کراچی : ایڈمنسٹریٹر بلدیہ کورنگی عمران اسلم نے میونسپل کمشنر بلدیہ کورنگی مسرور میمن کے ہمراہ کورنگی زون کے برساتی نالوں کی صفائی کے کام کے معائنہ کیا اس موقع پر ان کے ہمراہXEN کورنگی زون محمد مبین صدیقی اور دیگر افسران بھی موجو د تھے ایڈمنسٹریٹر بلدیہ کورنگی عمران اسلم نے متعلقہ محکموں کے افسران کو ہدایت جاری کی کہ نالے کی صفائی کے لئے تمام تر انتظامات کو ہنگامی بنیادوں پر پایہ تکمیل تک پہنچایا جائے اورصفائی کے دوران نالوں سے نکالے جانے والے ملبے اور کچرے کے ڈھیروں کو فوری طور پر وہاں سے اٹھا کر لینڈ فل سائٹ میں ڈمپ کیا جائے نالوں کی صفائی کے کام کوجلد از جلد مکمل کرلیا جائے تاکہ بارشوں کے دوران برسات کے پانی کی نکاسی میں کسی قسم کی پریشانی نہ ہو اور عوامی سہولتوں کی فراہمی میں کسی قسم کی غفلت لاپرواہی قطعی برداشت نہیں کی جائے گی۔
انہو ں نے مزید کہاکہ صفائی ستھرائی بھی ہماری اولین تر جیحات میں شامل ہیں کیونکہ نالوں کی صفائی نہ ہونے کے باعث بارشوں میں نالے اور فلو ہوجاتے ہیں جس کے باعث نالوں کا گندا پانی شاہرائوں اور گلی محلوں میں داخل ہو جاتا ہے جس سے عوام الناس کو شدید مشکلات کا سامنا کرنا پڑتا ہے۔
مصطفی آباد/للیانی کی خبریں 2/7/2014
دہشت گردوں کے خلاف آپریشن کے ساتھ ہی طالبان نے سول سوسائٹی اور صحافیوں کے خلاف کاروائیاں شروع کر دی
