بغداد (جیوڈیسک) عراق میں عسکریت پسندوں نے ملٹری بیس سے اغوا کئے گئے 20 فوجیوں کو قتل کرنے کے بعد لاشیں پھینک دیں جبکہ پرتشدد واقعات میں پولیس اور فوجی اہلکاروں سمیت مزید 13 افراد مارے گئے۔
غیر ملکی خبررساں ادارے کے مطابق عراق میں جاری خون ریزی انتہا کو پہنچ گئی اور رواں سال کے ابتدائی 5 ماہ کے دوران پرتشدد واقعات میں ہلاکتوں کی تعداد 3 ہزار سے تجاوز کر گئی۔
تازہ کارروائی میں عسکریت پسند شمالی صوبہ نائنوے کے ملٹری بیس پرحملہ کرکے 20 فوجیوں کو اپنے ہمراہ لے گئے جن کی لاشیں بعدازاں حکام کو مل گئیں، حکام کے مطابق فوجیوں کو 5 مئی کو بیس سے اغوا کیا گیا تھا جن کی تشدد زدہ لاشیں ملیں اور انہیں گولیاں مار کر ہلاک کیا گیا۔
عسکریت پسندوں کی جانب سے واقعہ کی ذمہ داری قبول کرتے ہوئے آئندہ بھی اس قسم کے حملے جاری رکھنے کی دھمکی دی گئی ہے جبکہ حکام نے صوبے بھر میں فوجی چھاؤنیوں کی سیکیورٹی سخت کرتے ہوئے شر پسندوں کے خلاف کارروائی تیز کرنے کے احکامات جاری کردیئے۔
بھارت میں لوک سبھا کے انتخابات کے آ خری مرحلے میں ووٹنگ جاری
افغان صوبے قندھار میں فوجی گاڑی پر خودکش حملہ، 5 افراد ہلاک
