اسلام آباد (جیوڈیسک) وزیردفاع خواجہ آصف نے کہا ہے کہ تمام ادارے اپنا اوراپنے افراد کا دفاع کرتے ہیں۔پارلیمنٹ سب سے مقتدر ادار ہ ہے۔ قومی اسمبلی میں خطاب کرتے ہو ئے وزیر دفاع خواجہ آصف کا کہنا تھا کہ اب اس روایت کو بدلنا ہو گا، پارلیمنٹ جمہوریت کا مستحکم ادارہ ہے اور سب سے بڑا مقتدر ادارہ ہے۔
ماضی کی طرح ایسا تاثر نہ پھیلایا جائے کہ پارلیمنٹ محترم نہیں، جب بھی اقتدار پر شب خون مارا جاتا ہے تو ہمارے اپنے ساتھی ہی ان کا ساتھ دے کر ہمیں نیچا دکھاتے ہیں، حکومت اور اپوزیشن کی لفظی جنگ کے بھی کچھ قواعد ہونے چاہئیں۔ اگر ایسا کریں گے تو دوسروں سے پارلیمنٹ کا تقدس پامال نہ کرنے کی توقع کیسے کی جا سکتی ہے۔
سبی ریلوے اسٹیشن پر جعفر ایکسپریس میں دھماکے سے 7 افراد جاں بحق، 20 زخمی
تحریک انصاف کا تحفظ پاکستان بل کیخلاف سپریم کورٹ جانے فیصلہ
