آزاد کشمیرکی خبریں 01.04.2013
Posted on April 2, 2013 By Tahir Webmaster میرپور / کشمیر
میرپور میں معصوم طالبعلم ذیشان احسان کا قتل درندگی اور انسانیت کی تذلیل ہے
بھمبر(جی پی آئی)میرپور میں معصوم طالبعلم ذیشان احسان کا قتل درندگی اور انسانیت کی تذلیل ہے معصوم طالبعلم کے قاتلوں کو کڑی سے کڑی سزا دی جائے ان خیالات کااظہار معروف سیاسی و سماجی راہنما چوہدری حق نواز آف گڑھاللیاں ،راجہ راشد پپو ،چوہدیر حسنین اعظم ،مرزا راشد محمود زرگر اور راجہ فہد پوٹھی نے مشترکہ بیان میں کیا انہوں نے کہاکہ میرپور جیسے شہرمیں دن دھاڑے سرعام معصوم طالبعلم کو بس ڈرائیور اور کنڈکٹر نے انتہائی بے دردی سے قتل کر دیا جو کھلی دہشت گردی ہے اور قانون نافذ کرنے والے اداروں کے منہ پر طمانچہ ہے حکومت نے طالبعلموں کو سفری سہولیات فراہم کی ہوئی ہیں طالبعلموں کو اس سے استفادہ حاصل کرنے کا حق حاصل ہے حکومت طالبعلموں کے حقوق کا تحفظ کرکے اور گورنمنٹ پوسٹ گریجوایٹ کالج کے معصوم طالبعلم ذیشان احسان کے قاتلوں کو عبرت ناک سزا دے تاکہ آئندہ کسی کندکٹر ڈرائیور کو طالبعلموں کیساتھ ایسی درندگی کرنے کی جرات نہ ہو انہوں نے کہاکہ تھانہ پولیس تھوتھال نے طالبعلم کے قاتلوں کو فی الفور گرفتار کرکے حسن اقدام کیا ہے اب ان قاتلوں کو کیفرکردار تک پہنچانا بھی پولیس کا فرض ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایم کیو ایم غریب اور متوسط طبقے کی جماعت ہے :چوہدری فضل الرحمن دھبکی
بھمبر(جی پی آئی)ایم کیو ایم غریب اور متوسط طبقے کی جماعت ہے ایم کیو ایم نے وڈیروں ،جاگیرداروںاور موروثی سیاست کیخلاف علم جہاد بلند کیا الطاف بھائی کی فکر اور فلسفہ کوپورے ملک کے اندر زبردست پذیرائی مل رہی ہے ان خیالات کااظہار ایم کیو ایم ضلع بھمبر کے کنوینئر چوہدری فضل الرحمن دھبکی نے کیا انہوں نے کہاکہ ایم کیو ایم جس سوچ ،فکر اور فلسفہ کو لیکر آج پورے ملک کے اندر اس سوچ ،فکر اور فلسفے کو پاکستان کے 18کروڑ عوام زبردست پذیرائی بخش رہے ہیں غریب اور متوسط طبقہ ایم
کیو ایم میں شمولیت اختیار کررہا ہے انہوں نے کہاکہ ایم کیو ایم نے ممبران اسمبلی نے ہر فورم کے اوپر اپنی صلاحیتوں کا لوہا منوایا ہے اور عوامی خدمت کے جذبہ شعار کو اپناتے ہوئے ایم کیو ایم اور الطاف بھائی کے عزت و وقار میں اضافے کا باعث بنے ہیں آمدہ الیکشن میں ایم کیو ایم پاکستان کے چاروں صوبوں کے اندر بھاری عوامی حمایت حاصل کرے گی انہوں نے کہاکہ آنے والے وقت میں ایم کیو ایم ہی چاروں صوبوں میں وفاق کی علامت ہو گی انہوں نے پاکستان کے 18کروڑ محب وطن غریبوں،مزدوروں ،کسانوں اور محنت کشوں سے اپیل کی ہے کہ وہ اپنے حقوق کے حصول اور انکے تحفظ کیلئے ایم کیو ایم کا ساتھ دیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبرکا ایک تعزیتی اجلاس زیر صدارت راجہ نعیم گل منعقد ہوا
بھمبر(جی پی آئی)کشمیر پریس کلب بھمبرکا ایک تعزیتی اجلاس زیر صدارت راجہ نعیم گل منعقد ہوا اجلاس میں میرپور کے معروف صحافی شہباز بخاری کے بہنوئی کی وفات پر گہرے دکھ و رنج کااظہار کرتے ہوئے مرحوم کے درجات کی بلندی کیلئے دعامغفرت اور پسماندگان کیلئے دعاصبر وجمیل کی اجلاس میں ناصر شریف بٹ ،طارق محمود ثاقب ،عزیزالرحمان ناز ،چوہدری خالدحسین ایڈووکیٹ ،ملک شوکت حسین ،ڈاکٹرطارق شاکر ،مرزاندیم اختر ،قاضی انصرزمان ،جہانگیر پاشا،سلیم ساگر ،ظہور احمد رضا،فیصل صغیر شمیم ،عاطف اکرم،عابد زبیر ،یاسین تبسم ،شیرازپرویزمشتاق،وسیم نذر،وحید مراد،مرزاعمر فاروق ،مرتضیٰ گیلانی ،ارشد محمود سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیرسٹر سلطان محمود چوہدری پیپلزپارٹی کا قیمتی اثاثہ ہیں :راجہ انیس اکبر
بھمبر(جی پی آئی)بیرسٹر سلطان محمود چوہدری پیپلزپارٹی کا قیمتی اثاثہ ہیں قائد کشمیر کی بدولت آج آزاد خطے میں پیپلزپارٹی کی حکومت برسراقتدار ہے پاکستان کے
الیکشن میں بھی پیپلزپارٹی کو کامیابی سے ہمکنار کرنے میں بیرسٹر سلطان محمود چوہدری کلیدی کردار ادا کرینگے ان خیالات کااظہار سلطان یوتھ فورس ضلع بھمبرکے صدر راجہ انیس اکبر نے میڈیا نمائندگان سے خصوصی گفتگو کرتے ہوئے کیا انہوں نے کہاکہ بیرسٹر سلطان محمود چوہدری نے کرپشن ،اقرباء پروری ،میرٹ کی پامالی اور کارکنوں کے حقوق کیلئے جو آواز بلند کی ہے اس پر قائد کشمیر کوخراج تحسین پیش کرتے ہیں اور قائد کشمیر کے ساتھ کندھے سے کندھا ملاکر کھڑے ہیں بیرسٹر سلطان محمود چوہدری نے پارٹی کو بچانے کیلئے جو مہم شروع کی ہے اس کے اچھے نتائج برآمد ہونگے انہوں نے کہاکہ بیرسٹرسلطان محمود چوہدری عوام کی دلوں پر حکمرانی کرنے والے عوامی لیڈر ہیں جنہوں نے اپنی ساری زندگی عوامی حقوق کی بحالی اور تحریک آزادی کشمیر کیلئے وقف کررکھی ہے انشاء اللہ وہ وقت دور نہیں جب مقبوضہ کشمیر کے عوام کو آزادی نصیب ہو گی اور اس کا سہرا بیرسٹرسلطان محمود چوہدری کے سر ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبرکا ایک تعزیتی اجلاس زیر صدارت راجہ نعیم گل منعقد ہوا
بھمبر(جی پی آئی)کشمیر پریس کلب بھمبرکا ایک تعزیتی اجلاس زیر صدارت راجہ نعیم گل منعقد ہوا اجلاس میں معروف سیاسی وسماجی راہنما چوہدری جاوید اختر ایڈووکیٹ کی والدہ محترمہ کی وفات پر گہرے دکھ و رنج کااظہار کرتے ہوئے مرحومہ کے درجات کی بلندی کیلئے دعامغفرت اور پسماندگان کیلئے دعاصبر وجمیل کی اجلاس میں ناصر شریف بٹ ،طارق محمود ثاقب ،عزیزالرحمان ناز ،چوہدری خالدحسین ایڈووکیٹ ،ملک شوکت حسین ،ڈاکٹرطارق شاکر ،مرزاندیم اختر ،قاضی انصرزمان ،جہانگیر پاشا،سلیم ساگر ،ظہور احمد رضا،فیصل صغیر شمیم ،عاطف اکرم،عابد زبیر ،یاسین تبسم ،شیرازپرویزمشتاق،وسیم نذر،وحید مراد،مرزاعمر فاروق ،مرتضیٰ گیلانی ،ارشد محمود سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرسی کور کے تعاون سے ملک بھر میں ماں اور بچے کی اموات کی روک تھام میں کمی واقع ہو ئی ہے :ڈاکٹرطارق محمود چوہدری
بھمبر(جی پی آئی)مرسی کور کے تعاون سے ملک بھر میں ماں اور بچے کی اموات کی روک تھام میں کمی واقع ہو ئی ہے مزید اموات کی روک تھام کیلئے ہمیں مرسی کور اور محکمہ صحت کیساتھ تعاون کرنا ہو گا ان خیالات کااظہار مرسی کور کے زیر اہتمام سیونگ مدر ان کمیونٹی پروگرام کے تحت ڈسٹرکٹ ایڈوکیسی ڈائیلاگ فورم کی ماہانہ میٹنگ سے ڈسٹرکٹ ہیلتھ آفیسر ڈاکٹرطارق محمود چوہدری ،ڈاکٹر ناصر محمود چوہدری ،لیدی ڈاکٹر شاہینہ طفیل نے خطاب کرتے ہوئے کیا انہوں نے کہاکہ زچگی کے دوران ماں اور بچے کی اموات کی شرح میں پاکستان دنیا کے اندر تیسرے نمبر پرہے جبکہ ایشیاء میں پہلے نمبر پر ہے مرسی کور نے لوگوں کے اندر ماں اور بچے کے اندر ماں اور بچے کی زندگیوں کو محفوظ بنانے کیلئے آگاہی مہم شروع کر رکھی ہے جنکے خاطر خواہ نتائج سامنے آرہے ہیں پاکستان اور آزادکشمیر کے دوردراز اور پسماندہ علاقوں کے اندر لوگوں کے اندر ماں اور بچے کی صحت اور زندگی کے حوالے سے شعور اور آگاہی مہم سے شرح اموات میں واضح طو رپر کمی آئی ہے اس پر مزید کام کرنے کی ضرورت ہے حاملہ خواتین کو ڈلیوری کیلئے محکمہ صحت کے مراکز میں لانا ہو گا ڈلیوری ترتیب یافتہ افراد سے کروائی جائے تو ماں اور بچے کی زندگی اور صحت کو بچایا جا سکتا ہے ڈسٹرکٹ ایڈووکیسی ڈائیلاگ فورم کی میٹنگ میں DHOڈاکٹر طارق محمود چوہدری ،ڈاکٹر ناصر محمود چوہدری ،لیڈی ڈاکٹر شاہینہ طفیل ،ڈاکٹر محبوب احمد،ڈاکٹر نعیم الزمان،ارشاد مقصود ،ربیعہ آغا،ندیم سرور،محمد ریاض،محمد اسجد ،ناصرمحمود،محسن کرامت ،ضمیر حسین،ناصرہ ناصر،غلام احمد چوہدری ،پرویز اقبال،چوہدری خالد حسین ایڈووکیٹ ،شیرازصدیق،ڈاکٹرطارق شاکر ،رومان رضا،نسیم اختر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری ابرار الحق ایڈووکیٹ کو مسلم لیگ ن یوتھ ونگ آزادکشمیر کی مشاورتی کونسل کا چیئرمین مقرر کر دیا گیا
بھمبر(جی پی آئی)چوہدری ابرار الحق ایڈووکیٹ کو مسلم لیگ ن یوتھ ونگ آزادکشمیر کی مشاورتی کونسل کا چیئرمین مقرر کر دیا گیا آزادکشمیر بھرمیں یوتھ ونگ کے کارکنان میں خوشی کی لہر دوڑ گئی کارکنوں کی ایک دوسرے کو مبارکبادیں مٹھائیاں تقسیم تفصیلات کیمطابق مسلم لیگ ن کے انتہائی متحرک اور سرگرم راہنما چوہدری ابرارالحق ایڈووکیٹ آف پنڈی جہونجہ کو مسلم لیگ ن یوتھ ونگ آذادکشمیر کی مرکزی مشاورتی کونسل کا چیئرمین مقرر کر دیا گیا ہے چوہدری ابرارالحق ایڈووکیٹ کے مرکزی مشاورتی کونسل یوتھ ونگ آزادکشمیر کا چیئرمین بننے پر آزادکشمیر بھرمیں بالخصوص ضلع بھمبر میں یوتھ ونگ کے کارکنان میں خوشی کی لہر دوڑ گئی کارکنان ایک دوسرے کو مبارکباد یں دیتے رہے اور مٹھائیاں تقسیم کی یاد رہے کہ موصوف اس سے قبل مسلم لیگ ن ضلع بھمبر کے سیکرٹری اطلاعات ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزادکشمیر اور پاکستان کی یوتھ سبز ہلالی پرچم تلے جمع ہو کر میاں نواز شریف کے ہاتھ مضبوط کرینگے :ابرار الحق ایڈووکیٹ
بھمبر(جی پی آئی)یوتھ ونگ کے کارکنان مسلم لیگ ن کا قیمتی اثاثہ ہیں یوتھ ونگ کے کارکنان پاکستان میں مسلم لیگ ن کو الیکشن میں کامیابی دلانے میں کلیدی کردار ادا کرینگے آزادکشمیر اور پاکستان کی یوتھ سبز ہلالی پرچم تلے جمع ہو کر میاں نواز شریف کے ہاتھ مضبوط کرینگے ان خیالات کااظہار پاکستان مسلم لیگ یوتھ ونگ آزادکشمیر کی مرکزی مشاورتی کونسل کے نومنتخب مرکزی چیئرمین ابرارالحق ایڈووکیٹ نے میٹ دی پریس میں اظہار کرتے ہوئے کیا انہوں نے کہاکہ میں پاکستان مسلم لیگ کے قائد میاں نواز شریف آزادکشمیر مسلم لیگ کے صدرراجہ فاروق حیدر ،سردار سکندر حیات خان،چوہدری طارق فاروق ،کیپٹن صفدر ،ملک محمد حنیف سمیت یوتھ ونگ کے کارکنان کو مشکو ر ہوں جنہوں نے میرے اوپر اعتماد کیا قائدین اور
کارکنان نے میرے اوپر جو اعتماد کااظہار کیا ہے میں اس پر پورا اترنے کی کوشش کرونگا آزادکشمیر بھرمیں یوتھ ونگ کے سبز ہلالی پرچم تلے متحد اور مضبوط کریں اور پاکستان کے الیکشن میں یوتھ کے نوجوان اپنی توانائیاں مسلم لیگ ن کو کامیابی دلانے میں بڑھ چڑھ کر حصہ لیں گے پاکستان کی یوتھ باشعور اور محب وطن ہے وہ کسی سیاسی مداری کے بہکاوے مین نہیں آئیں گے ۔انہوں نے کہاکہ میاں نوازشریف ہی ہو واحد لیڈر ہیں جو ملک کو موجودہ مسائل کے گرداب سے نکال سکتے ہین 11مئی کو پاکستان کے باشعور اور محب وطن پاکستان مسلم لیگ ن کی کامیابی کا دن ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیات نے طارق محمودکے والدکے انتقال پر اظہار تعزیت کیا
بھمبر(جی پی آئی)آزاد کشمیر سکول ٹیچر آرگنائزیشن کے سابق مرکزی سیکر ٹری اطلاعات راجہ مشتاق احمد خان ،ضلعی چیئر مین ایکشن کمیٹی غلام غوث چوہدری ،پرنسپل راجہ عبدالرحمن خان ،سابق آفیسر تعلقات عامہ راجہ افتخار حسین ،آئی ٹی کے سیکر ٹری جنرل راجہ شعیب اعظم ،حافظ راجہ پرویز اختر خان،قمراشفاق ،راجہ فخر اقبال ،چوہدری پرویز شہزاد ،انجینئرراجہ نعمان رسول ،قاری دلدا ر غوث اورمرزا مظہر اقبال نے پرنسپل (ر)محمد حسین کی اہلیہ ،چوہدری جاوید اخترایڈووکیٹ کی والدہ اور بلاک آفیسر جنگلات چوہدری محمد فاروق کے بیٹے اور اسٹیٹ لائف کے طارق محمودکے والدکے انتقال پر اظہار تعزیت کیا ہے اور صبر جمیل کی دعاکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی نسل کے مستقبل کو تابناک بنانے کے لیے معلمات کا اہم کردار ہی قوم وملک کی ترقی کا ضامن ہے:راجہ محمد اسحاق خان
بھمبر(جی پی آئی) ڈپٹی ایجوکیشن آفیسرنسواں بھمبر راجہ محمد اسحاق خان نے کہا ہے کہ نئی نسل کے مستقبل کو تابناک بنانے کے لیے معلمات کا اہم کردار ہی قوم وملک کی ترقی کا ضامن ہے ان خیالات کا اظہار انہوںنے انصرام مدرسہ کے حوالہ سے
اہم اجلاس صدرمعلمات تحصیل سما ہنی سے خطاب کرتے ہوئے کیا انہو ں نے کہا کہ حکومت آزاد کشمیر اساتذہ کے لیے نیشنل ایجوکیشن پالیسی ١٠۔٢٠٠٩ء کو نافذکرنے کی ہرممکن کوشش کر رہی ہے اساتذ ہ آزاد کشمیر ایک نئی نوید جلد سنیں گے اس لیے اساتذہ پر بھاری ذمہ داری عائد ہوتی ہے کہ وہ دیانت داری اور فرض شناسی کو زندگی کا شعار بناتے ہوئے قوم کے نونہالوں کے مستقبل کو درخشندہ بنانے کے لیے کردار اداکریںاسی میں ہی قوم وملک کی ترقی کا راز مضمر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تعلیم ہی معاشرے کے اندرنکھار پیدا کرسکتی ہے:چوہدری محمد ارشاد
بھمبر(جی پی آئی) تعلیم ہی معاشرے کے اندرنکھار پیدا کرسکتی ہے موجودہ دور میں نئی نسل کی رہنمائی وقت کی اہم ضرورت ہے والدین اساتذہ کے ساتھ تعاون کریں اور اپنی زمہ داری پوری کریں حکومت تعلیم کے فروغ کے لیے خصوصی اقدامات کررہی ہے ان خیالات کا اظہار نائب صدرمعلم چوہدری محمد ارشاد نے ریئس مدرسہ گورنمنٹ سٹی ہائی سکول بھمبر چوہدری محمد اسلم سالانہ نتائج ٢٠١٣ء کے اعلان کے موقعہ پر خطاب کرتے ہوئے کیا اسٹیج سیکرٹری کے فرائض محمد ایوب رحمانی نے انجام دیے اس موقعہ پر راجہ مشتاق احمد خان نے کہا کہ سرکاری اداروں میں گورنمنٹ سٹی ہائی سکول بھمبر نے ایک نام پیداکیا ہے اور آزادکشمیر بھر کے سرکاری اداروں میں میٹرک کے گذشتہ سال وجیہ الحسن 973نمبرات حاصل کر کے اول پوزیشن حاصل کی جوکہ ایک منفرد اعزازہمارے ادارے کو حاصل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری مظہر اقبال بھوتو نے چوہدری ندیم اقبال کو موبائلز ایسوسی ایشن کا صدر بننے پر مبارک باد دی
بھمبر(جی پی آئی)پیپلزپارٹی کے راہنما چوہدری مظہر اقبال بھوتوسیالوی نے اپنے ایک بیان میں چوہدری ندیم اقبال کو موبائلز ایسوسی ایشن بھمبرکا بلا مقابلہ صدر منتخب
ہونے پر مبارکبا پیش کرتے ہوئے اس توقع کااظہار کیا ہے کہ موصوف موبائلز کا کاروبار کرنے والے تاجروں کے مسائل حل کروانے کیلئے اپنی تمام تر صلاحتیں بروئے کار لائیں گے ۔
