چنئی(جیوڈیسک) انڈین پریمیئر لیگ کے میچ میں پونے واریئرز نے چنئی سپر کنگز کو 24 رنز سے ہرادیا۔ چنئی میں پونے واریئرز کو ایرون فنچ اور روبن اتھپا نے 96 رنز کا شاندار آغاز فراہم کیا، ایرون فنچ نے 67رنزکی شاندار اننگز کھیلی، اتھپا 27 رنز بناکر آوٹ ہوئے۔ اس کے بعد اسمتھ نے بھی خوب بیٹنگ کی۔
39 رنز بنا کر ٹیم کا اسکور 5 وکٹ پر 159 رنز تک پہنچانے میں اہم کردار ادا کی۔ چنئی کی جانب سے مورس اور براوو نے 2، 2 کھلاڑیوں کو آوٹ کیا۔ جواب میں دھونی الیون شروع سے لڑکھڑاگئی۔
مرلی وجے اور بدری ناتھ کچھ دیر کریز پر ٹھہرے مگر بڑی اننگز نہ کھیل سکے، وجے 24 اور بدری ناتھ 34 رنز بناپائے۔ رویندرا جڈیجہ کی اننگز بھی 27 رنز پر ختم ہوگئی ، چنئی سپرکنگز مقررہ اوورز میں 135 رنز بناسکی یوں پونے نے میچ 24 رنز سے جیت لیا۔
پی سی بی کو 140 کی رفتار سے گیند کرانے والا بولر نہ مل سکا
ایشین اسنوکر چیمپئن شپ: پاکستانی کھلاڑیوں کا تربیتی کیمپ شروع
