لاہور (جیوڈیسک) عوامی تحریک کے مرکزی سیکرٹریٹ لاہور میں پریس کانفرنس سے خطاب میں قائد ڈاکٹر طاہر القادری کا کہنا تھا کہ جوڈیشل کمیشن کے قیام کے وقت ہی کہہ دیا تھا کہ اس کمیشن کے ذریعے دھاندلی پر مبنی حکومت کو کلین چٹ دیدی جائے گی۔
عمران خان کو عوامی تحریک کے ایک وفد نے ملاقات کر کے کمیشن کی تشکیل کا مطالبہ نہ کرنے کا مشورہ دیا تھا۔
طاہر القادری کا کہنا تھا کہ تین دن کی اعلٰی سطح کی مشاورت کے بعد پارٹی کی بارہ رکنی مرکزی کور کمیٹی تشکیل دیدی گئی ہے جبکہ مرکزی عہدیدار بدستور کام کرتے رہیں گے نتائج کچھ بھی ہوں عوامی تحریک بلدیاتی انتخابات میں بھرپور حصہ لے گی۔
حکومت کے حق میں فیصلہ آئے تو رپورٹ فوری شائع ہو جاتی ہے مگر کوئی حکومت سے یہ بھی تو پوچھے کہ آخر سانحہ ماڈل ٹاون کی رپورٹ شائع کیوں نہیں کی جا رہی۔
عوامی تحریک کے قائد نے کراچی میں ٹارگٹ کلنگ کے نتیجے میں جاں بحق ہونے والے افراد کے ہر گھر میں ایک ملازمت دینے کا مطالبہ کیا جبکہ انہوں نے مرحلہ وار بلدیاتی انتخابات کی تجویز کو مسترد کر دیا۔
گوجرانوالہ میں پنجاب اسمبلی کے حلقے پی پی 100 میں ضمنی انتخاب کیلئے ووٹنگ
عمران خان کا مطالبہ الٹا چور کوتوال کو ڈانٹے کے مترادف ہے: احسن اقبال
