اسلام آباد (جیوڈیسک) اسلام آباد کے مختلف علاقوں میں پولیس نے کریک ڈاؤن کر کے تحریک انصاف کے درجنوں کارکنوں کو گرفتار کر لیا۔ گرفتار ہونے والوں میں صوابی ہسپتال کے تین ڈاکٹر بھی شامل ہیں۔
پولیس نے کریک ڈائون کرکے اسلام آباد میں مختلف مقامات سے تحریک انصاف کے درجنوں کارکنوں گرفتار کرکے تھانوں میں منتقل کر دیا ہے۔ پولیس نے پمز ہسپتال کے قریب نوری سٹاپ ،آئی ایٹ، راول ڈیم چوک پر ناکے لگائے اور دھرنے سے واپس آنے والے متعدد کارکنوں کو گرفتار کر لیا۔
کارکنوں کو قیدیوں کی گاڑیوں میں ڈال کر مختلف تھانوں کی حوالات میں بند کر دیا گیا ہے۔ کارکنوں کی پہچان ان کے چہروں پر بنے پارٹی ٹیٹو اور جھنڈوں سے کی جا رہی ہے۔ گرفتار ہونے والوں میں صوابی ہسپتال کے تین ڈاکٹروں سمیت بے گناہ شہری بھی شامل ہیں۔
منظم گروہ ملکی سالمیت کیخلاف سرگرم عمل ہے، نواز شریف
مینگورہ میں کرفیو نافذ، سیکیورٹی فورسز کا سرچ آپریشن جاری
