تہران (جیوڈیسک) ایران کے صدر حسن روحانی کا کہنا ہے کہ ان کا ملک عراق میں موجود مقدس مقامات کے تحفظ کے لئے ہر ممکن قدم اٹھائے گا۔
ایران عراق سرحدی شہر خرم آباد میں ایرانی صدر کا کہنا تھا کہ عراق ہمارا ہمسایہ ملک ہونے کے علاوہ مذہبی طور پر بھی اہمیت رکھتا ہے، اس ملک میں کربلائے معلی، نجف اشرف، قدیمیہ اور سمارا جیسے مقامات ہیں جن سے اسلام کی تاریخ کے روشن پہلو منسلک ہیں۔
ایران اور اس کے عوام ان مقمامات کی حفاظت کے لئے ہر ممکن قدم اٹھائیں گے۔ ان کا کہنا تھا کہ یہ بات خوش آئند ہے کہ عراق میں حکومت کے خلاف لڑنے والوں کی سرکوبی کے لئے عوام کی بڑی تعداد مسلک اور نسل سے بالاتر ہو کر مقامی فوج کے شانہ بشانہ لڑ رہی ہے۔
واضح رہے کہ عراق میں حکومت مخالف گروپ داعش اور سرکاری فوج کے درمیان گھمسان کی لڑائی جاری ہے اور کئی شہروں پر اس گروپ نے قبضہ کرلیا ہے۔
مشین بے قابو ہو جائے تو ایسا بھی ہوسکتا ہے
چین: 248 کلو وزنی نوجوان کو تین سال بعد فلیٹ سے باہر نکال لیا گیا
