ممبئی(جیوڈیسک) بالی ووڈ کے رومانٹک ہیرو عمران ہاشمی جادوگر بن گئے، تھرل،ہارر اور رومانس پر مبنی نئی فلم”ایک تھی ڈائن”کے ٹریلرکے بعدپہلے گانے”یارم”کی وڈیو جاری کردی گئی ہے۔معروف نغمہ نگار گلزار کے تحریر کردہ” ہم چیز ہیں بڑے کام کی یارم کے بولوں پر مبنی اس گانے کو پلے بیک سنگر سونیدھی چوہان کی آواز میں ریکارڈ کیا گیا ہے۔
اس گانے میں فلم کی مکمل کاسٹ کو دکھایا گیا ہے ۔ہدایتکارکنان آئیر کی اس فلم میں عمران کیساتھ کونکنا سین شرما بحیثیت ہیروئن جبکہ کالکی کوچلن اور ہما قریشی اہم کرداروں میں جلوہ گر ہوئی ہیں۔بالاجی موشن پکچرز کے بینر تلے اس فلم کو ایکتا کپور،شوبھا کپور اور وشال بھردواج نے پروڈیوس کیا ہے۔
جبکہ وشال نے فلم کی کہانی تحریر کرنے کیساتھ ساتھ اسکا میوزک بھی ترتیب دیا ہے۔ہارر اور تھرل سے بھرپور یہ فلم رواں سال18اپریل کو سینما گھروں کی زینت بنائی جارہی ہے جسکی تشہیری مہم ابھی سے شروع کردی گئی ہے۔
مسٹر پرفیکٹ عامر خان کل اپنی 48 ویں سالگرہ منائینگے
ممبئی : سائنس فکشن فلم تھری جی کی پروموشن تقریب
