لاہور (جیوڈیسک) معروف بھارتی اداکار رضا مراد واہگہ بارڈر کے راستے پاکستان پہنچے ہیں۔ رضا مراد کہتے ہیں کہ تعلقات کی بحالی کے لیے ثقافتی وفود کاتبادلہ ضروری ہے۔ بھارتی مہمانوں کا کہنا ہے کہ پاک بھارت تعلقات میں بہتری اور بھائی چارے کی فضا کیلئے ثقافتی وفود کے تبادلے ضروری ہیں۔
سینئر بھارتی اداکاررضا مراد اہلیہ کے ہمراہ واہگہ بارڈر کے راستے پاکستان پہنچے، اس موقع پر میڈیا سے گفتگو کرتے ہوئے رضا مراد کا کہنا تھا کہ پاک بھارت تعلقات میں بہتری کے لیے امن کی آشا کا اہم کردار ہے، مستقل دوستی کیلئے ثقافتی اور تجارتی رابطے بھی انتہائی مثبت کردار ادا کریں گے۔
اداکاررضا مراد کی اہلیہ کا کہنا تھا کہ وہ پہلی بار پاکستان آئی ہیں، انہیں یقین ہے کہ وہ اپنے ساتھ خلوص اور خوبصورت یادیں لے کر جائیں گی۔ بھارتی مہمان پاکستان میں اپنے قیام کے دوران لاہور کے بعد اسلام آباد اور کراچی جائیں گے جو 14 روزہ دورے کے بعد 27 مارچ کو واپس بھارت روانہ ہو جائیں گے۔
لاہور:نرسوں کا دھرنا جاری، پنجاب حکومت سے مذاکرات ناکام
لاہور:احتجاجی نرسیں 3 سالہ کنٹریکٹ کی پیشکش پر 2 دھڑوں میں بٹ گئیں
