اسرائیل (اصل میڈیا ڈیسک) اسرائیل نے اعلان کیا کہ اس نے ایک نئے بحری فضائی دفاعی نظام کا کامیاب تجربہ کیا ہے اور خطرات کے ایک سلسلے کو روک دیا ہے جسے حکام نے خطے میں ایران اور اس کے پراکسیوں کے خلاف تحفظ کی ایک اہم پیش رفت قرار دیا ہے۔
’سی ڈوم‘ سسٹم آئرن ڈوم کا بحری ورژن ہے جسے گذشتہ ایک دہائی کے دوران غزہ کی پٹی سے داغے گئے راکٹوں کو مار گرانے کے لیے استعمال کیا جاتا رہا ہے۔
’سی ڈوم ‘ جدید ترین اسرائیلی جنگی جہازوں پر نصب کیا جائے گا جو بحیرہ روم میں قدرتی گیس سے اسرائیل کے ساحلوں اور سمندری تنصیبات کی حفاظت کرے گا۔
وزارت دفاع نے کہا کہ دونوں ٹیسٹوں میں میزائل، کروز میزائل اور ڈرون سمیت متعدد خطرات کا مقابلہ کیا گیا۔
وزیر دفاع بینی گینٹز نے کہا کہ اسرائیل کے ملٹی لیئرڈ میزائل ڈیفنس سوٹ کے حصے کے طور پر ہم جو سسٹم تیار کرتے ہیں وہ ہمیں خطے میں ایرانی پراکسیوں کے خلاف کام کرنے اور ان کے ہتھیاروں کے نظام کے خلاف دفاع کرنے کے قابل بناتے ہیں جو مسلسل اپ گریڈ کیے جا رہے ہیں۔
انہوں نے مزید کہا کہ ہم ان سے دو قدم آگے ہیں۔ ہم خطے میں سلامتی کی برتری کو برقرار رکھنے کے لیے اپنی صلاحیتوں کو ترقی اور جدید بنانا جاری رکھیں گے۔
’ڈوم سی‘ اسرائیل کے ملٹی لیئرڈ میزائل ڈیفنس سسٹم کا حصہ بن جائے گا جس میں ایسے ہتھیار شامل ہوں گے جو طویل فاصلے سے لے کر کم فاصلے تک مار کرنے والے میزائلوں کو روکنے کی صلاحیت رکھتے ہیں۔
یہ ٹیسٹ ایسے وقت میں ہوا ہے جب خطے میں کشیدگی میں اضافہ دیکھا جا رہا ہے۔ ایرانی حمایت یافتہ لبنانی ملیشیا حزب اللہ نے گذشتہ ہفتے دو ڈرونز اسرائیلی فضائی حدود میں داخل کیے تھے۔
خیال کیا جا رہا ہے کہ ایران عالمی طاقتوں کے ساتھ ایک نئے بین الاقوامی جوہری معاہدے پر دستخط کرنے والا ہے جس سے پابندیوں میں نرمی آئے گی۔ اسرائیل اس معاہدے کی مخالفت کرتا ہے اور اسے خدشہ ہے کہ ایران جاری کردہ فنڈز حزب اللہ جیسی پراکسیوں کو منتقل کر دے گا۔
جازان کے شاہ عبداللہ ہوائی اڈے پر حوثی ڈرون حملہ، چار شہری زخمی
یوکرین روس کشیدگی، برنی سینڈرز کی امریکا پر تنقید
