سری نگر (جیوڈیسک) مقبوضہ کشمیر میں بھارتی فوجیوں نے ریاستی دہشت گردی کی تازہ کارروائی کے دوران ضلع کپواڑہ میں4 کشمیری نوجوانوں کوشہیدکردیا، اسی علاقے میں حملے میں ایک بھارتی فوجی ہلاک اور3 زخمی ہو گئے۔
کشمیرمیڈیا سروس کے مطابق ہندواڑہ کے علاقے ویلگام میں تلاشی اور محاصرے کی ایک کارروائی کے دوران بھارتی فوجیوں نے4 نوجوانوں کو موت کے گھاٹ اتار دیا، ریاستی فوجیوں نے اس علاقے میں آپریشن جاری رکھا ہوا ہے۔ بھارتی فوج نے دعویٰ کیا کہ شہید ہونے والے نوجوان مجاہد تھے جنھیں ایک مقابلے میں قتل کیاگیا۔
اس سے قبل اسی علاقے میں ایک حملے میں ایک بھارتی فوجی ہلاک اور3 زخمی ہوگئے۔ فوجیوں نے ضلع بارہ مولہ میں رفیع آباد کے علاقے لاڈورو میں تلاشی اور محاصرے کی کارروائی کے دوران 4 مکان تباہ اور ایک نوجوان کو گرفتار کرلیا۔
ضلع پلوامہ کے علاقے لیلہار میں پولیس اہلکاروں نے فلاحی ادارے کے کارکنوں کے ایک گروپ کو اپنے موبائل فون سیٹوں میں مجاہدین کی تصاویراور وڈیوز رکھنے پربدترین تشدد کا نشانہ بنایا۔
پاکستان مؤقف پر ڈٹا رہا تو بھارت دنیا کے سامنے جوابدے ہو گا: علی گیلانی
پاکستان دہشت گردوں کیخلاف کارروائی نہیں کر رہا، اشرف غنی کا الزام
