اسلام آباد (جیوڈیسک) نیسپاک نے ملک میں 15اور 21 جنوری کے بجلی کے دو بڑے ڈاونز کی انکوائری مکمل کرلی ہے ،جس میں بریک ڈائون کا ذمہ دار جنرل منیجر جینکو سبز علی خان کو ذمہ دار ٹھہرایا گیا ہے۔
گزشتہ روز جامشورو میں ہائی ٹینشن لائن ٹرپ ہونے سے کراچی میں طویل بریک ڈاؤن رہا ،شہریوں کو دن بھر مشکلا ت کا سامنا کرنا پڑا جبکہ نیسپاک نے 15اور 21 جنوری کو ہونے والے بجلی کے 2بڑے بریک ڈائونز جن کی وجہ ملک کا بڑا حصہ کئی گھنٹے تک اندھیرے میں ڈوبا رہا کی انکوائری مکمل کرکے جنرل منیجر جینکو کو ذمہ دار قرار دیا ہے۔
وزارت پانی و بجلی نے انکوائری کے لیے نیسپاک کو کنسلٹنٹ مقرر کیا،جس کے انجینئرز اور ماہرین نے تحقیقات مکمل کر کے رپورٹ وزارت پانی و بجلی کو بھجوا دی۔
رپورٹ کے مطابق بریک ڈاؤن کے ذمہ دار جنرل منیجر جینکو سبز علی خان ہیں، رپورٹ میں بتایا گیا ہے کہ 15 جنوری کو سسٹم پر دھند سے بچاؤ کے انسولیٹرز نہیں لگے ، جس کی وجہ سے بریک ڈاؤن ہوا، اس بریک ڈاؤن کے بعد اقدامات کیے جاتے تو 21 جنوری کے بریک ڈاؤن کا واقعہ پیش نہ آتا۔
رپورٹ کے مطابق 10 ماہ سے اسٹورز میں انسولیٹرز موجود نہیں، اور نا ہی ان کی خریداری کے لیے آرڈر دیا گیا، 4 چیف انجینئرز نے اس جانب نشاندہی کی تھی، لیکن جی ایم سبز علی خان نے توجہ نہیں دی۔
حلال فوڈ اور اسلامی مقامات کی زیارت پر 3700 ارب ڈالر خرچ کرنے کا اعلان
پاکستان میں گزشتہ سال 41 ہزار پرانی گاڑیاں برآمد؛ آٹو سیکٹر کے تحفظات ڈیلرز نے مسترد کر دیے
