لاہور (جیوڈیسک) پنجاب اولمپک ایسوسی ایشن کا کہنا ہے کہ عبوری کمیٹی کے زیر اہتمام نیشنل گیمز میں شرکت کرنے والے کھلاڑیوں اور آفیشلز پر پابندی عائد کر دی جائے گی۔ لاہور اولمپک ہاس میں پنجاب جنرل کونسل اجلاس کے بعد پریس کانفرنس کرتے ہوئے سیکرٹری خواجہ محمد ادریس نے بتایا کہ عبوری کمیٹی کے زیر اہتمام نیشنل گیمز غیر قانونی ہے۔
گیمز کرانے کا مینڈیٹ صرف پاکستان اولمپک کے پاس ہے۔ انھوں نے کہا کہ غیر قانونی نیشنل گیمز میں پنجاب سے کوئی کھلاڑی شرکت نہیں کرے گا اور اگر کرتا ہے تو اس پر پابندی لگائی جائے گی۔ انھوں نے کہا کہ رانا مجاہد کو عبوری کمیٹی کا سیکریٹری بننے پر پنجاب اولمپک کی نائب صدارت کے عہدے سے ہٹا دیا گیا ہے۔
انڈین پریمیئر لیگ کو کرپشن سے پاک کرنے کیلئے بارہ نکاتی ایجنڈا پیش
میلبورن : فٹبال ورلڈ کپ کوالیفائنگ رانڈ، آسٹریلیا کی اردن کو شکست
