لاہور (جیوڈیسک) وزیراعظم عمران خان نے کہا ہے کہ پاکستان بھارت کی دھمکیوں میں آنے والا نہیں، اگر وہ دھمکیاں دیں گے تو یہاں پوری قوم ساتھ کھڑی ہے۔
لاہور میں سرکاری ملازمین سے خطاب کرتے ہوئے انہوں نے امید کا اظہار کیا ہے کہ بھارتی قیادت تکبر کو ترک کردے گی اور دونوں ممالک کے تعلقات میں بہتری آئے گی تاہم انہوں نے واضح کیا کہ بھارت تعلقات بہتر کرنے کی خواہش کو کمزوری نہ سمجھے۔
ان کا کہنا تھا کہ بیورکریسی سیاسی مداخلت کے باعث نیچے چلی گئی ہے، ہم اسے غیر سیاسی بنائیں گے۔
آپ کو اس حکومت میں پیشہ ورانہ انداز میں فرائض انجام دینے کا موقع ملےگا، سرکاری ملازمین پر غلط کام کرنے کا پریشر نہیں ڈالا جائے گا۔
انہوں نے کہا کہ ہمارے ملک کا سب سے بڑا مسئلہ گورننس ہے، پبلک پولیس کی عزت کرے تو وہ پولیس آئیڈیل ہوتی ہے۔
عمران خان نے کہا کہ پاکستان مشکل دور سے گزر رہا ہے، ملکی ادارے قرضوں میں ڈوبے ہوئے ہیں۔
سرکاری ملازمین سے مخاطب ہوتے ہوئے انہوں نے کہا کہ جیسی سیاسی حکومت آپ کو ملی ہے ویسی نہیں آئے گی، اس سیاسی حکومت کی قدر کریں۔
وزیراعظم نے کہا کہ ہم چین آف کمانڈ کے ذریعے جائیں گے، براہ راست مداخلت نہیں کریں گے، کبھی کسی ضلع میں کوئی مسائلہ آیا تو وزیراعلیٰ کو بتائیں۔
عمران خان نے کہا کہ ہمیں سارے ملک میں پولیس کو ٹھیک کرنا ہے۔
انہوں نے کہا کہ مجھے بہت تکلیف ہوئی ایک پولیس افسر اور دو افسران پبلک میں چلے گئے، آئندہ ایسی حرکت برداشت نہیں کی جائے گی۔
بلوچستان میں حکومت کی حمایت کرنے والی ملیشیا کے کیمپ پر حملہ، تین ہلاک
رافیل طیاروں کی خریداری میں بد عنوانی، مودی کی نیندیں حرام
