اقبال قاسم اسپورٹس کی ترقی کے لئے کوشاں ہیں۔ خدا بخش بلوچ

Posted on November 4, 2013 By Majid Khan کراچی

کراچی : اقبال قاسم ملک بھر میں اسپورٹس کی ترقی اور اس کے فروغ کے لئے کوشاں ہیں ،کھیل کے فروغ اور اس کی سرپرستی سے ملک بھر میں صحت مند سرگرمیوں کو فروغ حاصل ہوگا ان خیالات کا اظہار ڈسٹرکٹ فٹ بال ایسوسی ایشن لسبیلہ کے صدر خدابخش بلوچ اور ایل ڈی سی اے کے صدر ظفر اللہ رونجا نے اپنے ایک مشترکہ بیان میں کیا انہوں نے مزید کہا کہ پاکستان بھر خصوصاً بلوچستان میں صحت مند سرگرمیوں کے فروغ اور فٹ بال سمیت تمام کھیلوں کی ترقی اور سرپرستی کا جو بیڑہ اقبال قاسم نے اُٹھا یا ہے۔

اس سے قبل کسی نے ضرورت محسوس نہیں کی بلوچستان کے جملہ تمام عہدیداروں نے فٹ بال اور کرکٹ سمیت تمام کھیلوں کے مقابلوں کے انعقاد پر اقبال قاسم کا تہہ دل سے شکریہ ادا کیا۔ انہوں نے کہاکہ قومی مالیاتی ادارے نیشنل بنک کی جانب سے ملک بھر میں خصوصاً بلوچستان میں اسپورٹس کی ترقی میں اہم کردار ہے اور اس کا سہرہ اقبال قاسم اور اُن کی ٹیم کو جاتا ہے اس موقع پر عہدیداروں نے نیشنل بنک فٹ بال چمپئن شپ کے لئے مالی معاونت پر شکریہ ادا کیا۔

by Majid Khan

Nasir Mehmood - Chief Editor at GeoURDU.com

Find on Google+ Follow me opinions Website