اسلام آباد (جیوڈیسک) تھانہ گولڑہ میں بینک ڈکیتی کے بعد فرار کے دوران ڈاکوؤں کی فائرنگ سے ایک پولیس اہلکار جاں بحق جبکہ 3 افراد زخمی ہوگئے۔ اسلام آباد کے تھانہ گولڑہ کی حدود میں واقع ایک نجی بینک میں 4 مسلح افراد داخل ہوئے اور انہوں نے وہاں موجود افراد کو یرغمال بناکر لاکھوں روپے لوٹ لئے۔
ڈکیتی کے دوران وہاں موجود کسی شخص نے پولیس کو اطلاع کردی۔ ڈاکو رقم سمیٹ کر فرار ہورہے تھے کہ پولیس آن پہنچی، پولیس کو دیکھ کر ڈاکو فائرنگ کرتے ہوئے فرار ہوگئے تاہم فائرنگ کی زد میں آکر ابرار نامی پولیس اہلکار موقع پر ہی جاں بحق جبکہ دو اہلکاروں سمیت 3 افراد زخمی ہوگئے۔
پولیس کا کہنا ہے کہ مفرور ڈاکوؤں کی تلاش شروع کردی گئی ہے جبکہ اس سلسلے میں بینک میں نصب کیمروں کی فوٹیج اور دیگر شواہد بھی حاصل کرلئے گئے ہیں۔
غداری کیس:عدالت کا مارچ 1956 سے مقدمات کھولنے سے انکار
سردار مہتاب عباسی آج گورنر خیبر پختونخوا کے عہدے کا حلف اٹھائیں گے
