لاہور (جیوڈیسک) وزیر اطلاعات فواد چوہدری نے کہا ہےکہ بھارت کی جانب سے مدرسے کو جیش محمد کا ہیڈ کوارٹر قرار دینا حقائق کے منافی ہے۔
ٹوئٹر پر جاری بیان میں فواد چوہدری نے کہا کہ قومی سلامتی کمیٹی کے اجلاس میں نیشنل ایکشن پلان پر مکمل عملدرآمد کا فیصلہ ہوا اور اس سلسلے میں ہی حکومت نے گزشتہ روز کچھ اقدامات اٹھائے اور مزید بھی اٹھائے گی۔
انہوں نے کہا کہ اسی سلسلے کے تحت بہاولپور میں میں ایک مدرسے کا انتظام پنجاب حکومت نے اپنے قبضے میں لیا، اس مدرسے پر بھارت پروپیگنڈا کررہا تھا کہ یہ جیش محمد کا ہیڈ کوارٹر ہے۔
وزیراطلاعات نے بتایا کہ اس مدرسے میں تقریباً 700 طالب علم تدریس کے عمل میں مصروف ہیں۔
فواد چوہدری کا کہنا تھا کہ ان کارروائیوں کا مقبوضہ کشمیر کے واقعے سے کوئی تعلق نہیں۔
پاکستانی جہادی تنظیم پر پابندی: اسلام آباد کتنا سنجیدہ ہے؟
ٹرمپ نے پاکستان اور بھارت کے درمیان صورتحال کو انتہائی خطرناک قرار دے دیا
