اسلام آباد (جیوڈیسک) ارسلان افتخار نے چیئرمین تحریک انصاف عمران خان کا فیملی رجسٹریشن سرٹیفکیٹ حاصل کرنے کیلئے نادرا حکام سے رابطہ کر لیا ہے۔ فیملی رجسٹریشن سرٹیفکیٹ عمران خان کیخلاف ریفرنس دائر کرنے کیلئے اہم دستاویز ہو گی۔
ذرائع کا کہنا ہے کہ ارسلان افتخار نے نادرا حکام سے رابطہ کر کے آئندہ ایک دو روز میں ملاقات کیلئے وقت مانگ لیا ہے۔
ارسلان افتخار نادرا حکام سے چیئرمین پی ٹی آئی عمران خان کا فیملی رجسٹریشن سرٹیفکیٹ فراہم کرنے کا مطالبہ کریں گے۔ ذرائع کا کہنا ہے کہ چیئرمین تحریک انصاف کیخلاف ریفرنس دائر کرنے کیلئے ان کا فیملی رجسٹریشن سرٹیفکیٹ اہم دستاویز ثابت ہو گی۔
ارسلان افتخار کا موقف ہے کہ عمران خان نے کاغذات نامزدگی میں اپنی بیٹی ٹیرین سے متعلق حقائق چھپائے اس لیے وہ باسٹھ تریسٹھ پر پورا نہیں اترتے۔ اس سے قبل ارسلان افتخار نے الیکشن کمیشن سے کاغذات نامزدگی حاصل کر لیے ہیں۔
پاکستانی دباؤ کے باوجود افغانستان نے طالبان کے خلاف کارروائی کی یقین دہانی نہیں کرائی
عمران، طاہر القادری جمہوری عمل کو سبو تاژ کرنا چاہتے ہیں: احسن اقبال
