سیالکوٹ (جیوڈیسک) وفاقی وزیر دفاع خواجہ آصف کا کہنا ہے کہ عمران خان کے 6 میں سے 5 مطالبات مان لئے ہیں ان کا چھٹا مطالبہ انا کا ہے قومی مسئلہ نہیں۔
خواجہ آصف کا کہنا تھا کہ میں یہ نہیں کہتا کہ پوری قوم ہمارے ساتھ ہے بلکہ تمام ریاستی ادارے آئین اور جمہوریت کے ساتھ کھڑے ہیں۔ ان کا کہنا تھا کہ عمران خان کے 6 میں سے 5 مطالبات حکومت نے قبول کر لئے ہیں، ان کا چھٹا مطالبہ انا کا ہے قومی مسئلہ نہیں ہے۔
خواجہ آصف نے کہا کہ فوج ملک کی بہتری کے لئے مدد کر رہی ہے، دھرنوں کے باعث چین سے آنے والی 32 ارب روپے کی سرمایہ کاری رکی ہوئی ہے۔ دوسری جانب عمران خان اب بھی بضد ہیں کہ وزیراعظم نواز شریف کے استعفیٰ کے بغیر دھرنا کسی صورت ختم نہیں کیا جائے گا۔
قراقرم ایکسپریس کی بوگی میں آگ لگ گئی
کورنگی کنوئیں کی کھدائی کے دوران 2 مزدور ڈوب گئے لاش برآمد
