عراق کے گرینڈ آیت اللہ محمد سعید الحکیم انتقال کرگئے

Ayatollah Mohammed Saeed Al-Hakeem

عراق (اصل میڈیا ڈیسک) عراق کے گرینڈ آیت اللہ محمد سعید الحکیم 85 سال کی عمر میں انتقال کرگئے۔

ان کے قریبی ذرائع کے مطابق محمد سعید الحکیم جمعے کو 85 سال کی عمر میں عراق کے شہر نجف میں دل کا دورہ پڑنے سے انتقال کر گئے۔

فرانسیسی خبر رساں ایجنسی کے مطابق ان کی نماز جنازے ہفتے کو نجف اور کربلا میں اداکی جائے گی جبکہ ان کی تدفین نجف میں ہوگی۔

ذرائع کے مطابق آیت اللہ محمد سعید الحکیم کا 3 دن قبل نجف کے اسپتال میں آپریشن ہوا اور آج دل کا دورہ پڑنے سے انتقال کرگئے ۔

عراقی صدر برہم صالح نے ایک بیان میں گرینڈ آیت اللہ محمد سعید الحکیم کے انتقال پر افسوس کا اظہار کیا۔

اس کے علاوہ بغداد میں قائم امریکی سفارت خانے نے بھی آیت اللہ محمد سعید کے انتقال پر تعزیت کی۔

Nasir Mehmood - Chief Editor at GeoURDU.com