اسلام آباد (جیوڈیسک) وفاقی دارالحکومت میں پولیس نے کریک ڈاؤن کرتے ہوئے تحریک انصاف کے درجنوں کارکنوں کو گرفتار کر لیا۔ پولیس نے پمز اسپتال کے قریب نوری اسٹاپ ،آئی ایٹ، راول ڈیم چوک پر ناکے لگائے اور دھرنے سے واپس آنے والے متعدد کارکنوں کو گرفتار کر لیا۔
کارکنوں کو قیدیوں کی گاڑیوں میں ڈال کر مختلف تھانوں کی حوالات میں بند کر دیا گیا ہے، کارکنوں کی پہچان ان کے چہروں پر بنے پارٹی ٹیٹو اور جھنڈوں سے کی جا رہی ہے۔ گرفتار ہونے والوں میں صوابی اسپتال کے تین ڈاکٹر بھی شامل ہیں۔
ایکسپریس وے پر نعرے بازی کرنیوالے 7 کارکنوں کو بھی گرفتار کر کے دفعہ 188 کے تحت مقدمہ درج کر لیا گیا۔ علاوہ ازیں پولیس نے راولپنڈی سے اسلام آباد داخلہ کے تمام راستوں پر ایک بار پھر کنٹینر رکھ دیے۔ دوسری جانب سینٹرل جیل گوجرانوالہ سے مزید 113 افراد، ڈسٹرکٹ جیل سرگودھا سے 13 کارکنوں کو رہا کر دیا گیا۔
پنجاب کے دریائوں میں سیلاب کا زور ٹوٹ گیا ، سکھر بیراج میں پانی کی سطح میں اضافہ
تحریک انصاف اتوار کو مزار قائد پر سیاسی طاقت کا مظاہرہ کرے گی
