لاہور (جیوڈیسک) پنجاب کے وزیر قانون رانا ثنا اللہ کا کہنا ہے کہ تحریک انصاف کے چیرمین عمران خان اپنا سسرالی ایجنڈا ساتھ لے کر چل رہے ہیں۔
وزیر قانون پنجاب رانا ثنا اللہ کا کہنا تھاکہ تحریک انصاف کا یہ طرہ امتیاز ہے کہ ہر روز وہ اپنا پینترہ بدلتی ہے، اس وقت ملک کی تمام سیاسی جماعتیں اور محب وطن لوگ اداروں کے درمیان تناؤ کی صورتحال کو افہام و تفہیم سے حل کرنا چاہتے ہیں لیکن عمران خان کی جماعت اس معاملے میں اشتعال پیدا کر ری ہے اور یہ ایجنڈا ملک دشمن عناصر کا ہی ہو سکتا ہے کسی محب وطن کا نہیں، ہوسکتا ہے عمران خا ن سسرالی ایجنڈے پر عمل پیرا ہوں۔
عمران خان نے کہا کہ بدقسمتی سے اس وقت میڈیا وہ کردار ادا نہیں کررہا جو اسے کرنا چاہئے، میڈیا کو چاہئے کہ وہ ایک دوسرے پر توہین مذہب اور غداری کے الزامات لگانے کے بجائے ملک کو درپیش چیلنجز اور بھارت و افغان انتخابات سمیت خطے کی بدلتی صورتحال سے متعلق عوام کو آگاہ کریں، اداروں کو اس طرح باہم دست و گریبان کرنا ملک کے مفاد میں نہیں۔
پیمرا کے گزشتہ روز ہونے والے اجلاس سے متعلق رانا ثنا اللہ کا کہنا تھاکہ پیمرا کے پرائیوٹ ارکان نے صرف تماشا لگانے کی کوشش کی، پیمرا اتھارٹی کے تمام 12 ممبران حکومت کے نامزد کردہ ہیں صرف 3 پرائیویٹ ممبر کوئی فیصلہ نہیں کرسکتے جب کہ پیمرا ترجمان نے ان 3 اراکین کی رائے سے لاتعلقی کا اظہارکیا ہے۔
مصباح الحق اور یونس خان کی فٹنس نے عمر کو شکست دیدی
ووٹوں کی تصدیق پر کسی کو اعتراض نہیں ہونا چاہیے، بابر اعوان
