سیالکوٹ (جیوڈیسک) بھارت کا جنگی جنون ختم ہونے کا نام نہیں لے رہا اور آج ایک بار پھر بھارتی فوج نے چپراڑ سیکٹر میں بلا اشتعال فائرنگ کی۔
بھارتی فوج نے ایک بار پھر ورکنگ باؤنڈری پر سیز فائر کی خلاف ورزی کرتے ہوئے سیالکوٹ کے چپراڑ سیکٹر میں بلا اشتعال فائرنگ کی۔ پنجاب رینجرز کی جانب سے بھارتی جارحتی کا بھرپور جواب دیا گیا اور بھارتی گنوں کو خاموش کرادیا۔
واضح رہے کہ گزشتہ ماہ بھی ورکنگ باؤنڈری اور ایل او سی پر بھارتی جارحیت کے باعث 14 پاکستانی شہری شہید جب کہ درجنوں زخمی ہوئے تھے۔
پاکستان کی جانب سے بھارتی جارحیت کا معاملہ بین الاقوامی سطح پر اٹھانے کا فیصلہ کیا گیا اور حال ہی میں وزیر داخلہ چوہدری نثار علی خان نے پاکستان میں بھارتی مداخلت کے ثبوت برطانوی حکام کو فراہم کئے ہیں۔
ایم کیو ایم سے مذاکرات میں تعطل، حکومت کی فضل الرحمن کو الطاف حسین سے رابطے کی ہدایت
رشید گوڈیل کی حالت میں بہتری، ڈاکٹروں کی اجازت کے باوجود گھر جانے سے انکار
