جشن آزادی کے سلسلہ میں موضع کھوجیانوالی شاہ محمد معموریل والی بال ٹورنامنٹ منعقد ہوا
گجرات (جی پی آئی ) جشن آزادی کے سلسلہ میں موضع کھوجیانوالی شاہ محمد معموریل والی بال ٹورنامنٹ منعقد ہوا ‘ اختتامی میچ کھوجیانوالی بلا مقابلہ گولیکی منعقد ہوا ‘ میچ برابر رہا ‘ اس ٹورنامنٹ کے مہمان خصوصی چوہدری یاسر عرفات ‘ ڈسٹرکٹ چیئر مین چوہدری عمر گجر ‘ میاں ارسلان ناظم انصاری ‘ چوہدری عمر حیات گوندل ‘ حسنین عباس وڑائچ ‘ چوہدری نصیر احمد وڑائچ تھے ‘ اس موقع پربلو شیر گروپ کی طرف سے ہزاروں روپے کے نقد انعامات کھلاڑیوں میں تقسیم کئے گئے ۔ چوہدری یاسر عرفات نے جیتنے والی ٹیم کو ایک لاکھ روپے نقد انعام دیا ‘ جبکہ رنر اپ ٹیم کو پچاس ہزار روپے انعام دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نوجوان نسل کی فلاح و بہبود اور معاشرے کی برائیوں کے خاتمے کیلئے کام کرنے کی ضرورت ہے گجرات ( جی پی آئی ) نوجوان نسل کی فلاح و بہبود اور معاشرے کی برائیوں کے خاتمے کیلئے کام کرنے کی ضرورت ہے ان خیالات کا اظہار چوہدری یاسر عرفات آف بلو شیر گروپ نے کھوجیانوالی جشن آزادی کے سلسلہ میں شاہ محمد میموریل والی بال میچ کے دوران کیا ۔ انہوں نے کہا ہے کہ ہماری خواہش ہے کہ ہمارے نوجوان معاشرہ میں اہم مقام حاصل کریں اور عوامی مسائل کے حل سلسلہ میں اپنی مدد آپ کے تحت کام کیا جا سکے ۔ بلو شیر گروپ ہمیشہ کھیلوں کے فروغ کی سرگرمیوں کی حوصلہ افزائی کرے گا ۔ ڈسٹرکٹ چیئر مین چوہدری عمر گجر نے کہا ہے کہ بلوشیر گروپ نے ہمیشہ ایسی سرگرمیوں کو فروغ دیا ہے ‘ جس سے نوجوانوں کی بہتری ہو ہمیں کھیلوں اور دیگر تفریحی سر گرمیوں میں بڑھ چڑھ کر حصہ لینے چاہیے ‘ ممتاز سماجی شخصیت میاں ارسلان ناظم انصاری نے کہا کہ گجرات کے نوجوانوں کی فلاح و بہبود کیلئے بلو شیر گروپ کی کارکردگی قابل تحسین ہیں ‘ میرے والد میاں ناظم انصاری نے بطور چیئر مین اپنے دورمیں کھیلوں کے فروغ میں اہم کردا ر ادا کیا تھا ۔ اور میں بھی ایسے کاموں میں بڑھ چڑھ کر حصہ لوں گا۔
گجرات کی خبروں کی تصویری جھلکیاں
آل کراچی جشن آزدی فٹ بال فیسٹیول کا آغاز 14 اگست سے کالونی اسپورٹس فٹ بال اسٹیڈیم ملیر پر منعقد ہو گا
