لاہور (جیوڈیسک) لودھراں کا ضمنی انتخاب رک جانے کے بعد پی ٹی آئی اور ن لیگ نے لاہور کے حلقہ این اے 122 میں ڈیرے ڈال دیئے ۔ نون لیگ کے رہنما حمزہ شہبازکہتے ہیں کہ عمران خان کو چھپ کر بیٹھنے کے بجائے خود میدان میں اترنا چاہیئے تھا۔
لاہور کے علاقے اچھرہ میں میڈیا سے گفتگو کرتے ہوئے حمزہ شہباز کا کہنا تھا کہ جس طرح پی ٹی آئی کے دھرنے کا دھڑن تختہ ہوا اسی طرح این اے 122 میں بھی تحریک انصاف کو ناکامی کا منہ دیکھنا پڑے گا۔
عمران خان صرف انتشار کی سیاست کر رہے ہیں جسے عوام نے مسترد کر دیا ہے ۔ میڈیا نمائندوں سے بات کرتے ہوئے حمزہ شہباز نے دیگر ملکی امور پر روشنی ڈالتے ہوئے کہا کہ دہشتگردی کے خلاف جنگ جیتنے اور توانائی بحران حل کرنے کے حوالے سے حکومت پوری طرح سرگرم ہے۔
نندی پور پاور پراجیکٹ کے سلسلے میں سامنے آنے والی شکایات پر آڈٹ چل رہا ہے ۔ حمزہ شہباز کا مزید کہنا تھا کہ عوام فیصلہ کر چکے ہیں کہ وہ کرپشن کرنے والوں کو آڑے ہاتھوں لیں گے۔
پیپلز پارٹی میں بھی کرپٹ لوگ ہیں، احتساب کرنیوالوں کا احتساب کون کرے گا، رضا ربانی
قصور کے بعد حافظ آباد میں بھی بچوں سے زیادتی کا اسکینڈل سامنے آ گیا
