس موقع پر گجرات سے ممتاز سماجی شخصیت رانا مشرف علی ناز قاری عامر رضوان عطاری ‘ ڈاکٹر رزاق احمد غفاری اپنی ٹیم کے ہمراہ شرک ہوئے ‘ آخر میں ختم پاک قادریہ نوشاہیہ کی تقریب منعقد ہوئی ‘ اور عالم اسلام اور افواج پاکستان کیلئے خصوصی دعا کی گئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دینی مدارس کی خدمات قابل تحسین ہیں ‘ دینی مدارس سے فارغ التحصیل طلباء قوم کی بہترین راہنمائی میں اپنا کردار ادا کر تے ہیں ‘تنویر گوندل

گجرات ( جی پی آئی )دینی مدارس کی خدمات قابل تحسین ہیں ‘ دینی مدارس سے فارغ التحصیل طلباء قوم کی بہترین راہنمائی میں اپنا کردار ادا کر تے ہیں ‘ ان خیالات کا اظہار چیئر مین ضلعی زکوٰة چوہدری تنویر گوندل نے گزشتہ روز جامعہ تبلیغ الا سلام دولت نگر کے دورہ کے دوران کیا ۔ انہوں نے کہا ہے کہ مجھے خوشی ہوئی ہے کہ جامع تبلیغ الا سلام دولت نگر میں عالمی مبلغ اسلام حضرت پیر سید معروف حسین عارف قادری نوشاہی بانی دی ورلڈ اسلامک مشن برطانیہ کی نگرانی میں بچوں کو زیور تعلیم سے آراستہ کیا جا رہا ہے ‘ اور بچوں کو جدید تعلیم بھی فراہم کی جا رہی ہے ‘ انہوں نے کہا ہے کہ محکمہ زکوٰة کی طرف سے دینی مدارس میں زیر تعلیم طلباء کیلئے خصوصی وظیفہ ہیں تاکہ یہ طلباء بے فکر ہو کر اپنی تعلیم جاری رکھ سکیں ‘ ہم ضلعی زکوٰة کمیٹی کی طرف سے دینی مدارس میں زیر تعلیم طلباء کی سرپرستی کیلئے اقدامات کرینگے ‘ اور مستحقین طلباء کی امداد کی جا ئے گی ‘ اُن کے چوہدری ظہور الٰہی آف صباحت انڈسٹریز ‘ چوہدری طالب حسین آف مہسیاں و دیگر بھی موجود تھے ۔ انہوں نے مدرسہ کے مہتمم قاری مختار نقشبندی اور قاری محمد شفیع نوشاہی کو خراج تحسین پیش کیا ۔ انہوں نے خصوصی طور پر مدرسہ میں زیر تعمیر گوشہ درود و سلام کو سراہا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت چوہدری طالب حسین آف مہسیاں نے اپنے رہائشگاہ پر چیئر مین ضلعی زکوٰة کمیٹی چوہدری تنویر گوندل کے اعزاز میں پر تکلف ظہرانہ کا اہتمام کیا

گجرات ( جی پی آئی ) ممتاز سماجی شخصیت چوہدری طالب حسین آف مہسیاں نے اپنے رہائشگاہ پر چیئر مین ضلعی زکوٰة کمیٹی چوہدری تنویر گوندل کے اعزاز میں پر تکلف ظہرانہ کا اہتمام کیا اس موقع پر چوہدری تنویر گوندل کی خدمات کو بے حد سراہا گیا ۔ اس ظہرانہ میں چوہدری ظہور الٰہی ‘ ڈاکٹر رزاق احمد غفاری ‘ چوہدری شہزاد و دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات لیاقت علی چٹھہ نے چوہدری ظہور الٰہی آف صباحت انڈسٹریز کی سماجی خدمات کو بے حد سراہا ہے ‘

گجرات ( جی پی آئی ) ڈی سی او گجرات لیاقت علی چٹھہ نے چوہدری ظہور الٰہی آف صباحت انڈسٹریز کی سماجی خدمات کو بے حد سراہا ہے ‘ گزشتہ روز ملاقات کے دوران ڈی سی او گجرات نے چوہدری ظہور الٰہی کو اُن کی خدمات پر شاباش دی اور اُمید ظاہر کی کہ وہ ہمیشہ کی طرح فلاحی کاموں میں بڑھ چڑھ کر حصہ لیں گے ‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مضان اورپاکستان کوآپس میںخاص نسبت ہے نوجوان تقویٰ اورمشیت الٰہی پیداکرنے کے ئے اس ما ہ کی برکتوںسے مستفیدہوں،ڈاکٹرمحمدطارق سلیم

گجرات (جی پی آئی )جماعت اسلا می پنجاب کے رہنما ڈاکٹرمحمدطارق سلیم نے کہا ہے کہ رمضان اورپاکستان کوآپس میںخاص نسبت ہے نوجوان تقویٰ اورمشیت الٰہی پیداکرنے کے ئے اس ما ہ کی برکتوںسے مستفیدہوں۔روزہ گناہوںکے خلاف ڈھا ل ہے۔ابھی سے اسکی تیا ری کرکے اللہ کی برکتوںسے مستفیدہوسکتے ہیں۔وہ شبا ب ملی گھکا میتر کے زیراہتما م استقابا ل رمضا ن کانفرنس سے خطا ب کررہے تھے۔صدارت زونل امیرعبدالوکیل علوی نے کی۔اس موقع پرصدر الخدمت فائونڈیشن محمدمشتاق بٹ،ضلعی نائب صدر شبا ب ملی صابر حسین بٹ،حافظ محمدعبداللہ،ماسٹرمحمدعارف،زمان حیدر چیمہ،حافظ عبدالرحمن،عثمان ظفر چیمہ،سابق نا ظم میاںمحمداقبا ل،فیروزاحمدوڑائچ،رضوان،سکندرچیمہ،فیضان اشرف بھٹہ مہما نا ن خصوصی تھے۔انہوں نے کہا کہ پاکستان اللہ کاانعام ہے جورمضان المبارک میںملا۔اس کوحقیقی اسلا می ریا ست بنا نے کے لئے شدیدجدوجہد کی ضرورت ہے کسی بھی تبدیلی کے لئے نوجوانوںکاکرداراہم ہوتا ہے۔شبا ب ملی نوجوانوںکواکٹھا کرکے مثبت سرگرمیوںکے ذریعے انکی تربیت کا اہتما م کرتی ہے تاکہ اسلا می انقلا ب کی جدوجہد میںنوجوانوںکواسلا می تحریک کاہروال دستہ بنا یا جا ئے۔صدر الخدمت فائونڈیشن محمدمشتاق بٹ نے کہا کہ ملکی مسائل کاحل صرف قرآن پاک کے نظام کونا فذکرنے میںہی ہے۔قرآن پاک صرف پڑھنے کے لئے ہی نہیںبلکہ یہ توہمیں ایک مکمل نظا م زندگی دیتا ہے۔سیکرٹری جنرل شبا ب ملی وزیرآبادزون زمان حیدر چیمہ اورعثمان ظفر چیمہ نے کہا کہ شبا ب ملی انسانیت کی خدمت کے لئے عمل پیرا ہے۔معاشرے کے پسے طبقے کی مدداورشعوراجاگرکرنے کے لئے جدوجہد جاری رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برصغیر پاک و ہند کی معروف روحانی شخصیت حضرت کبیر الدین شاہدولہ دریائی رحمتہ اللہ علیہ کا سالانہ عرس مبارک عقیدت و احترام کے ساتھ منعقد ہوا

گجرات (جی پی آئی ) برصغیر پاک و ہند کی معروف روحانی شخصیت حضرت کبیر الدین شاہدولہ دریائی رحمتہ اللہ علیہ کا سالانہ عرس مبارک عقیدت و احترام کے ساتھ منعقد ہوا عرس کی تقریبات تین روز جاری رہیں ‘ تقریبات کا آغاز غسل سے ہوا ‘ گدی نشین حضرت کبیر الدین شاہدولہ دریائی سید اعجازحسین شاہ اور صدر انجمن اولاد حضرت کبیر الدین شاہدولہ سید رضی شاہ نے اپنے سنگیوں کے ہمراہ دربار شریف کو عرق گلاب سے غسل دیا ‘ محفل سما ع منعقد ہوئی ‘ محفل میلاد النبی صلی اللہ علیہ وآلہ وسلم کا انعقاد کیا گیا زائرین میں لنگر تقسیم کیا گیا ‘ محکمہ اوقاف گجرات کی طرف سے چادر پوشی کی تقریبات منعقد ہوئیں پہلی تقریب میں پاکستان مسلم لیگ ن کے ضلعی جنرل سیکرٹری حاجی ناصر محمود ‘ منیجر اوقاف رشید احمد ‘ حافظ محمد سعید ‘ یاسر ہنجرا ‘ اعظم ‘ محمد اعجاز ‘ محمد عارف ‘ حافظ محمد طارق نے دربار شریف پر چادر چڑھائی دوسری تقریب میں ممبر صوبائی اسمبلی حاجی عمران ظفر نے دربار شریف پر چادر چڑھائی درودو سلام کے نذرانے پیش کئے گئے ‘ ملک کی ترقی و سلامتی کیلئے دعائیں کی گئیں تین دن تک دربار شریف زائرین کو لنگر دیا گیا ۔ گجرات پولیس کی طرف سے ڈی پی او گجرات کی نگرانی میں سخت حفاظتی انتظامات کئے گئے گدی نشین سید اعجاز حسین شاہ کی سربراہی میں زائرین اور پولیس ملازمین کیلئے لنگر کا خصوصی انتظام تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیعہ علماء کونسل کے وفد نے حضرت کبیر الدین شاہدولہ دریائی کے مزار پر حاضری دی

گجرات ( جی پی آئی ) شیعہ علماء کونسل کے وفد نے حضرت کبیر الدین شاہدولہ دریائی کے مزار پر حاضری دی اور فاتحہ خوانی کی وفد کی قیادت ممتاز عالم دین آغا مبارک علی موسوی نے کی ‘ وفد میں صدر شیعہ علماء کونسل سید الطاف عباس کاظمی ‘ رانا مشرف علی ناز ‘ وقار الحسن ہیرا ‘ شیخ ارشد شکیل عرف ٹونی شامل تھے ‘ وفد کے شرکاء کا استقبال گدی نشین سید رومی شاہ گدی نشین عقیل رضا شاہ نے کیا گیا ۔ اس موقع پر سید جنیدا صابر ‘ سید پروین الدولہ و دیگر موجود تھے۔ گدی نشین سید رومی شاہ نے وفد کی شرکاء کی دستار بندی کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاشرے میں موجود سفید پوش افراد کی خدمت کرنا عین عبادت ہے،تنویر گوندل

گجرات ( جی پی آئی ) معاشرے میں موجود سفید پوش افراد کی خدمت کرنا عین عبادت ہے ‘ خصوصاً رمضان المبارک کے دوران مستحق سفید پوش افراد کی مدد کی جائے تاکہ وہ بھی رمضان کی برکات سے مستفید ہو سکیں ‘ ان خیالات کا اظہار چیئر مین ضلعی زکوٰة کمیٹی چوہدری تنویر گوندل نے موضع ملکہ کھاریاں میں حیدر کرار ٹرسٹ کے زیر اہتمام ملکہ کے مستحقین میں رمضان پیکیج تقسیم کرنے کی تقریب کے دوران کیا ‘ انہوں نے کہا ہے کہ وہ لوگ قابل تعریف ہیں جو اپنی نیک کمائی سے مستحقین کی مدد کرتے ہیں ۔ انہوں نے کہا ہے کہ اللہ تعالیٰ نے ہمیں جو رزق عطا کیا ہے ‘ اُس میں سے مستحقین کو بھی حصہ ملنا چاہیے ‘ اور ہر مخیر شخص اپنے اپنے علاقہ میں مستحقین تک اُن کا حصہ پہنچائیں چوہدری ظہورالٰہی صباحت انڈسٹریز نے کہا ہے کہ حیدر کرار ٹرسٹ کی خدمات قابل تحسین ہیں کہ انہوں نے مستحقین زکوٰة کو اپنی گرہ سے امداد فراہم کی ہے ‘ اگر ہر شخص اس طرح اپنے فرائض کو نبھائے تو مستحقین کی مدد ہو سکتی ہے ‘ انہوں نے کہا ہے کہ حیدر کرار ٹرسٹ کی خدمات بلاشبہ قابل تحسین ہیں’ چوہدری طالب حسین آف مہسیاں نے کہا ہے کہ حیدر کرار ٹرسٹ کی خدمات دیکھ کر دلی خوشی ہوئی ہے ‘ ہر شخص کو اپنے اپنے علاقہ میں غریب کی خدمت کرنی چاہیے ‘ چیئر مین حیدر کرار ٹرسٹ ملک محمد اقبال نے کہا ہے کہ ہم نے ہمیشہ اپنے علاقہ کی عوام کی خدمت کی ہے ‘اور اپنی جیب سے کام کرتے ہیں پچاس افراد کو ڈیڑھ لاکھ روپے مالیت کا راشن دے رہے ہیں جس میں بیس کلو آٹا’ پانچ کلو چینی ‘ چاول ‘ گھی ‘جام شیریں’ گھجور وغیرہ شامل ہے’ رمضان المبارک کے آخر میں انہیں افراد کو عید کا راشن دیا جائے گا اور عیدی دی جائے گی ‘ جس میں گوشت ‘ سویاں ‘ آٹا’ گھی ‘ چینی وغیرہ ہوتی ہے ‘اور فی خاندان ایک ہزار روپے عیدی دی جائے گی ‘ اس سے پہلے عشر کی مد میں لاکھوں روپے کی گندم مستحقین میں تقسیم کی گئی ‘ اس طرح ایک خوبصورت مسجد اور مدرسہ اور لائبریری قائم کی گئی ہے ‘ جس میں بچوں کو تعلیم دی جاتی ہے ۔ ایک فلی ایئر کینڈیشن ایمبولینس بھی 24گھنٹے موجود ہوتی ہے ۔ تاکہ علاقہ کے لوگوں کو سہولت مل سکے’ اس موقع پر صدر مولانا شاہد ‘ جنرل سیکرٹری بشیر و دیگر موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ککرالی کے علاقہ کوٹلہ ارب علی خان میں نامعلوم مسلح افراد نے فائرنگ
گجرات(جی پی آئی) تھانہ ککرالی کے علاقہ کوٹلہ ارب علی خان میں نامعلوم مسلح افراد نے فائرنگ کرکے کویت پلٹ ایک شخص بنارس کو قتل کردیا گیا اور فرار ہوگیا اس سلسلہ میں جب تھانہ ککرالی رابطہ کیا گیا تو معلوم ہوا کہ یہاں کوئی قتل نہیں ہوا اور نہ ہی کسی نے کوئی رابطہ کیا ہے تاہم پولیس تفتیش مصروف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب نے رمضان المبارک میں ذخیرہ اندوزوں کو کنٹرول
گجرات(جی پی آئی)حکومت پنجاب نے رمضان المبارک میں ذخیرہ اندوزوں کو کنٹرول کرنے اور ان کے خلاف کاروائی کرنے کیلئے گجرات کے 12آفیسرز کو سپیشل مجسٹریٹ کے اختیارات کے سونپ دیئے ہیں جو کہ مہنگے داموں اشیائے خوردو نوش فروخت کرنے والے دکانداروں اور ذخیرہ اندوزوں کے خلاف کاروائی کرکے ڈی سی او گجرات لیاقت علی چٹھہ کو روزانہ رپور ٹ پیش کیا کریں گے ان بارہ مجسٹریٹوں میں ٹی ایم او گجرات ‘ٹی او آر’ای اے ایس او ‘نائب تحصیلدار ‘تحصیلدار شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رجسٹری برانچ گجرات میں نا تجربہ کار عملہ تعینات ہونے
گجرات(جی پی آئی)رجسٹری برانچ گجرات میں نا تجربہ کار عملہ تعینات ہونے سے رجسٹریوں کا حصول مشکل ہوگیا شہریوں کو رجسٹری کرانے میں مشکلات کا سامنا ہے ڈی سی او گجرات لیاقت علی چٹھہ نے چند روز قبل رجسٹری برانچ کا عملہ تبدیل کرکے جو نیا عملہ تعینات کیا ہے پہلے تو اس کو رجسٹری کے حصول کا پتہ اور نہ ہی جگہ کی ویلیو اور نہ ہی رجسٹری کے متعلقہ کاغذات کا پتہ ہے عملہ روزانہ رجسٹریوں پر بلا وجہ اعتراض لگا کر شہریوں کو تنگ کرتا ہے جس کی وجہ سے رجسٹریاں ہونا بند ہوگئی ہیں شہریوں نے ڈی سی او گجرات سے پرانا عملہ کی تعیناتی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات رائے اعجاز احمد کی ہدایت پرتھانہ اے ڈویژن ‘تھانہ بی ڈویژن
گجرات(جی پی آئی)ڈی پی او گجرات رائے اعجاز احمد کی ہدایت پرتھانہ اے ڈویژن ‘تھانہ بی ڈویژن’ تھانہ لاری اڈا کی پولیس نفری اور پولیس رضاکاران کے درمیان رمضان المبارک میں سیکورٹی کے انتظامات کے حوالہ سے ایک اہم میٹنگ کا انعقاد ہوا جس میں ڈی ایس پی سٹی غلام مصطفی گیلانی اور ماڈل تھانہ اے ڈویژن کے ایس ایچ او ساجد محمود سوہل ‘تھانہ بی ڈویژن کے ایس ایچ او شیراز چیمہ’ تھانہ لاری اڈا کے ایس ایچ او یوسف تارڑنے خصوصی شرکت کی اس موقع پر ڈی ایس پی مصطفی گیلانی نے رمضان المبارک کے حوالہ سے مساجد پر سیکورٹی ڈیوٹی کے حوالہ سے ملازمین اور رضا کاران کو خصوصی بریفنگ بھی دی دہشتگردی جیسے دیگر کسی ناخوشگوار واقعات سے نمٹنے کیلئے سیکورٹی کے فول پروف انتظامات کیے گئے ہیں علماء کرام اور امام مساجدسے اس سلسلہ میں پہلے بھی میٹنگ کی جاچکی ہے ڈی ایس پی مصطفی گیلانی نے کہا کہ ماہ رمضان المبارک میں پولیس اور عوام مل کر ماحول کو پر امن رکھیں گے انہوں نے تمام سٹیز کے ایس ایچ او ز کو ہدایات کیں کہ وہ رمضان المبارک میں مساجد کے باہر پولیس نفری کو تعینات کریں بعد ازاں ڈی ایس پی سٹی غلام مصطفی گیلانی ‘ایس ایچ او ساجد سوہل اے ڈویژن ‘ایس ایچ او لاری اڈا یوسف تارڑ ‘ایس ایچ او بی ڈویژن شیراز چیمہ نے پولیس قومی رضا کاران کو اپنے دستے مبارک سے چیک تقسیم کیے اس موقع پر پولیس کی بھاری نفری بھی موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ی پی او گجرات رائے اعجاز احمد کی خصوصی ہدایت پر ڈی ایس پی سٹی غلام مصطفی گیلانی
گجرات(جی پی آئی)ڈی پی او گجرات رائے اعجاز احمد کی خصوصی ہدایت پر ڈی ایس پی سٹی غلام مصطفی گیلانی نے گذشتہ روز سٹی گجرات کے تمام تھانوں ایس ایچ او ز اور ایلیٹ فورس کے ہمراہ رمضان المبارک میں سیکورٹی فول پروف انتظامات بنانے کے لئے صابووال ‘چنگڑ کالونی’ بولے ‘مدنی مسجد شادیوال روڈ’ مدینہ سیداں ‘رحمانیہ سمیت دیگر علاقوں میں رہنے والے افغانیوں کے خلاف سرچ آپریشن کیا اس موقع پر پولیس نے ان جگہوں پر رہنے والے افغانیوں کے ایک ایک گھر کی تلاشی لینے کے بعد ایک ایک فرد کا شناختی کارڈ چیک کیاقومی شناختی کارڈ چیک کرنے کے بعد گجرات میں رہنے والے افغانیوں کی مکمل طور پر شناخت بھی کی چیکنگ کے دوران پولیس کو کوئی اسلحہ وغیرہ نہ ہی کوئی ایسامواد ملااس موقع پر ڈی ایس پی غلام مصطفی گیلانی نے کہا کہ رمضان المبارک میں گجرات میں امن وامان کے حوالہ سے خصوصی طور پر اقدامات کیے گئے ہیں اور فول پروف سیکورٹی کے انتظامات بھی کیے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات اور گردونواح میں بجلی کی غیر اعلانیہ لوڈ شیڈنگ سے شہری عاجز آگئے
گجرات(جی پی آئی)گجرات اور گردونواح میں بجلی کی غیر اعلانیہ لوڈ شیڈنگ سے شہری عاجز آگئے لوڈ شیڈنگ کا دورانیہ اٹھارہ گھنٹوں سے بھی تجاوز کرگیا شہری پانی کی بوند بوند کو ترس گئے واپڈا احکام کی طرف سے گجرات اور گردونواح کے علاقوں سے روزانہ اٹھارہ گھنٹوں سے زائد بجلی کی لوڈ شیڈنگ بھی جاری ہے جس کی وجہ سے صنعتی پہیہ جام اور کاروبار ٹھپ ہوکر رہ گئے ہیں گجرات میں پاٹری فرنیچر’برتن اور پنکھوں کے کارخانوں میں کام کرنے والے ہزاروں کی تعداد میں مزدور بجلی نہ ہونے کی وجہ سے بے روز گار ہوکر موجودہ حکومت کو کوس رہے ہیں واپڈا احکام ہر آدھے گھنٹے کے بعد کئی کئی گھنٹے بجلی کی لوڈ شیڈنگ کرکے شہریوں کو تنگ کررہا ہے بجلی نہ ہونے کی وجہ سے سخت گرمی میں پانی کی قلت پیدا ہوگئی ہے لوگ پانی کی بوند بوند کو ترس گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز عالم دین مفتی محمد یونس عثمانی نے ایک بیان میں کہا ہے
گجرات(جی پی آئی)ممتاز عالم دین مفتی محمد یونس عثمانی نے ایک بیان میں کہا ہے کہ ہم درس قرآن کے ذریعے معاشرہ کی بہتراصلاح کرسکتے ہیں حضرت محمد ۖنے اس وقت معاشرہ کی اصلاح فرمائی جس وقت معاشرہ جہالت اور تاریکیوں میں ڈوبا ہوا تھا آپ ۖ نے قرآن کے ذریعے معاشرہ کی بہترین اصلاح فرمائی وہ لوگ جنہوں نے آپ ۖ کی دعوت کو قبول کیاوہ لوگ زمانہ بھر کے رہنما بن گئے آج بھی اگر ہم معاشرے کی اصلاح قرآن کے ذریعے کریں تو لوگ آج بھی اس دھرتی کا جھومر بن سکتے ہیں۔

by Geo1 Webmaster

Nasir Mehmood - Chief Editor at GeoURDU.com

ایم ایس کروڑ اور عملہ ہسپتال کا ایم این اے صاحبزادہ فیض الحسن کو خراج تحسین گجرات کی خبریں 28/6/2014