ایران (جیوڈیسک) اقوام متحدہ کی عالمی عدالت نے امریکہ سے کہا ہے کہ وہ ایران پر ایسی پابندیاں ختم کرے جن سے انسانی ضروریات کی اشیاء کی فراہمی متاثر ہوئی ہے۔
آج دی ہیگ میں قائم عالمی عدالت انصاف نے امریکی حکومت کے لیے احکامات جاری کرتے ہوئے کہا کہ ایران پر خوراک، زرعی مصنوعات، طیاروں کے پرزے، ادویات اور طبی آلات کی فراہمی پر عائد پابندیوں کو ختم کیا جائے۔
عدالت نے ان اشیاء کو ایرانی عوام کے لیے ضروری قرار دیا ہے ۔
عدالت میں ایران کا موقف تھا کہ ٹرمپ انتظامیہ کی پابندیاں امریکہ اور ایران کے درمیان طے پانے والے سن 1955 کے معاہدے کی خلاف ورزی ہے۔
واضح رہے کہ امریکی وزیرخارجہ مائیک پومپیو نے مئی کے ماہ میں ایران پر تاریخ کی سخت ترین پابندیاں عائد کرنے کی دھمکی دیتے ہوئے کہا تھا کہ یہ ایران کے لئے درد ناک ثابت ہوں گی۔ اس کے علاوہ واشنگٹن انتظامیہ نے انتباہ کیا تھا کہ وہ مشرق وسطیٰ پر ایران کا اثرورسوخ ختم کرنے کی کوشش کرے گی۔
فواد چوہدری کو سینیٹ سے نکل جانے کا حکم
کلبھوشن جادیو کیس عالمی عدالت انصاف میں سماعت کیلئے مقرر
