پاکستانی کرکٹر سلمان بٹ کی آئی سی سی کی جانب سے پابندی کیخلاف اپیل کی سماعت سوئٹزر لینڈ میں کھیلوں کی عالمی ثالثی عدالت میں آج ہوگی۔ جبکہ کل فاسٹ بولر محمد آصف کے کیس کی سماعت ہوچکی ہے۔
سوئٹزرلینڈ کے شہر لوزان میں سماعت کیلئے محمد آصف اپنے وکیل روی سکل کے ہمراہ شریک ہوئے۔ سماعت تین قانونی ماہرین پر مشتمل پینل نے کی۔ آئی سی سی کی نمائندگی برطانوی لیگل فرم برڈ اینڈ برڈ نے کی جبکہ اس موقع پر کرکٹ کی عالمی تنظیم کے حکام بھی موجود تھے۔ سلمان بٹ کی اپیل کی سماعت آج ہوگی۔
آئی سی سی نے فروری دوہزار گیارہ کو اسپاٹ فکسنگ میں پاکستانی کرکٹرز محمد آصف کو سات اور سلمان بٹ کو دس سال کی پابندی کی سزا سنائی تھی۔ سلمان اور آصف نے پابندی کے خلاف اپیل کی ہے لیکن پانچ سالہ پابندی کی سزا پانے والے نوجوان فاسٹ بولر محمد عامر نے اپیل دائر نہیں کی۔
میچ میں شکست، شائقین نے مخالف گول کیپر کی دھنائی کر دی
رافیل نڈال چلی اوپن ٹینس ٹورنامنٹ کے سیمی فائنل میں پہنچ گئے
