عراقی پارلیمان کی قائمہ کمیٹی برائے خارجہ امور کے چیئرمین ڈاکٹر شیخ ھمام حمودی سے ملاقات

Posted on December 13, 2013 By Majid Khan سٹی نیوز

مجلس وحدت مسلمین کے چھ رکنی وفد نے پاکستان کے دورے پر آئے ہوئے عراقی پارلیمان کی قائمہ کمیٹی برائے خارجہ امور کے چیئرمین ڈاکٹر شیخ ھمام حمودی سے ملاقات کی اور دوطرفہ امور پر تبادلہ خیال کیا۔وفد کی قیادت ایم ڈبلیو ایم پنجاب کے ترجمان علامہ اصغر عسکری نے کی جبکہ دیگر افراد میں مولانا اسرار گیلانی، مولانا ضیغم عباس، زاہد حسین اوراللہ بخش موجود تھے۔مجلس وحدت مسلمین کے وفد نے ڈاکٹر ھمام حمودی کی پاکستان آمد کا خیرمقدم کیا اور توقع ظاہر کی کہ ان کے دورے سے دونوں ممالک کے مابین تعلقات میں وسعت آئیگی اور تجارت سمیت دیگر تعلقات میں بہتری آئے گی۔

اس موقع پر علامہ اصغر عسکری کا کہنا تھا کہ عراقی عوام کی آمریت کے خاتمے اور جمہوری حکومت کے قیام کیلئے بے پناہ خدمات ہیں جن کی پاکستانی عوام قدردانی کرتے ہیں، صدام جیسے آمر سے ٹکرانا اور امریکہ کیخلاف سینہ سپر ہونا بلاشبہ ایک بہت بڑا کارنامہ ہے۔ ان کا کہنا تھا کہ پاکستان اور عراق کے درمیان کافی مماثلتیں پائی جاتی ہیں۔ یہاں کے عوام نے بھی کئی آمروں کیخلاف جہدوجہد کی اور قربانیاں پیش کیں، اسی طرح دونوں ممالک کے عوام تکفیریت اور دہشتگردی کیخلاف جنگ میں مصروف ہیں اور قربانیاں دے رہے ہیں۔ ایم ڈبلیو ایم کے وفد نے ڈاکٹر شیخ حمام حمودی سے پاکستانی زائرین کو ویزہ کیلئے پیش آنے والی مشکلات کا بھی زکر کیا، اس پر ڈاکٹر حمادی نے یقین دہانی کرائی کہ وہ پہلی فرصت میں عراقی وزارت خارجہ سے اس ایشو پر بات کرینگے۔

by Majid Khan

Nasir Mehmood - Chief Editor at GeoURDU.com