دبئی (جیوڈیسک) بھارت میں چھوٹی اسکرین کی سپر اسٹار سارہ خان اب پاکستانی ٹیلی فلم میں بھی کام کریں گی۔
نجی انٹرٹینمنٹ ٹی وی چینل پر عید الفطر کے موقع پر ’’تجھ سے ہی رابطہ‘‘ نامی ٹیلی فلم نشر کی جائے گی، ٹیلی فلم کی کہانی ایک ایسے شخص کے گرد گھومتی ہے جس نے دو شادیاں کررکھی ہیں اور وہ پیار اور فرض کے درمیان الجھا ہوا ہے۔
یہ کردار دبئی سے تعلق رکھنے والے بھارتی نژاد اداکار یاسر شاہ نبھائیں گے جو ٹیلی فلم کے معاون پروڈیوسر بھی ہیں۔ اداکارہ سارہ خان ٹیلی فلم میں یاسر شاہ کی دوسری بیوی کا کردار نبھائیں گی جو بھارتی نژاد کینیڈین ہے۔
واضح رہے کہ بھارتی ٹی وی چینل میں نشر کئے گئے فیملی سوپ ’بدائی‘ میں اپنی جاندار اداکاری کے ذریعے سارہ خان پاکستان کے ٹی وی ناظرین میں خاصی مقبول ہیں۔
فلم اے موسٹ وانٹڈ مین کا نیا ٹریلر انٹرنیٹ پر جاری
فلموں میں ابھی حقیقی کامیابی نہیں ملی : عالیہ بھٹ
