اسلام آباد (اصل میڈیا ڈیسک) عمران فاروق قتل کیس میں عدالت نے تین گواہان کوذاتی حیثیت میں بیان قلمبند کروانے کے لیے طلب کر لیا۔
انسداد دہشتگری عدالت میں عمران فاروق قتل کیس کی سماعت ہوئی۔ سماعت کے دوران برطانوی حکومت سے حاصل کیے گئے شواہد انسداد دہشت گردی کی عدالت میں پیش کیے گئے، جن میں عمران فاروق قتل کی ویڈیو فوٹیج، آلہ قتل، فورنزک رپورٹس شامل تھیں۔
پراسکیوٹر ایف آئی اے نے کہا کہ ضمنی چالان کے مطابق 23 گواہان بیان قلمبند کروانا چاہتے ہیں، تین گواہان ذاتی حیثیت میں جبکہ 20 گواہان ویڈیو لنک پر بیان قلمبند کروائیں گے۔
عدالت نے تین گواہان کو ذاتی حیثیت میں بیان قلمبند کروانے کے لیے طلب کرلیا جب کہ میٹرو پولیٹن پولیس لندن کے تین افسران کو 6 نومبر کو عدالت میں پیش ہو کر بیان قلمبند کرونے کا بھی حکم دیا گیا۔ کیس کی مزید سماعت 6 نومبر تک ملتوی کر دی گئی۔
دھرنے کی حکمت عملی، نواز شریف نے حسین نواز کو آگاہ کر دیا: کیپٹن (ر) صفدر
لاہور: نوازشریف احتساب عدالت میں پیش، نیب کی جسمانی ریمانڈ کی استدعا
