ایک بار مدینہ منورہ میں قحط پڑ گیا لوگ بھوک کے ہاتھوں مجبور ہو کر فاقے کرنے لگے ایک روزبڑے میدان میں عوام الناس کو بہترین کھانا دینے کا اہتمام کیا گیا ایک شخص نے کھانا تقسیم کرنے والے منتظم سے دو افراد کے کھانے کا مطالبہ کیا۔۔۔ منتظم نے پو چھا سب اپنا اپنا کھانا لے رہے ہیں تم دو افراد کیلئے کیوں مانگ رہے ہو۔۔۔۔
ایک اپنے لئے اور ایک اس کیلئے جو باسی روٹی پانی میں بھگو کر کھا رہا ہے اس شخص نے دور بیٹھے بارریش کی طرف اشارہ کرتے ہوئے جواب دیا تم اسے جانتے ہو؟” منتظم نے دریافت کیا نہیں۔۔۔اس شخص نے نفی میں سر ہلاتے ہوئے کہامیں جانتا تو نہیں لیکن اسے باسی روٹی پانی میں بھگو کر کھا تے دیکھ کر بڑا ترس آیا کہ سب اچھا کھانا کھا رہے ہیں وہ کیوں نہیں؟۔
وہ۔۔منتظم نے ان کی طرف اشارہ کرتے ہوئے جواب دیا ہمارے امیرالمومنین حضرت ابو بکر صدیق ہیں آپ سب لوگوں کیلئے کھانے کا اہتمام ان کی طرف سے ہی کیا گیاہے وہ شخص یہ سن کر دنگ رہ گیا۔۔۔۔اسلامی تاریخ کا یہ درخشندہ واقعہ آج بھی ہمیں دنگ کررہا ہے کہ دور ِ حاضر میںپوری اسلامی دنیا میں ایسا ایک حکمران بھی نہیں جوکم ازکم ان جیسے کسی ایک اوصاف کا مالک بھی ہو۔۔۔ عرب ممالک میں بیشتر میں تو بادشاہت ہے جو سیاہ و سفید کے مالک ہیں رہا پاکستان تو اس ملک میںایک سابق صدر اور دو وزراء اعظم پر کرپشن کے کیس چل رہے ہیں اس کے باوجودوہ اب بھی ہمارے قومی رہنما گردانے جاتے ہیں اس سے زیادہ ڈھٹائی کی مثال دنیا ۔۔۔۔ پیش کرنے سے قاصر ہے۔۔جب وہ کرپشن کیسز میں عدالتوں میں پیشی کیلئے جاتے ہیں تو زندہ باد۔۔ جیوے جیوے ۔۔۔آوے ای آوے کے نعرے لگانے والوں کی کوئی کمی نہیں شاید اس لئے کہ اس ملک میں آوے کا آوے ہی بگڑا ہوا ہے۔۔۔بحث و مباحثے میں کچھ لوگ جب اپنے اسلاف کی مثالیں دیتے ہیں تو جھٹ ان کو نظر انداز کرکے کہا جاتا ہے کہ چھوڑو یہ ماضی کے قصے ہیں آج کی بات کرو ۔۔حالانکہ۔
خودی کو بلند اتنا کہ ہر تقدیر سے پہلے خدا بندے سے خود پوچھے تیری رضا کیا ہے
کبھی کبھی دل اپنے ملک کی حالت،لوگوں کی حالت ِ زار دیکھ کرملول ہو جاتاہے جس ملک میں بیشتر آبادی کو پینے کا صاف پانی پینے کو میسرنہ ہو۔۔ جہاں لوگ محض دووقت کی روٹی کیلئے روز مرتے روز جیتے ہوں ۔۔ جہاںکی عوام اپنے بنیادی حقوق کیلئے ترستی رہے۔۔جہاں تعلیم اور صحت منافع بخش کام بن جائے۔۔ جہاں غربت لوگوں کی بدنصیبی بن گئی ہو وہاں حالات کیسے بہتر ہو سکتے ہیں اور اس بے چارے عام آدمی کی شنوائی کیونکر ہو جہاں انصاف بکتاہے اور اس کے حصول کے لئے خجل خوار ہونا نصیب بن جائے حیف ہے ان حکمرانوںپر جو غیرملکی دوروںپرجا کربھی صرف اپنی بہتری کیلئے سوچیں اور عوام کی بہتری کیلئے کچھ نہ کریں اور غریب کو اپنی بیمار ماں کے علاج ،بہن کی شادی یا اپنے بچوںکودو وقت کی روٹی کھلانے، یا پھر کوئی کام کاج کیلئے اپنے گردے بیچنے پڑیں یا اپنے لخت ِ جگر فروخت کا بورڈ آویزاں کرنے پر مجبور ہو جائے گھٹ گھٹ کر جینا مقدر بن جائے۔
Poverty
قسطوں میں موت نصیب بن جائے تو ان کے دل میں وطن کی محبت خاک ہو گی اور ہمارے حکمران ہیں کہ وہ عام آدمی کے بارے میں سو چنا بھی گوارا نہیں کرتے حالانکہ ان کو یہ بات پیش ِ نظرر کھنی چاہیے کہ اب دنیا کا منظر نامہ بدل رہا ہے۔ حالات یکسر چینج ہورہے ہیں۔حکمرانی کے انداز تبدیل ہورہے ہیں اب عوام کو زیادہ دیر تک بیوقوف بنانا ممکن نہیں ہے۔۔۔ اب حکمرانوں کو عوام کو کچھ نہ کچھ ڈلیور کرنا پڑے گا۔۔۔ کچھ نہ کچھ ریلیف دینا ہوگا۔۔۔کچھ نہ کچھ انقلابی اقدامات کرنا ہوں گے۔۔۔مداری جیسا تماشہ دکھانے کے دن گئے۔۔اب تو لگتاہے تماشہ دکھانے والے کہیں خود نہ تماشا بن جائیں کیا ہمارے حکمرانوں کا اقتدار رضاشاہ پہلوی سے زیادہ مضبوط ہے؟۔۔۔کیا کرنل قذافی کے ساتھ جو کچھ ہوا کسی اور کے ساتھ نہیں ہو سکتا؟۔۔۔کیا صدام حسین کا انجام یادنہیں۔۔۔کیا حسنی مبارک بھی بھول گئے؟۔۔۔کیا لیبیا ۔تیونس ،مراکش،عراق ،ایران اور مصر میں پنپنے والی تحریکیں دنیا پر اثرات مرتب نہیں کررہیں ؟۔۔ بناوٹی باتیں،بلند بانگ دعوے کرنے اورزمین و آسمان کے قلابے ملانے سے عوام کی حالت اور ان کے حالا ت کبھی تبدیل نہیں ہو سکتے اس کے لئے عملاً کچھ نہ کچھ کرنا پڑتاہے۔۔یہاں ظالم ا تنے طاقتور، بااثر اورصاحب ِ اختیار کیوںہیں کہ آئین اور قانون بھی ان کے سامنے بے بس ہوگیاہے اس لئے ہرروز ایک نیا سانحہ جنم لے رہاہے۔۔ہررات ظلم کی ان گنت کہانیاں جنم لیتی ہیں۔۔۔ہر سورج مظلوموں کیلئے نیا امتحان لے کر طلوع ہوتا ہے کبھی مظلوم خودسوزی کرتے ہیں لیکن بااثر ملزمان کا کچھ نہیں بگڑتا الغرض سمجھ نہیں آتی ہر قسم کی سماجی قباحتوںاور عجیب رسم و رواجوں اور برائیوںمیں جکڑا یہ معاشرہ کب سدھرے گا؟ہمارے حکمران ہیں کہ روز نیا دعوےٰ کرتے ہیں۔
ان کے حواری تعریف میں زمین و آسمان کے قلابے ملاتے ہوئے تھکتے نہیں اورمزے کی بات یہ ہے کہ انہیں کوئی شرم بھی محسوس نہیں ہوتی لیکن عوام کی حالت جوں کی توں ہے وزیرِ اعظم ذوالفقار علی بھٹو ہوں صدر ضیاء الحق کا طوطی بول رہاہو بے نظیر بھٹو کی حکومت ہو یا پھر غلام اسحق خان کا دور۔۔ آصف علی زرداری کرسی ٔ صدارت پر جلوہ افروز ہوں یامیاں نواز شریف وزارت ِ عظمیٰ پر فائزہوجائیں غریبوں کے حالت وہی ہیں ان کے حالات بدلنے کا نام نہیں لیتے صرف چہرے تبدیل ہوتے رہتے ہیں نظام وہی رہتا ہے۔۔ جس روز عوام کو اپنی طاقت کااندازہ ہوگیا دریا جھوم اٹھیںگے ۔۔غربت کو عوام کی بدنصیبی بنانے والوں کا حشر نشر ہو جائے گا۔۔
فتح مبارک، غزہ تو ہمیشہ زندہ رہے گا
انتخابات احتساب جمہوریت کا حل
